یوحنا 14:23 - مُقادِّس کیتاب

²³ عیسی اُنگا شِیله جُغاپ بِردی:‏ ‏«‏کیم مِنی سُییَن بُلسا، سُزومی بِرجای اِدِر.‏ آتام هِم اُنی سُیِر.‏ مِن آتام بیلِن اُل آدامینگ یانینا باریپ، اُنونگ بیلِن بیله مِکان توتاریس.‏

یوحنا 14:23 Referans Kwoze

یوحنا 14:21

مِنینگ حُکوملِریمی بِرجای اِدیَن کیشی مِنی سُییَندیر.‏ مِنی سُییَنی آتام-دا سُیِر.‏ مِن هِم اُنی سُیِرین و اُزومی اُنگا اَشکَر اِدِرین.‏»‏

یوحنا 14:15

‏«‏مِنی سُییَن بُلسانگیز، حُکوملِرینی بِرجای اِدینگ.‏

۱ یوحنا 2:24

قُی، سیزینگ اُزال-باشدان اِشیدِن سُزونگیز قالبینگیزدا یِرلِشسین.‏ شُندا سیز اُغول بیلِن هِم، آتا بیلِن هِم یاشارسینگیز.‏

۱ یوحنا 4:4

عزیز بالالار، سیز بُلسا خودایدانسینگیز.‏ سیزدَکی روحونگ دونیَه‌دَکی روحلاردان اوستوندیگی اوچین، سیز یالان نِبیلِری یِنگِنسینگیز.‏

۲ قُرِنتُس‌لار 6:16

خودایینگ عیباداتخاناسی بیلِن بُتلارینگ، هِی-ده، اُزآرا راضیلاشیغی بُلارمی نَمه؟ چونکی بیز دیری خودایینگ عیباداتخاناسیدیریس.‏ خودای دییَّر:‏ ‏«‏مِن اُلارینگ آراسیندا مِسکِن توتارین و اُلارینگ آراسیندا بُلارین.‏ مِن اُلارینگ خودایی، اُلار هِم مِنینگ خالقیم بُلارلار»‏ دییّپدی آخیرین.‏

یوحنا 10:30

مِن و آتام بیردیریس»‏ دییّپ جُغاپ بِردی.‏

یوحنا 6:56

مِنینگ بِدِنیمی اییّپ، قانیمی ایچیَن مِنده یاشار، مِن هِم اُندا.‏

آیانلیق 21:22

مِن بو شَهرده عیباداتخانا گُرمِدیم.‏ چونکی قودراتلی-گویچلی خودای و قوزی شَهرینگ عیباداتخاناسیدیر.‏

آیانلیق 22:3

بو شَهرده ایندی آصلا لَعنِت بُلماز.‏ خودایینگ و قوزینینگ تاختی بو شَهرده بُلار، و خودایینگ خیدماتکَرلِری اُنگا خیدمات اِدِرلِر.‏

یوحنا 8:51

مِن سیزه دُغروسینی آیدیارین، مِنینگ سُزومی ساقلایان آدام آصلا اُلوم قاراسینی گُرمِز»‏ دییدی.‏

یوحنا 8:52

یَهودیلِر اُنگا:‏ ‏«‏سِنی جین اوراندیغینی ایندی آچیق بیلدیک.‏ ابراهیم و پیغامبارلار-دا اُلدی.‏ اِمّا سِن:‏ ‏”‏مِنینگ سُزومی ساقلایان آدام هیچ هاچان اُلمِز“‏ دییَّرسینگ.‏

یوحنا 14:24

مِنی سُیمِیَن مِنینگ سُزومی بِرجای اِدیَن دَلدیر.‏ سیزینگ بو اِشیدیَن سُزلِرینگیز مِنینگکی دَل-ده، مِنی ایبِرِن آتانینگقیدیر.‏

یوحنا 15:10

مِن آتامینگ حُکوملِرینی بِرجای اِدیپ، اُنونگ سُیگوسینه وِفالی بُلشوم یالی، سیز هِم حُکوملِریمی بِرجای اِتسِنگیز، مِنینگ سُیگیمه وِفالی بُلارسینگیز.‏

یوحنا 16:27

چونکی آتامینگ اُزی سیزی سُییَر، سِبَبی سیز مِنی سُیوپ، مِن خودایدان گِلِندیگیمه ایناندینگیز.‏

اِفِسُسلار 3:17

عیسی مسیح ایمانینگیزینگ اوستو بیلِن یورِکلِرینگیزده یاشاسین.‏ شِیله-ده، مِن سُیگینینگ سیزده کُک اوروپ یِرلِشمِگینی، مسیحینگ سُیگوسینینگ نَهیلی گینگ، اوزین، بِییک و چونگّوردیغینا هِمّه مُقادِّسلِری بیلِن بیرلیکده دوشونمِگینگیزی خودایدان دیلِیَرین.‏

۱ یوحنا 2:5

اِمّا خودایینگ سُزونی بِرجای اِدیَن آدامدا اُنونگ سُیگوسی حاقیقاتدان هِم کَمیلدیر.‏ اینه، بیز خودای بیلِن یاشایاندیغیمیزی شِیدیپ بیلیَریس.‏

۱ یوحنا 5:3

خودایی سُیمِک اُنونگ حُکوملِرینی بِرجای اِتمِکدیر.‏ اُنونگ حُکوملِری بُلسا آغیر دَلدیر.‏

۲ یوحنا 1:6

سُیگی دییمِک، خودایینگ حُکوملِرینه گُرَه یاشاماقدان عیباراتدیر.‏ اُوال-باشدان اِشیدیشینگیز یالی، خودای بیری-بیرینگیزی سُیوپ یاشاماغی حُکوم اِتدی.‏

آیانلیق 21:3

مِن تاختدان قاتی بیر سِسینگ شِیله دییِنینی اِشیتدیم:‏ ‏«‏خودایینگ مِسکِنی ایندی اینسانلارینگ آراسیندادیر!‏ اُل ایندی اینسانلارینگ آراسیندا مِسکِن توتار.‏ اُلار اُنونگ خالقی بُلارلار و اُل هِم اُلار بیلِن بُلوپ، اُلارینگ خودایی بُلار.‏