12 «مِنینگ حُکومیم شودور: مِن سیزی نَهیلی سُیِن بُلسام، سیز هِم بیری-بیرینگیزی شُنونگ یالی سُیونگ.
خودای بیزه: «خودایی سُییَن آدام حُکمَن اُز دُغانینی-دا سُیسون» دییّپ حُکوم بِردی.
سیزه بیر تَزه حُکوم بِریَرین: بیری-بیرینگیزی سُیونگ. مِنینگ سیزی سُیشوم یالی، سیز-ده بیری-بیرینگیزی سُیونگ.
هِمّه زاتدان مُهِم بیری-بیرینگیزی تویس یورِکدِن سُیونگ، سِبَبی سُیگی کَن گونَهلِرینگ اوستونی اُرتیَندیر.
بو خودایینگ حُکومیدیر: بیز اُنونگ اُغلی عیسی مسیحینگ آدینا ایمان گِتیرمِلیدیریس و عیسانینگ دِستور بِرشی یالی بیری-بیریمیزی سُیمِلیدیریس.
بیری-بیرینگیزی خودایینگ سُیگوسی بیلِن تویس یورِکدِن سُیونگ. بیری-بیرینگیزی حُرماتلاپ، باشغالاری اُزونگیزدِن یُقاری توتونگ.
مسیح یالی سُیوپ یاشانگ. اُل بیزی سُیوپ، خودایا ایسلی عاطیر و هِم قربانلیق حُکمونده بیزینگ اوچین جانینی قربان اِتدی.
شِیلِلیکده، هِمَّهنگیز یورِگینگیز بیر و دِردینگیز بیر بُلوپ، بیری-بیرینگیزی سُیونگ. رِحم-شِپاقاتلی و فُروتَن بُلونگ.
ایندی سیز حاقیقاتا موطیع بُلماق بیلِن یورِکلِرینگیزی پَکلِدینگیز، تویس یورِکدِن سُیگه اِیه بُلدونگیز. شُنونگ اوچین بیری-بیرینگیزی تویس یورِکدِن سُیونگ.
اُز آرا سُیگی بارادا یازیپ-دا اُتورجاق دَل، سِبَبی بیری-بیرینگیزی سُیمِگی سیزه خودایینگ اُزی اُورِتدی آخیرین.
بیز سیزی سُیشومیز یالی، قُی، عیسی مسیح بیری-بیرینگیزه، هِمّه آداملارا بُلان سُیگینگیزی آرتدیریپ، دُس-دُلی اِتسین.
اِی عزیزلِر، سیزینگ ایمانینگیز گیتدیگچَه اُسیَر، بیری-بیرینگیزه بُلان سُیگینگیز دُلوپ-آقیار. شُنگا گُرَه-ده، بیز هِمیشه خودایا شوکور اِتمِلیدیریس. بو خاص گِرِکلیدیر.
مِنینگ سیزه حُکومیم شودور: بیری-بیرینگیزی سُیونگ.