عِبرانیلار 13:15 - مُقادِّس کیتاب

¹⁵ شُنونگ اوچین هِم عیسانینگ اوستو بیلِن خودایا قربانلیق حُکمونده هِمیشه اُوگی باغیش اِدیپ و اُنونگ آدینی شوکور اِدِیلینگ!‏

عِبرانیلار 13:15 Referans Kwoze

رومیلار 12:1

شُنگا گُرَه-ده، اِی عزیزلِر، خودایینگ مِرحِمِتینینگ خاطیراسی اوچین سیزه یالباریارین:‏ اُزونگیزی اُنونگ حالاجاق دیری و مُقادِّس قربانلیغی حُکمونده هُدورلَنگ.‏ شِیتسِنگیز، خودایینگ حوضوریندا میناسیپ یُلدا خیدمات اِتدیگینگیز بُلار.‏

۱ پِطرُس 2:5

شُنونگ اوچین سیز هِم دیری داشلار یالی روحانی بینا بُلوپ سالینیارسینگیز.‏ شُندا عیسی مسیحینگ اوستو بیلِن خودایینگ حالایان روحانی قربانلیقلارینی هُدورلِیَن مُقادِّس کاهینلار بُلارسینگیز.‏

مَتّیٰ 11:25

شو واقت عیسی سُزونی دُوام اِدیپ، شِیله دییدی:‏ ‏«‏اِی آتام، یِرینگ و آسمانینگ حُکومداری!‏ بو زاتلاری عاقیلدارلاردان و دانالاردان گوزگَپ، چاغالارا آیان اِدِندیگینگ اوچین، سانگا شوکور اِدیَرین.‏

۱ پِطرُس 4:11

کیم کِپلِسه، خودایینگ سُزلِرینَه گُرَه کِپلِسین.‏ کیم خیدمات اِتسه، خودایینگ بِرِن گویچ-قوواتینا گُرَه خیدمات اِتسین.‏ عیسی مسیحینگ اوستو بیلِن خودای هِمّه زاتدا بِییکلِنسین!‏ بِییکلیک و قودرات اِبِدیلیک اُنونگقی بُلسون!‏ اَمین.‏

اِفِسُسلار 2:18

ایندی مسیحینگ اوستو بیلِن بیزینگ هِمَّه‌میز یَهودی و یَهودی دَل‍لِر بیر روح بیلِن آتانینگ حوضورینا باریپ بیلیَریس.‏

عِبرانیلار 7:25

شِیلِلیکده، عیسی اُزونینگ اوستو بیلِن خودایا گِلیَنلِری اِبِدیلیک نِجات بِرمِگی باشاریاندیر.‏ چونکی اُلار اوچین هِمیشه خودایا تُوِلّا اِدیَر.‏

کولُسیلِر 1:12

نورداقی اُز مُقادِّسلِرینگ میراثینا شِریک بُلماغا سیزی میناسیپ اِدِن آتا خودایا شاتلانیپ شوکور اِدینگ.‏

رومیلار 6:19

سیزینگ اینسان ناتووانلیغینگیزی ناظارا آلیپ، سیزه سادا سُزلِر بیلِن آیدیارین:‏ سیز اُزال اُزونگیزی تِلِکه‌لیگه و گیتدیگیچه آرتیان یامانلیغینگ قولّوغینا تابشیریپدینگیز.‏ ایندی بُلسا اُزونگیزی مُقادِّس یاشاییشا اِلتیَن تاقوالیغینگ قولّوغینا تابشیرینگ.‏

یوحنا 10:9

قاپی مِندیرین.‏ کیم مِندِن گیرسه، نِجات تاپار.‏ اُل گیریپ-چیقیپ، اُزونه اُتلیق تاپار.‏

یوحنا 14:6

عیسی اُنگا:‏ ‏«‏یُل، حاقیقات و یاشاییش مِندیرین، مِنسیز هیچ کیم آتانینگ یانینا باریپ بیلمِز.‏

لوقا 10:21

شُل واقت عیسی مُقادِّس روح سِبَبی شاتلانیپ:‏ ‏«‏اِی آتام، یِرینگ و آسمانینگ حُکومداری!‏ بو زاتلاری عاقیلدارلاردان و دانالاردان گوزگَپ، چاغالارا آیان اِدِندیگینگ اوچین، سانگا شوکور اِدیَرین.‏ هاووا، آتام، سِنینگ ایسلِگینگ شِیلِدی.‏

عِبرانیلار 12:28

شُنونگ اوچین هِم تیترِمِیَن پادیشاهلیغا قاوشاندیغیمیز اوچین شوکور اِدِیلینگ.‏ خودایی خُشنود اِتمِک اوچین اُنگا حُرمات و هِم قُرقی بیلِن عیبادات اِدِیلینگ،