14 بو فِرزِنتلِر تِن و هِم قانداندیقلاری اوچین، عیسی هِم اُلار یالی اینسان بُلدی. اُلومه دوچار اِدیَن شِیطانی اُل اُز اُلومینینگ اوستو بیلِن یُق اِتدی،
ایندی نِجات بِریَنچیمیز عیسی مسیحینگ گِلمِگی بیلِن آیان اِدیلدی. اُل اُلومی باطیل اِدیپ، خوش خابارینگ اوستو بیلِن باقی یاشایشی و اُلمِزلیگی آیان اِتدی.
شِریغات اینسان هُوِسلِریمیزینگ چارهسیندِن گِلیپ بیلمَنسُنگ، بیزی آزاد اِدیپ بیلمِدی. شِریغاتینگ باشارمادیق ایشینی خودای یِرینه یِتیردی. خودای دونیَهدَکی گونَه سِبَپلی اُز اُغلونی بیر گونَهکَر اینسان کیمین ایبِردی-ده، اُنونگ اوستو بیلِن گونَهنی مَحکوم اِتدی.
حُکومدارلارینگ و ایختییارلیلارینگ اِلیندِن یاراغینی آلدی و اُلاری صلیبینگ اوستو بیلِن یِنگیپ، هِمّهلِرینگ یانیندا بیآبرای اِتدی.
سُز اینسان بُلوپ، آرامیزدا گِلیپ یاشادی. اُل مِرحِمِتدِن و حاقیقاتدان دُلودی. بیز اُنونگ بِییکلیگینی، یَعنی آتادان گِلِن یِکِجه اُغلونینگ بِییکلیگینی گُردوک.
شو سِبَپلی هِم چاغیریلانلاری خودایینگ واعدا اِدِن اِبِدی میراثینا قاوشورماق اوچین، عیسی مسیح تَزه عَهدینگ بُنیادچیسی بُلدی. اُلاری اَوَّلکی عَهد زاماندا اِدِن گونَهلِرینینگ جِزاسیندان آزاد اِتمِک اوچین اُل قربانی بُلدی.
شُنگا گُرَه-ده، اِی عزیزلِر، مِن سیزه آیتجاق زادیم: اِت بیلِن قاندان بُلان یِردَکی اینسان خودایینگ پادیشاهلیغینی میراث آلیپ بیلیَن دَلدیر. چویرییَن بِدِن چویریمِیَن بِدِنه شِریک بُلوپ بیلیَن دَلدیر.
مِن دیریدیرین. اُلودیم، یُنه، اینه، ایندی اِبِدیلیک دیریدیرین. اُلومینگ-ده، اُلولِر دونیَهسینینگ-ده آچاری مِندِدیر.
سِبَبی مسیح اُلولِرینگ-ده، دیریلِرینگ-ده تانگریسی بُلماق اوچین اُلوپ، دیرِلدی.
عیسانینگ اُزی وِسوِسه دوشوپ، عاذاپ بارینی گُرِندیگی اوچین، وِسوِسه دوشِنلِره کُمِک اِتمِگی باشاریاندیر.
گُرجِک قینچیلیقلارینگدان قُرقما! اینه، ایمتِحان اوچین، شِیطان سیزینگ کَبیرلِرینگیزی زیندان اِتدیرِر و سیز اُن گونلَپ عاذاپ چِکِرسینگیز. اُلوم خاطاری اوستونگه قُرقی سالسا-دا، وِفادار قال، مِن سانگا یاشاییش تاجینی بِرِرین.
باش کاهینمیز آصلا گونَه اِتمِدیک هِم بُلسا، اِدیل بیز یالی هِمّه طارافدان وِسوِسهلِره سالنیپدی. شُنونگ اوچین هِم اُل بیزینگ اِجیزلیکلِریمیزه دوشونیَر.
اِمّا بِلِّنیلِن واقت یِتیپ گِلِنده، خودای اُز اُغلونی ایبِردی. اُل آیالدان دُغلوپ، شِریغاتلیغیندا یاشادی.
مِن سیزه دُغروسینی آیدیارین، بوغدای دَنهسی یِره قاچیپ اُلمِسه، یِکه دَنه بُلوپ قالار، اِمّا اِگِر اُلَیسه، کَن حاصیل بِرِر.
پِریشده اژدهانی، یَعنی اِبلیس یا-دا شِیطان دییلیپ آدلاندیریلیان قادیمی ییلانی توتدی-دا، مونگ ییلاپ زینجیرلادی.
اولی اژدها اُز پِریشدهلِری بیلِن یِره زینگیلدی. هاووا، هِمّه دونیَهنی آزدیریپ، اِبلیس یا-دا شِیطان دییّپ آدلاندیریلیان بو قادیمی ییلان یِره زینگیلدی.
ایمان سیرینینگ اولیدیغینا آصلا شِک یُقدور: عیسی مسیح اینسان بِدِنینده آیان بُلوپ، مُقادِّس روحونگ اوستو بیلِن تاصدیقلانیلدی. پِریشدهلِر اُنی گُردولِر، اُل میلِّتلِر آراسیندا واغیظ اِدیلدی. اُنگا بو دونیَهده ایمان گِتیریلدی، اُل بِییکلیک ایچینده آسمانا آلیندی.
«سُنگرا سُلونداقیلارا شِیله دییِر: ”اِی لَعنِتلیلِر، مِنینگ یانیمدان آیریلینگ، شِیطان بیلِن اُنونگ پِریشدهلِرینه تاییارلانان اِبِدی اُدا گیدینگ!
عیسی اُنگا شِیله دییدی: «نَهیلی خوشواقت سِن، اِی یونانینگ اُغلی شمعون! بو سیری سانگا آیان اِدِن اینسان دَل-ده، آسمانداقی آتامدیر.
خودای دونیَهنینگ حُرماتلی حاساپلانیانلارینی باطیل اِتمِک اوچین، آصیلسیزلاری و اَسگِریلمِیَنلِری، یَعنی هیچ حاساپلانیانلاری سایلادی.
شُنونگ اوچین اُل هِر طارافدان بیزلِره مِنگزِمِلی بُلدی. شِیدیپ، اُل خالقینگ گونَهلِرینی پَکلِیَندیر و خودایینگ خیدماتیندا رِحمدار هِم اِمین باش کاهیندیر.
شُنونگ اوچین مسیح دونیَه گِلِنده، خودایا شِیله دییدی: «قربانلیق بیلِن صاداقانی سِن ایسلِمِدینگ، اِمّا مانگا بیر بِدِن تاییارلادینگ.
بیز بو ایسلِگَه گُرَه، عیسی مسیحینگ بِدِنینینگ هِمّه زات اوچین بیر گِزِک و هِمیشهلیک قربانی اِدیلمِگینینگ اوستو بیلِن مُقادِّس اِدیلدیک.
مسیح دونیَه یارادیلمازدان اُنگ بِلِّنِن هِم بُلسا، سیزینگ خاطیرانگیزا بو زامانلارینگ آخیریندا آیان بُلدی.