8 عیسی مسیح دوین و بو گون و تا اِبِد هِم شُلدور.
هِر بیر قاوی و کَمیل ناغمات یُقاردان، آسمانداقی نورلارینگ آتاسیندان گِلیَندیر. اُل هیچ هاچان اویتگِیَن دَلدیر، اُندا اویتگِمِکلیگینگ کُلِگه‌سی هِم یُقدور.
تانگری خودای شِیله دییَّر: «”اَلِف“ و ”یا“ مِندیرین. مِن اُزال بُلان، حَضیر بار، گِلِجِکده هِم بُلجاق قودراتلی-گویچلی خودایدیرین.»
سِن اُلاری دُن کیمین دویرلَرسینگ، تُزیپ گیدیَن لِباس کیمین اویتگَرلِر. اِمّا سِن هیچ هاچان اویتگِمِرسینگ، آخیری یُقدور سِنینگ ییل‍لارینگ.»
آسیا وِلایاتینداقی یِدی کِلیسایا مِن یوحنادان سالام! اُزال بُلان، حَضیر هِم بار، گِلِجِکده هِم بُلجاق خودایینگ و اُنونگ تاختینینگ اُووندَکی یِدی روحونینگ مِرحِمِتی و پاراحاتلیغی سیزه یار بُلسون!
مِن، سیلاس و تیموتاوس آرانگیزدا خودایینگ اُغلی عیسی مسیح بارادا واغیظ اِتدیک. بیزینگ واغیظ اِدِن عیسی مسیحیمیز هِم «هاووا»، هِم «یُق» دییِن دَلدیر. خودای عیسی مسیحینگ اوستو بیلِن «هاووا» دییَّندیر.
اُل سِس: «گُریَنلِرینگی طوماردا یاز و اُنی یِدی کِلیسایا: اِفِسُسا، اِزمیره، پِرغاموسا، تیاتیرا، ساردِسه، فیلادِلفیه و لائودیکیه ایبِر» دییدی.
چونکی خودایینگ بِرِن واعدالارینینگ هِمّه‌سی عیسی مسیحده «هاووادیر». خودایی بِییکلِندیریپ آیدیان «اَمین» دیلیمیز-ده عیسی مسیحینگ اوستو بیلِندیر.
شُنونگ اوچین تانگریمیز عیسی مسیحینگ اوستو بیلِن یِکِجه نِجات بِریَنچیمیز خودایا بِییکلیک، اولیلیق، گویچ-قودرات و ایختییارلیق اِزِلدِن، حَضیر و تا اِبِد بُلسون! اَمین.
