یوحنا 11:42 - مُقادِّس کیتاب

⁴² سِن مِنی هِمیشه-ده اِشیدیَندیگینگی بیلیَرین.‏ اِمّا بو سُزلِری شو یِرده دوران خالق اوچین، مِنی سِنینگ ایبِرِندیگینگه ایمان گِتیرسینلِر دییّپ آیتدیم»‏ دییدی.‏

یوحنا 11:42 Referans Kwoze

یوحنا 3:17

خودای اُغلونی دونیَه‌دَکیلِری مَحکوم اِتمِک اوچین دَل-ده، اُندان باشغا اُنونگ اوستو بیلِن نِجات تاپسین دییّپ دونیَه ایبِردی.‏

یوحنا 17:21

اُلارینگ هِمّه‌سی بیر بُلسون.‏ آتا، سِن مِنده و مِن-ده سِنده بُلشوم یالی، اُلار هِم بیزده بُلسونلار.‏ شِیلِلیکده، مِنی سِنینگ ایبِرِندیگینگه دونیَه ایمان گِتیرسین.‏

۱ یوحنا 4:14

بیز آتانینگ اُز اُغلونی دونیَه‌نینگ نِجات بِریَنچیسی اِدیپ ایبِرِندیگینی گُردوک و مونگا شاهاتلیق اِدیَریس.‏

عِبرانیلار 7:25

شِیلِلیکده، عیسی اُزونینگ اوستو بیلِن خودایا گِلیَنلِری اِبِدیلیک نِجات بِرمِگی باشاریاندیر.‏ چونکی اُلار اوچین هِمیشه خودایا تُوِلّا اِدیَر.‏

عِبرانیلار 5:7

مسیح بو دونیَه‌ده یاشان واقتیندا گُزیاش دُکوپ، اُزونی اُلومدِن نِجات بِرمِگی باشاریان خودایا دُغالار هِم یالباریشلار بیلِن فِریاد اِتدی.‏ اُل اُزونی خودایا تابشیراندیغی اوچین خاییشی یِرینه یِتدی.‏

رومیلار 8:3

شِریغات اینسان هُوِسلِریمیزینگ چاره‌سیندِن گِلیپ بیلمَنسُنگ، بیزی آزاد اِدیپ بیلمِدی.‏ شِریغاتینگ باشارمادیق ایشینی خودای یِرینه یِتیردی.‏ خودای دونیَه‌دَکی گونَه سِبَپلی اُز اُغلونی بیر گونَه‌کَر اینسان کیمین ایبِردی-ده، اُنونگ اوستو بیلِن گونَه‌نی مَحکوم اِتدی.‏

یوحنا 20:31

یُنه بولار سیزینگ عیسانینگ خودایینگ اُغلی مسیحدیگینه ایمان گِتیرمِگینگیز اوچین و ایمان گِتیریپ، اُنونگ آدی بیلِن یاشایشا قاووشماغینگیز اوچین یازیلدی.‏

یوحنا 17:25

‏«‏اِی عادالاتلی آتا، دونیَه سِنی تانیمییار، اِمّا مِن سِنی تانییارین.‏ بو آداملار هِم مِنی سِنینگ ایبِرِندیگینگی بیلیَرلِر.‏

یوحنا 17:8

چونکی مانگا آیدان سُزلِرینگی مِن اُلارا یِتیردیم.‏ اُلار سُزلِرینگی قابول اِدیپ، مِنینگ، حاقیقاتدان-دا، سِندِن گِلِندیگیمی بیلدیلِر.‏ مِنی سِنینگ ایبِرِندیگینگه ایمان گِتیردیلِر.‏

یوحنا 11:22

حَضیر هِم خودایدان نَمه دیلِسِنگ، سِنینگ دیلِگینگی بیتیرجِگینی بیلیَرین»‏ دییدی.‏

مَتّیٰ 26:53

نَمه مِن آتامدان کُمِک ایسلَپ، کُمِک بِرمِز دییّپ گومَن اِدیَرسینگیزمی؟ ایسلِسِم، اُل شو واقتینگ اُزونده مانگا اُن ایکی قُشوندان کَن پِریشدَه‌نی ایبِرِر.‏

غَلاطیه‌لِر 4:4

اِمّا بِلِّنیلِن واقت یِتیپ گِلِنده، خودای اُز اُغلونی ایبِردی.‏ اُل آیالدان دُغلوپ، شِریغاتلیغیندا یاشادی.‏

یوحنا 11:31

اُیده مریمینگ یانیندا بُلوپ، اُنگا گُوونلیک بِریَن یَهودیلِر اُنونگ هاولوقماچ چیقیپ گیدِنینی گُردولِر.‏ اُل آغلاماق اوچین قابرا طاراف باریاندیر دییّپ گومَن اِدیپ، اُلار اُنونگ ایزیندان گیتدیلِر.‏

یوحنا 8:42

عیسی اُلارا شِیله دییدی:‏ ‏«‏اِگِر آتانگیز خودای بُلسا، اُندا مِنی سُیِردینگیز، سِبَبی مِن خودایدان گِلدیم، اُز-اُزومدِن گِلمِدیم، مِنی اُل ایبِردی.‏

یوحنا 8:29

مِنی ایبِرِن مِنینگ بیلِندیر، اُل مِنی یِکه قُیوپ گیتمِدی.‏ سِبَبی مِن هِمیشه اُنگا حالایان زاتلاری اِدیَرین»‏ دییدی.‏

یوحنا 8:16

مِن حُکوم چیقارایسام-دا، حُکومیم حاقدیر، چونکی مِن یِکه دَل-ده، اُزومی ایبِرِن آتا بیلِندیرین.‏

یوحنا 11:43

شو سُزلِردِن سُنگ اُل قاتی سِس بیلِن:‏ ‏«‏ایلعازار، داشاری چیق!‏»‏ دییّپ قیغیردی.‏

یوحنا 12:11

چونکی کَن یَهودیلِر یُلباشچیلاردان یوز اُووروپ ایلعازار سِبَپلی عیسی ایمان گِتیریپدیلِر.‏

یوحنا 12:17

عیسی ایلعازاری قابردان چاغیریپ دیرِلدِنده، کَن جِماغات بو واقانی گُردی.‏ ایندی اُلار بو حاقدا هِمّه‌لِره گورّونگ بِریَردیلِر.‏