یعقوب 1:6 - مُقادِّس کیتاب

⁶ اِمّا اُل آدام شِک اِتمَن ایمان بیلِن دیلِسین، سِبَبی شِک اِدیَن آدام اِدیل یِلینگ اِیلَک-بِیلَک چایقایان دِریانگ مُوجی یالیدیر.‏

یعقوب 1:6 Referans Kwoze

عِبرانیلار 11:6

ایمان گِتیرمِیَن آدام هیچ واقت خودایی خُشنود اِدیپ بیلمِز، چونکی خودایا یاقینلاشان آدام اُنونگ بارلیغینا و اُزونی آغتاریانلاری بایراق بِرجِکدیگینه حُکمَن ایمانی بُلمالیدیر.‏

اِفِسُسلار 4:14

شِیدیپ، موندان بِیلَک اینسانلارینگ یالانچیلیغینینگ و مِکرلیک بیلِن دوزیَن هِر هیلی تَعلیماتینینگ یِلینَه کُولوپ، اِیلَک-بِیلَک ایتیکلِنیَن چاغالار یالی بُلماریس.‏

عِبرانیلار 10:23

ایندی ایقرار اِدِن اومیدیمیزی شِکلِنمَن قاییم ساقلایلینگ، چونکی واعدا بِرِن خودای اِمیندیر.‏

عِبرانیلار 13:9

هِر هیلی بیگانه تَعلیماتلارا گُوون بِریپ، گِلِن-گِچِنی آلمانگ.‏ قالبینگیزینگ اییّپ-ایچمِک عاداتلاریندان دَل-ده، خودایینگ مِرحِمِتیندِن قاییملاماغی قاویدیر.‏ سِبَبی اییّپ-ایچمِک عاداتلارینگ ایزینا دوشیَنلِر موندان هیچ هیلی خاییر گُرِن دَلدیر.‏

۱ تیموتاوس 2:8

شُنگا گُرَه-ده، اِرکِکلِرینگ قاهارلانمان، جِدِلِّشمَن، هِمّه یِرده اِل‍لِرینی قالدیریپ، پَک یورِکدِن دُغا اِتمِکلِرینی ایسلِیَرین.‏

۲ پِطرُس 2:17

بو آداملار بُلسا قوراپ قالان چِشمه‌لِردیر و گویچلی یِلینگ کُویان اوموردیر.‏ دُوزاخدا توم قارانگقیلیق شُلار اوچین ساقلانیاندیر.‏

مَتّیٰ 14:28

پِطرُس اُنگا جُغاپ بِریپ:‏ ‏«‏اِی آقام، بو سِن بُلسانگ، مانگا دِستور بِر، سووونگ یوزوندِن یُریپ، یانینگا بارایین»‏ دییدی.‏

رِسول‍لار 10:20

تور، آشاق دوش، شِکلِنمه-ده، اُلار بیلِن گیت.‏ اُلاری مِن یُلّادیم»‏ دییدی.‏

یعقوب 1:7

شِیله آدام خودایدان بیر زات آلارین دییّپ گومَن اِتمِسین.‏

یعقوب 5:15

ایمان بیلِن اِدیلِن دُغا مِریضه شِفا بِرِر، خودای اُنی آیاغا قالدیرار.‏ اِگِر اُل گونَه قازانان بُلسا، اُنونگ گونَه‌سی باغیشلانار.‏