عِبرانیلار 1:3 - مُقادِّس کیتاب

³ اُغول خودایینگ بِییکلیگینینگ یالقیمیدیر، اُنونگ کَمیل‌لیگینینگ صوراتیدیر.‏ اُل هِمّه عالِم-جاهانی قودراتلی سُزی بیلِن ساقلاپ، بیزی گونَه‌لِردِن پَکلَندِن سُنگ، عارشدا بِییک خودایینگ ساغیندا اُتوردی.‏

عِبرانیلار 1:3 Referans Kwoze

آیانلیق 4:11

‏«‏یا تانگری خوداییمیز!‏ سِن بِییکلیگَه، حُرماتا و قودراتا میناسیپسینگ.‏ هِمّه زادی سِن یارادانسینگ.‏ هِمّه‌سی اِرادانگا گُرَه دُرِدیلدی و یارادیلدی»‏ دییَّرلِر.‏

یوحنا 1:14

سُز اینسان بُلوپ، آرامیزدا گِلیپ یاشادی.‏ اُل مِرحِمِتدِن و حاقیقاتدان دُلودی.‏ بیز اُنونگ بِییکلیگینی، یَعنی آتادان گِلِن یِکِجه اُغلونینگ بِییکلیگینی گُردوک.‏

۲ قُرِنتُس‌لار 4:4

بو دونیَه‌نینگ حُکومداری شِیطان ایمان گِتیرمِدیکلِرینگ دوشومینی باغلادی.‏ شُنونگ اوچین-ده اُلار خودایینگ صوراتی بُلان عیسی مسیحینگ بِییکلیگینینگ خوش خابارینینگ نورینی گُروپ بیلمِیَرلِر.‏

عِبرانیلار 12:2

گِلینگ، گُزومیزی ایمانیمیزینگ چِشمه‌سی و کَمیلِّشدیرییَنچیسی، یَعنی عیسی تیکِیلینگ.‏ اُل گِلجِکدَکی شاتلیغا قاووشماق اوچین، ماسغاراچیلیغی هیچ حاساپلاپ، صلیبدَکی اُلومه جیدادی و خودایینگ تاختینینگ ساغیندا اُتوردی.‏

یوحنا 1:4

سُزده یاشاییش باردیر، بو یاشاییش اینسانلارینگ نوری بُلدی.‏

عِبرانیلار 10:12

اِمّا مسیح گونَه‌لِری هِمیشه‌لیک یوویان یِکِجه قربانلیغی هُدورلَندِن سُنگ، خودایینگ ساغیندا اُتوردی.‏

یهودا 1:25

شُنونگ اوچین تانگریمیز عیسی مسیحینگ اوستو بیلِن یِکِجه نِجات بِریَنچیمیز خودایا بِییکلیک، اولیلیق، گویچ-قودرات و ایختییارلیق اِزِلدِن، حَضیر و تا اِبِد بُلسون!‏ اَمین.‏

عِبرانیلار 9:26

بِیله بُلسا، مسیح دونیَه یارادیلان بَری بیرنَچه گِزِک عاذاپ چِکمِلی بُلاردی.‏ مونگا دِرِک اُل آداملارینگ گونَه‌لِرینی یووماق اوچین اُزونی قربانی اِتمِک بیلِن آخیرقی دُوورده بیر گِزِک گِلدی.‏

۱ یوحنا 1:7

اِمّا خودایینگ نوردا بُلشی یالی، بیز هِم نوردا گِزیَن بُلساق، اُندا بیری-بیریمیز بیلِن شِریکلیگیمیز باردیر.‏ اُنونگ اُغلی عیسانینگ قانی بیزی هِمّه گونَه‌دِن پَک اِدیَندیر.‏

عِبرانیلار 4:14

شِیلِلیکده، ایقرار اِدِن ایمانیمیزی قاییم ساقلایلینگ!‏ چونکی بیزینگ آسمانا چیقیپ، خودایینگ حوضورینا باران بِییک باش کاهینمیز بار.‏ اُل خودایینگ اُغلی عیسادیر.‏

۱ یوحنا 3:5

مسیح بُلسا بیزی گونَه‌لِریمیزدِن پَکلِمِک اوچین گِلِندیگینی بیلیَنسینگیز.‏ اُندا آصلا گونَه یُقدور.‏

۲ پِطرُس 1:16

سیزه تانگریمیز عیسی مسیحینگ قودرات بیلِن گِلشی حاقدا خابار بِرِنیمیزده، بیز یالان رِوایاتلارینگ ایزینا دوشمِدیک.‏ بیز اُنونگ بِییکلیگینی اُز گُزومیز بیلِن گُردوک.‏

