عِبرانیلار 6:2 - مُقادِّس کیتاب

² تَعمید بِرمِکلِر، اِل قُیوپ دُغا اِتمِکلِر بارادا، شِیله-ده اُلولِرینگ دیرِلیشی و اِبِدی حُکوم بارادا نَچه گِزِک اِساسی تَعلیم آلماغیمیزینگ گِرِگی یُق.‏

عِبرانیلار 6:2 Referans Kwoze

رِسول‍لار 6:6

اُنسُنگ بو آداملاری رِسول‍لارینگ حوضورینا گِتیردیلِر.‏ رِسول‍لار هِم اِل‍لِرینی اُلارینگ باشینا قُیوپ، اُلار اوچین خودایا دُغا اِتدیلِر.‏

رِسول‍لار 24:25

پولس تاقوالیق، اُز نِفسینگی ساقلاماق هِم گِلجِک حُکوم حاقدا گورّونگ اِدِنده، فِلیکس قُرقوپ:‏ ‏«‏بُلدی، حَضیرلیکچه گیت، گِرِکلی فُرصَت بُلاندا، یِنه سِنی چاغیردارین»‏ دییدی.‏

رِسول‍لار 23:6

پولس اُلارینگ بیر بُلِگینینگ صادّوقی‌لار، بِیلِکی بُلِگینینگ-ده فَریسی‌لِردیگینی بیلیپ:‏ ‏«‏اِی دُغانلار، مِن فَریسی، فَریسی‌نینگ اُغلودیرین.‏ مِن اُلولِرینگ دیرِلیَندیگینه اومید باغلایاندیغیم اوچین حُکوم اِدیلیَرین!‏»‏ دییّپ، مِجلِسده قاتی قیغیردی.‏

رِسول‍لار 17:18

بیرنَچه اِپیکورین و رَواقین فیلسوفلار هِم پولس بیلِن جِدِلِّشدیلِر.‏ کَبیرلِری:‏ ‏«‏بو بُش سُزلی آدام نَمه دییجِک بُلیار؟»‏ کَبیرلِری:‏ ‏«‏اُل بیگانه خودایلار بارادا واغیظ اِدیَر»‏ دییَّردی.‏ پولس عیسانینگ خوش خابارینی و دیرِلیشینی واغیظ اِدیَندیگی اوچین، اُلار شِیله دییَّردیلِر.‏

رِسول‍لار 16:33

شُل گیجَه‌نینگ اُزونده زیندانبان اُلاری بیر چِته چیقاریپ، یارالارینی یوودی.‏ سُنگرا شو واقت اُل اُی-ایچِرسیندَکیلِر بیلِن بیله تَعمیدلِندی.‏

رِسول‍لار 16:15

لیدییه هِمّه اُی-ایچِرسی بیلِن تَعمیدلِنِندِن سُنگرا بیزی اُیونه چاغیریپ:‏ ‏«‏مِنی خودایا صادیق ساییان بُلسانگیز، گِلینگ-ده، اُیومده قالینگ»‏ دییّپ یالباریپ، بیزی راضیلادی.‏

رِسول‍لار 10:47

‏«‏اِدیل بیزینگ یالی، بو آداملار هِم مُقادِّس روحی قابول اِتدیلِر.‏ ایندی بولاری تَعمیدلِنمِگینی کیم قاداغان اِدیپ بیلِر؟»‏ دییدی.‏

رِسول‍لار 2:41

شِیلِلیکده، اُنونگ سُزلِرینی شاتلیق بیلِن قابول اِدِنلِر تَعمیدلِندیلِر.‏ شُل گون اوچ مونگه قُلای آدام ایمان گِتیردی.‏

رِسول‍لار 2:38

پِطرُس اُلارا شِیله دییدی:‏ ‏«‏توبا اِدینگ، هِر بیرینگیز عیسی مسیحینگ آدی بیلِن تَعمید آلینگ.‏ شُندا سیزینگ گونَه‌لِرینگیز باغیشلانار و مُقادِّس روحونگ واعداسینی آلارسینگیز.‏

