18 بیزینگ اوچین دُغا اِدینگ. بیز وِجدانیمیزینگ آراسّادیغینا اینانیاریس و هِمّه طارافدان هِمیشه حُرماتا میناسیپ بُلوپ یاشاماق ایسلِیَریس.
اِی عزیزلِر، بیزینگ اوچین دُغا اِدینگ.
آخیری، اِی عزیزلِر، خوش خابار سیزینگ آرانگیزدا باسیم یایراپ، بِییکلِندی. اُل بِیلِکی یِرلِرده-ده شِیله بُلار یالی، بیزینگ اوچین دُغا اِدینگ.
تابشیریغیمینگ اِساسی ماقصادی ایماندارلارا بیری-بیرینی پَک یورِکدِن، دُغری وِجداندان و حاقیقی ایماندان دُرِیَن سُیگی بیلِن سُیمِگینه یاردیم بِرمِکدیر.
بیزینگ اوچین هِم دُغا اِدینگ: خودایینگ سُزونی یایرادیپ، مسیحینگ سیرینی آیان اِدِر یالی، اُنونگ اُزی بیزه قاپی آچیپ بِرسین. اینه، شُنونگ اوچین هِم مِن زینداندادیرین.
اِی عزیزلِر، تانگریمیز عیسی مسیحینگ و مُقادِّس روحونگ سُیگوسینینگ خاطیراسینا یالباریارین: مِنینگ اوچین دُغا اِتمِک بیلِن، مِنینگ گُرِشیمه قُشولینگ.
اینه، بو سو حَضیر سیزی نِجات بِریَن تَعمیدینگ نیشانیدیر. سیز بِدِنینگیزینگ کیری یوولاندیغی اوچین دَل-ده، عیسی مسیحینگ دیرِلمِسینینگ اوستو بیلِن و پَک وِجدان بیلِن خودایا طاراف اُورولِندیگینگیز اوچین نِجات تاپدینگیز.
وِجدانینگیزی پَک ساقلانگ، شُندا سیزینگ مسیحه باغلی دُغری یاشایشینگیز بارادا غیبات اِدِنلِر سیزی یامانلاپ آیدان کِپلِریندِن اوتانارلار.
ایمانسیزلارینگ آراسیندا قاوی و دُغری یاشانگ. شُندا اُلار سیزی یالنگیش ایش اِتمِکده تُهمِت اورسالار-دا، دُغری ایشلِرینگیزی گُروپ، خودایینگ گِلجِک گونی اُنی بِییکلِندیرِرلِر.
شُندا مسیحه ایمان گِتیرمِیَنلِر سیزه حُرمات قُیارلار. سیز هیچ کیمدِن هیچ زادا زار بُلمارسینگیز.
شُنونگ اوچین هِم خودایینگ و اینسانلارینگ اُوونده وِجدانیمی هِمیشه پَک ساقلاماغا چالیشیارین.
پولس مِجلِسه دیقّات بیلِن گُزلَپ: «اِی دُغانلار! مِن شو گونه چِنلی خودایینگ اُوونده آراسّا وِجدان بیلِن یاشادیم» دییدی.
نِتیجهده، اِی عزیزلِر، حاقیقی، حُرماتا میناسیپ، دُغری، پَک، قاوی گُرونیَن و تعریفلانیان نَمه بار بُلسا، شُل بارادا فیکرلِنینگ. هاووا، یاخشی و اُومِگه میناسیپ زاتلار بارادا فیکرلِنینگ.
اینه، بیز شونگا قووانیاریس: بیز هِر کِس، خاص-دا سیز باباتدا خودایینگ بِرِن دُغریلیغی و پَک یورِکلیگی بیلِن حِرِکِت اِدیَریس. بیز مونی دونیَهنینگ حِکمِتینه دَل-ده، خودایینگ مِرحِمِتینه دایانیپ اِدیَریس. مونگا بیزینگ وِجدانیمیز-دا شاهاتدیر.
عایش-عِشرِت، سِرخُشلوق، زیناکَرلیک، آخلاقسیزلیق، باخیلچیلیق و داعوا-جِنجِل اِتمَن، گِلینگ گوندیزدَکیلِر یالی میناسیپ یُلدا اِدِبلی یاشایلینگ.
یامانلیغینگ دِرِگینه هیچ کیمه یامانلیق اِتمَنگ، تِرسینه، هِمّهلِرینگ حالایان یاخشیلیغینی اِتمَگه چالیشینگ.