یوحنا 15:16 - مُقادِّس کیتاب

¹⁶ سیز مِنی دَل-ده، مِن سیزی سایلادیم.‏ مِن سیزینگ گیدیپ، هیچ سُلمایان میوه بِرمِگینگیز اوچین سایلاپ-سِچدیم.‏ شُنگا گُرَه مِنینگ آدیم بیلِن آتادان نَمه دیلِسِنگیز، اُل سیزه بِرِر.‏

یوحنا 15:16 Referans Kwoze

یوحنا 15:19

دونیَه‌دِن بُلان بُلسادینگیز، دونیَه سیزی اُزونینگکیلِر کیمین سُیِردی.‏ اِمّا سیز بو دونیَه دِگیشلی دَلسینگیز.‏ مِن سیزی بو دونیَه‌دِن سایلاپ آلدیم.‏ اینه، شُنونگ اوچین هِم، دونیَه سیزی ییگرِنیَر.‏

اِفِسُسلار 2:10

سِبَبی خودای بیزی عیسی مسیحینگ اوستو بیلِن یاراتدی.‏ اُل بیزی اُوالدان تاییارلاپ قُیان یاخشی ایشلِرینی اِتمِگیمیز اوچین یاراتدی.‏

لوقا 6:13

گون دُغاندا، شَگیرتلِرینی یانینا چاغیردی.‏ اُلاردان اُن ایکی سانیسینی سایلاپ، اُلاری رِسولّیغا بِلِّدی.‏ اُلار شولاردیر:‏

غَلاطیه‌لِر 1:15

اِمّا خودای مِرحِمِت اِدیپ، مِنی اِنه‌دِن دُغماقام سایلاپ چاغیردی.‏ اُل خوش خاباری بیگانه میلِّتلِره واغیظ اِتمِگیم اوچین، مانگا اُز اُغلونی اَشکَر اِتمِگی دُغری بیلدی.‏ شُندا مِن هیچ کیمه ماصلاحاتلاشمادیم

۱ یوحنا 4:19

بیز خودایی سُییَریس، سِبَبی اَوَّل اُل بیزی سُیدی.‏

رِسول‍لار 22:14

حَنانیا مانگا:‏ ‏”‏آتا-بابالاریمیزینگ خودایی سِنی سایلادی.‏ اُل مونی اُنونگ ایسلِگینی بیلمِگینگ، دُغری بُلانی گُروپ، سُزونی اِشیتمِگینگ اوچین اِتدی.‏

۲ تیموتاوس 2:2

کَن شاهاتلارینگ یانیندا مِندِن اِشیدِن سُزلِرینگی بِیلِکیلِره-ده تَعلیم بِریپ بیلجِک وِفادارلی آداملارا تابشیر.‏

یوحنا 13:18

‏«‏مِن سیزینگ هِمَّه‌نگیز حاقدا آیتمایارین.‏ مِن اُز سایلانلاریمی بیلیَرین.‏ اِمّا، قُی، بو مُقادِّس یازغیلارداقی:‏ ‏”‏حتّیٰ دوزومی اییِن مانگا خیانات اِتدی“‏ دییِن سُزلِر بِرجای بُلسون.‏

یوحنا 6:70

عیسی اُلارا:‏ ‏«‏سیز اُن ایکیلِری اُزوم سایلاپ آلمادیمّی؟ مونگا باقمازدان، آرانگیزدان بیری شِیطاندیر»‏ دییّپ جُغاپ بِردی.‏

۱ پِطرُس 3:15

اِمّا مسیحه تانگری حُکمونده یورِکدِن حُرمات قُیونگ.‏ قالبینگیزداقی اومید حاقیندا اُزونگیزدِن حاساپ سُران هِر بیر آداما هِمیشه جُغاپ بِرمَگه تاییار بُلونگ و مونی میلاییملیق و اِدِبلیلیک بیلِن بِرجای اِدینگ.‏

۱ یوحنا 4:10

بیز خودایی دَل-ده، اَوَّل خودای بیزی سُیدی.‏ اُل بیزینگ گونَه‌لِریمیزی پَکلِمِک اوچین، اُز اُغلونی قربانلیق حُکمونده ایبِردی.‏ اینه، حاقیقی سُیگی شودور.‏

رِسول‍لار 1:24

اُنسُنگ دُغا اِدیپ:‏ ‏«‏یا خودای، سِن هِمّه‌سینینگ یورِگینی بیلیَرسینگ.‏ اینه، شو ایکیسیندِن هایسی بیرینی رِسولّیغا سایلان بُلسانگ، بیزه گُرکِز،

رومیلار 15:4

مُقادِّس یازغیلاردا یازیلانلارینگ باری بیزه تَعلیم بِرمِک اوچین یازیلاندیر.‏ بیز مُقادِّس یازغیلارینگ اوستو بیلِن صابیر-طاقاتلی بُلماغی اُورِنیَریس، اُلارینگ بِریَن تِسِلّیسینینگ اوستو بیلِن اومیدلیدیریس.‏

رِسول‍لار 9:15

اِمّا تانگری اُنگا:‏ ‏«‏بار، یُلا دوش!‏ بو آدام مِنینگ سایلاپ سِچِنیمدیر.‏ اُل باشغا میلِّتلِرینگ، پادیشاهلارینگ و اسرائیل خالقینینگ اُوونده مِنینگ آدیمی اِعلان اِدِر.‏

مَتّیٰ 21:22

ایمانینگیز بار بُلسا، دُغا اِدِنینگیزده، نَمه دیلِسِنگیز، آلارسینگیز»‏ دییّپ جُغاپ بِردی.‏