یوحنا 1:33

شُل واقت مِن اُنونگ کیمدیگینی تانیمییاردیم، اِمّا آداملاری سووا تَعمید بِرجِک اوچین مِنی ایبِرِن:‏ ‏”‏مُقادِّس روحونگ کیمینگ اوستونه اینِنینی گُرسِنگ، آداملاری مُقادِّس روحا تَعمید بِرجِک شُلدور“‏ دییدی.‏

مَرقُس 16:16

ایمان گِتیریپ تَعمید آلینان نِجات تاپار، یُنه ایمان گِتیرمِدیک مَحکوم بُلار.‏

مَتّیٰ 28:19

شُنونگ اوچین هِم گیدینگ-ده، هِمّه میلِّتلِری مِنینگ شَگیردیم اِدینگ، اُلاری آتا، اُغول و مُقادِّس روحونگ آدیندان تَعمید بِرینگ.‏

۲ پِطرُس 3:7

اینه، حَضیرکی یِر بیلِن آسمان بُلسا خودایینگ سُزی بیلِن ساقلانیپ، خودایسیز آداملارینگ حُکوم و هِلَک اِدیلجِک گونونه چِنلی اُد اوچین تاییار دور.‏

عِبرانیلار 11:35

آیال‍لار اُلِن یاقینلارینی دیرِلِن حالدا ایزینا آلدیلار.‏ کَبیرلِری بُلسا دیرِلیشدِن سُنگ قاوی یاشایشا قاووشماق اوچین، آزاد بُلماغی قابول اِتمَن، عاذاپ و زِجیره جیدادیلار.‏

عِبرانیلار 9:10

مونگا دینگه بِدِن بیلِن باغلی بُلان اییّپ-ایچمِک و هِر هیلی پَکلِنیش واجیپلاری گیریَر.‏ بولارینگ هِمّه‌سی تَزه تِرتیب یِرلِشدیریلیَنچه یِرینه یِتیریلیَردی.‏

۲ تیموتاوس 2:18

حاقیقات یُلوندان آزاشاندیرلار.‏ اُلار قیامات گونی یِرینه یِتدی دییّپ، کَبیر آداملارینگ ایمانینی وِیران اِدیَرلِر.‏

کولُسیلِر 2:12

سیز تَعمیدده مسیح بیلِن بیله گُمیلدینگیز و اُنی اُلومدِن دیرِلدِن خودایینگ قودراتینا ایمان گِتیریپ، مسیح بیلِن بیرلیکده دیرِلدینگیز.‏

فیلیپیلِر 3:21

سِبَبی عیسی مسیح بیزینگ اِجیز و اَهمییِتسیز بِدِنلِریمیزی اویدگِدیپ، اُز بِییک بِدِنینه مِنگزِدِر.‏ اُل مونی هِر زادی اُزونه موطیع اِتمِگی باشاریان گویجی بیلِن یِرینه یِتیرِر.‏

۱ قُرِنتُس‌لار 12:13

چونکی بیز کیم بُلساق-دا:‏ یَهودیمی، یَهودی دَلمی، قولمی، آزادمی – تَفاوُتی یُق، باریمیز بیر بِدِن بُلماق اوچین، بیر مُقادِّس روحا تَعمیدلِندیک.‏ بیزینگ باریمیز بیر مُقادِّس روحی قابول اِتدیک.‏

۱ قُرِنتُس‌لار 10:2

اُلارینگ باری بولودا و دِریادا تَعمیدلِندیریپ، موسانینگ ایزینا دوشدولِر.‏

رومیلار 2:16

بولارینگ هِمّه‌سی خودای آداملارینگ اُغرین ایشلِرینی و فیکرلِرینی عیسی مسیحینگ اوستو بیلِن قاضیلیق اِتجِک گونونده آیان بُلار.‏ بولارینگ باری واغیظ اِدیَن خوش خاباریمدا بِیان اِدیلِندیر.‏

