یوحنا 13:34 - مُقادِّس کیتاب

³⁴ سیزه بیر تَزه حُکوم بِریَرین:‏ بیری-بیرینگیزی سُیونگ.‏ مِنینگ سیزی سُیشوم یالی، سیز-ده بیری-بیرینگیزی سُیونگ.‏

یوحنا 13:34 Referans Kwoze

اِفِسُسلار 5:2

مسیح یالی سُیوپ یاشانگ.‏ اُل بیزی سُیوپ، خودایا ایسلی عاطیر و هِم قربانلیق حُکمونده بیزینگ اوچین جانینی قربان اِتدی.‏

یوحنا 15:17

مِنینگ سیزه حُکومیم شودور:‏ بیری-بیرینگیزی سُیونگ.‏

۱ پِطرُس 1:22

ایندی سیز حاقیقاتا موطیع بُلماق بیلِن یورِکلِرینگیزی پَکلِدینگیز، تویس یورِکدِن سُیگه اِیه بُلدونگیز.‏ شُنونگ اوچین بیری-بیرینگیزی تویس یورِکدِن سُیونگ.‏

غَلاطیه‌لِر 6:2

بیری-بیرینگیزه حِمایاتچی بُلونگ.‏ شِیله اِتسِنگیز، مسیحینگ یُلونی بِرجای اِتدیگینگیز بُلار.‏

۱ یوحنا 3:23

بو خودایینگ حُکومیدیر:‏ بیز اُنونگ اُغلی عیسی مسیحینگ آدینا ایمان گِتیرمِلیدیریس و عیسانینگ دِستور بِرشی یالی بیری-بیریمیزی سُیمِلیدیریس.‏

۱ یوحنا 4:21

خودای بیزه:‏ ‏«‏خودایی سُییَن آدام حُکمَن اُز دُغانینی-دا سُیسون»‏ دییّپ حُکوم بِردی.‏

یعقوب 2:8

اِگِر سیز مُقادِّس یازغیلارداقی:‏ ‏«‏هِمسایانی اُزونگی سُیشونگ یالی سُی»‏ دییِن اینگ مُهِم حُکومی یِرینه یِتیریَن بُلسانگیز، دُغری ایش اِدیَنسینگیز.‏

۱ تِسالونیکیلِر 3:12

بیز سیزی سُیشومیز یالی، قُی، عیسی مسیح بیری-بیرینگیزه، هِمّه آداملارا بُلان سُیگینگیزی آرتدیریپ، دُس-دُلی اِتسین.‏

رومیلار 12:10

بیری-بیرینگیزی خودایینگ سُیگوسی بیلِن تویس یورِکدِن سُیونگ.‏ بیری-بیرینگیزی حُرماتلاپ، باشغالاری اُزونگیزدِن یُقاری توتونگ.‏

غَلاطیه‌لِر 6:10

شُنگا گُرَه-ده، حَضیر واقتیمیز بارقا، هِمّه‌لِره، خاص-دا ایمانداقی دُغانلاریمیزا یاخشیلیق اِدِیلینگ.‏

۱ یوحنا 3:11

سیز بیری-بیریمیزی سُیمِلیدیگیمیز بارادا اُزال-باشدان اِشیدِنسینگیز.‏

عِبرانیلار 13:1

مسیحه ایمان گِتیرِنلِره میناسیپ بُلشی یالی، بیری-بیرینگیزی سُیونگ.‏

۲ تِسالونیکیلِر 1:3

اِی عزیزلِر، سیزینگ ایمانینگیز گیتدیگچَه اُسیَر، بیری-بیرینگیزه بُلان سُیگینگیز دُلوپ-آقیار.‏ شُنگا گُرَه-ده، بیز هِمیشه خودایا شوکور اِتمِلیدیریس.‏ بو خاص گِرِکلیدیر.‏

غَلاطیه‌لِر 5:22

اِمّا مُقادِّس روحونگ میوه‌لِری بُلسا شولاردیر:‏ سُیگی، شاتلیق، آسودالیق، صابیرلیق، مِهرِبانلیق، یاخشیلیق، وِفادارلیق،

۲ پِطرُس 1:7

تاقوالیقدا مِهرِبانلیغی، مِهرِبانلیقدا خودایینگ سُیگوسینی آرتدیرماغا چالیشینگ.‏

کولُسیلِر 1:4

سِبَبی بیز سیزینگ عیسی مسیحه بُلان ایمانینگیز و هِمّه مُقادِّسلِره گُرکِزِن سُیگینگیز حاقیندا اِشیتدیک.‏

غَلاطیه‌لِر 5:6

چونکی عیسی مسیحه باغلی بُلانلارینگ آراسیندا نه سونِّتلیلیگینگ، نه-ده سونِّتسیزلیگینگ اَهمییِتی باردیر.‏ یِکه سُیگَه عِمِل اِدیَن ایمان اَهمییِتلیدیر.‏

یوحنا 17:21

اُلارینگ هِمّه‌سی بیر بُلسون.‏ آتا، سِن مِنده و مِن-ده سِنده بُلشوم یالی، اُلار هِم بیزده بُلسونلار.‏ شِیلِلیکده، مِنی سِنینگ ایبِرِندیگینگه دونیَه ایمان گِتیرسین.‏

مَتّیٰ 5:44

اِمّا مِن سیزه شونی آیدایین:‏ دوشمانلارینگیزی سُیونگ، اُزونگیزی اِذیِت بِریَنلِر اوچین دُغا اِدینگ.‏

رومیلار 13:8

بیری-بیرینگیزه سُیگودِن باشغا بِرگینگیز بُلماسین، سِبَبی باشغا بیرینی سُییَن آدام شِریغاتی بِرجای اِدیَندیر.‏

رومیلار 13:10

هِمسایانی سُییَن آدام اُنگا یامانلیق اِدیَن دَلدیر.‏ شِیدیپ، باشغالاری سُییَن آدام شِریغاتی بِرجای اِدیَندیر.‏