۲ تیموتاوس 1:11

مِن هِم بو خوش خابارینگ اِعلانچیسی، رِسولی و مُعلِّمی اِدیلیپ بِلِّندیم.‏

۱ قُرِنتُس‌لار 10:11

بولارینگ باری باشغالارا نِمونه بُلسون دییّپ، آتا-بابالاریمیزینگ باشیندان ایندی.‏ بو زامانینگ آخیرقی گونلِرینده یاشایانلارا، یَعنی بیزه بیلدیرمِک حُکمونده یازیلدی.‏

رومیلار 9:21

اُندا کویزه‌چینینگ شُل بیر پالچیقدان ایسلَن قابینی:‏ بیرینی مُهِم ایشلِر اوچین، بِیلِکیسینی هِر گونکی ایشلِر اوچین بِجِرمِگه حاقی یُقمی نَمه؟

یعقوب 3:18

پاراحاتلیق دُرِدیَنلِر پاراحاتچیلیق تُخومینی سِپیپ، تاقوالیق حاصیلینی اُریارلار.‏

عِبرانیلار 11:4

هابیل ایمانینگ اوستو بیلِن خودایا قابیلدان خاص قاوی قربانلیق هُدورلِدی.‏ خودای هابیل‌ینگ قربانلیغیندان راضی بُلوپ، اُنی ایمانینگ اوستو بیلِن تاقوالی آدام حاساپلادی.‏ هابیل اُلِن هِم بُلسا، ایمانینگ اوستو بیلِن حَضیر هِم کِپلِیَر.‏

تیتوس 1:5

سانگا تابشیریشیم یالی، قالان ایشلِری بیتیر، هِر شَهردَکی کِلیسالارا یاشولیلاری بِلّه.‏ اینه، اِدیل شو ماقصات بیلِن مِن سِنی کریتدَه قُیوپ قایداندیرین.‏

کولُسیلِر 1:6

شو خوش خابار هِمّه دونیَه یایراپ میوه بِریپ گِلیَر.‏ خودایینگ مِرحِمِتینینگ حاقیقی مَعنیسینه گُز یِتیرِن گونونگیزدِن بَری، بو خوش خابار سیزینگ آرانگیزدا هِم شِیله عِمِل اِدیَر.‏

رومیلار 1:5

خودای بیزه عیسی مسیحینگ اوستو بیلِن مِرحِمِت اِدیپ، رِسولّیغا سایلادی.‏ اُل مونی هِمّه میلِّتلِرینگ خودایا ایمان گِتیریپ، اُنگا موطیع بُلماغی، عیسی مسیحینگ آدینینگ بِییکلِنمِگی اوچین اِتدی.‏

رِسول‍لار 10:41

اُل عیسانی هِمّه‌لِره دَل-ده، دینگه بیزه گُرنِر یالی اِتدی.‏ سِبَبی خودای بیزی عیسی حاقدا شاهاتلیق اِتمِگیمیز اوچین سایلادی.‏ اُل دیرِلِندِن سُنگ، بیز اُنونگ بیلِن بیله اییدیک و ایچدیک.‏

۱ تیموتاوس 2:7

اِدیل شو ماقصات اوچین، مِن اِعلانچی و رِسول اِدیلیپ بِلِّندیم.‏ دُغری آیدیارین، سُزلِریمده آصلا یالان یُقدور:‏ مِن یَهودی دَل‍لِره ایمان باراداقی حاقیقاتی اُورِتمَگه بِلِّندیم.‏

کولُسیلِر 1:23

اِلبِتّه، سیز اِشیدِن خوش خابارینگیزینگ بِرِن اومیدیندا سارسمان، ایماندا کُک اوروپ، قاییم دورمالیسینگیز.‏ بو خوش خابار یِر یوزوندَکی هِر بیر اینسانا اِعلان اِدیلدی.‏ مِن پولس بو خوش خابارینگ خیدماتچیسی بُلدوم.‏

رومیلار 1:13

اِی عزیزلِر، شونی بیلمِگینگیزی ایسلِیَرین:‏ مِن بِیلِکی میلِّتلِرینگ آراسیندا بُلشی یالی، سیزینگ هِم آرانگیزداقی خیدماتیمینگ حاصیلینی گُرِسیم گِلدی.‏ شُنگا گُرَه-ده، یانینگیزا بارجاق بُلوپ، بیرنَچه گِزِک نییِتلِشدیم، اِمّا هِر گِزِک بیر پَسگِلچیلیک بُلدی.‏

رِسول‍لار 1:8

اِمّا سیزینگ اوستونگیزه مُقادِّس روح اینِنده، گویچ-قودراتدان دُلارسینگیز.‏ اورشلیمده، تامام یهودیه‌ده و سامِره‌ده، یِر یوزونینگ دُرت بورجیندا سیز مِنینگ شاهاتلاریم بُلارسینگیز»‏ دییّپ جُغاپ بِردی.‏

مَتّیٰ 7:7

‏«‏دیلَنگ، سیزه بِریلِر.‏ آغتارینگ، تاپارسینگیز.‏ قاپینی قاقینگ، سیزه آچیلار.‏

یوحنا 15:5

‏«‏مِن اوزوم باغیدیرین، سیز شاخالاریسینگیز.‏ کیم مِنده و مِن هِم اُندا یاشاسام، اُل بُل میوه بِرِر.‏ سیز مِندِن آیری هیچ زات اِدیپ بیلمِرسینگیز.‏