رِسول‍لار 26:8

نَمه اوچین خودایینگ اُلولِری دیرِلتمِگینی اینانیپ بُلماجاق زات حاساپلایارسینگیز؟

رِسول‍لار 24:21

اُلارینگ اُوونده دوروپ، قاتی سِس بیلِن:‏ ‏”‏اُلولِر دیرِلیَر دییِنیم اوچین بو گون سیزینگ اُوونگیزده حُکوم اِدیلیَرین“‏ دییّپ قیغیردیم.‏ موندان باشغا مِنینگ نَمه عاییبیم بار؟»‏

رِسول‍لار 24:15

اِدیل بو آداملار یالی، مِن هِم دُغرولارینگ-دا، دُغری دَل‍لِرینگ-ده اُلومدِن دیرِلجِکدیگینه خودایا اومید باغلایارین.‏

رِسول‍لار 4:2

اُلار قاهار-غاضابا میندیلِر، سِبَبی بو ایکی رِسول خالقا تَعلیم بِرمِک بیلِن عیسادا اُلولِرینگ دیرِلیشینی اِعلان اِدیَردیلِر.‏

یوحنا 5:29

یاخشیلیق اِدِنلِر یاشاماق اوچین، یامانلیق اِدِنلِر بُلسا مَحکوم بُلماق اوچین دیرِلِر.‏

لوقا 14:14

شُندا سِن بِرِکِت تاپارسینگ.‏ چونکی اُلار سانگا عُوِضینی قایتاریپ بیلمِزلِر، مونونگ عُوِضی سانگا دُغری آداملارینگ قیامات گونی بِرلِر»‏ دییدی.‏

لوقا 12:50

مِن قاتی قایغی-حاسراتا باتیارین.‏ بو یِرینه یِتیَنچَه، مِن قیسیلیارین!‏

لوقا 11:38

فَریسی اُنونگ ناهاردان اُنگ اِلینی یووماندیغینی گُروپ، گِنگ قالدی.‏

لوقا 3:16

یحیی اُلارا:‏ ‏«‏مِن سیزی سووا تَعمید بِریَرین، اِمّا مِندِن سُنگرا گِلجِک مِندِن-ده خاص گویچلیدیر.‏ مِن اُنونگ کُووشینینگ باغینی چُزمَگه-ده میناسیپ دَلدیرین.‏ اُل سیزی مُقادِّس روحا هِم-ده اُدا تَعمید بِرِر.‏

مَرقُس 7:8

سیز اینسان سونِّتلِرینینگ ایزینا دوشوپ، خودایینگ حُکوملِرینی تِرک اِدیَرسینگیز»‏ دییدی.‏

مَرقُس 7:4

بازاردان گِلِنلِرینده-ده، یووونمان هیچ زات اییمِیَردیلِر.‏ شِیله-ده کَسه، قاپ-چاناق، میس قازانلاری تَمیزلِمِک یالی سونِّتلِری هِم ساقلایاردیلار.‏

مَتّیٰ 3:14

اِمّا یحیی اُنی ساقلاپ:‏ ‏«‏سِن مِنی تَعمید بِرمِلی، سِنینگ اُزونگ مِنینگ یانیما گِلیَرسینگمی؟»‏ دییدی.‏

۲ قُرِنتُس‌لار 5:10

چونکی یاخشی بُلسون، یامان بُلسون – بِدِندِکَک اِدِن عِمِل‍لِریمیزه گُرَه پاییمیزی آلماق اوچین، هِمَّه‌میز مسیحینگ حُکوم تاختینینگ اُوونده دورمالیدیریس.‏

رِسول‍لار 13:3

شِیلِلیکده، اُلار آرازا توتوپ، دُغا اِتدیلِر و اِل‍لِرینی اُلارینگ اوستونه قُیوپ، بارنابا بیلِن سولُسی یُلا سالدیلار.‏