۱ پِطرُس 3:22

اُل آسمانا چیقیپ و شو واقت خودایینگ ساغیندا اُتیر، و هِمّه پِریشده‌لِر، حُکومدارلار و قودراتلار اُنگا موطیع بُلدیلار.‏

۱ پِطرُس 1:21

سیز مسیحینگ اوستو بیلِن خودایا ایمان گِتیردینگیز.‏ خودای مسیحی دیرِلدیپ، اُنی بِییکلِندیردی.‏ شِیلِلیکده، ایمانینگیز و اومیدینگیز خودایدادیر.‏

عِبرانیلار 8:1

آیدیانلاریمیزینگ ماقصادی شوندادیر:‏ آسماندا بِییک خودایینگ تاختینینگ ساغیندا اُتوران باش کاهینمیز باردیر.‏

مَرقُس 16:19

عیسی مسیح اُلارا بولاری گورّونگ بِرِنیندِن سُنگ، آسمانا آلیندی و خودایینگ ساغیندا اُتوردی.‏

آیانلیق 3:21

مِن یِنگیپ چیقیپ، آتام بیلِن اُنونگ تاختیندا اُتوریشیم یالی، یِنگِن آدامدا مِنینگ بیلِن اُز تاختیمدا اُتورماغا ایختییار بِرِرین.‏

عِبرانیلار 7:27

بِیلِکی باش کاهینلار هِر گون اَوَّل اُز گونَه‌لِری، سُنگرا خالقینگ گونَه‌لِری اوچین قربانلیق هُدورلِمِلیدیلِر.‏ اِمّا عیسی اُلارینگقی یالی اِتمِگینگ گِرِگی یُق، سِبَبی اُل هِمّه زات اوچین اُزونی بیر گِزِکده قربانی اِدیپ، بو ایشی بیتیردی.‏

رِسول‍لار 2:33

ایندی عیسی بِیگِلدیلدی و اُل خودایینگ ساغیندا اُتیر.‏ اُل واعدا اِدیلِن مُقادِّس روحی آتا خودایدان قابول اِدیپ، اُنی بیزینگ اوستومیزه یاغدیردی.‏ مونی سیزینگ اُزونگیز گُروپ و اِشیدیپ دورسونگیز.‏

یوحنا 1:29

اِرتِسی گونی یحیی اُز یانینا گِلیَن عیسانی گُروپ، شِیله دییدی:‏ ‏«‏اینه، دونیَه‌نی گونَه‌دِن گُتِریَن خودایینگ قوزوسی!‏

کولُسیلِر 3:1

شِیلِلیکده، مسیح بیلِن دیرِلِندیگینگیزه گُرَه، آسمانداقی زاتلاری آغتارینگ.‏ مسیح آسماندا خودایینگ ساغیندا اُتوراندیر.‏

رومیلار 8:34

بیزی کیم مَحکوم اِدیپ بیلِر؟ هیچ کیم، سِبَبی اُلوپ دیرِلِن عیسی مسیح خودایینگ ساغیندا اُتوریپ، بیزینگ اوچین تُوِلّا اِدیَر.‏

رِسول‍لار 7:56

اِستیفان:‏ ‏«‏سِراِدینگ، مِن آسمانلارینگ آچیلانینی و خودایینگ ساغیندا دوران اینسان اُغلونی گُریَرین»‏ دییدی.‏

رومیلار 1:16

مِن خوش خاباردان اوتانمایارین، سِبَبی اُل خودایینگ گویجودیر.‏ خودای بو خوش خابارینگ اوستو بیلِن هِر بیر ایمان گِتیرِنی:‏ اَوَّل یَهودیلِری، سُنگرا یَهودی دَل‍لِری نِجات بِریَر.‏

عِبرانیلار 9:16

واعداسینا گُرَه هایسیدیر بیر وِصیِت نامه بار بُلسا، اُندا وِصیِتچینینگ اُلِندیگینی بِلّی اِتمِک گِرِک.‏

مَتّیٰ 22:24

‏«‏اُستاد!‏ موسی بیزه شِیله آیدیپدیر:‏ ‏”‏اِگِر ایکی دُغانینگ بیری اُلسه، ایزیندا آیالی دول قالیپ، اُلارینگ اُغلانلاری هِم یُق بُلسا، بِیلِکی دُغانی اُنونگ آیالینا اُیلِنیپ، اُلِن دُغانینینگ نِسلینی دُوام اِتدیرسین.‏“‏

تیتوس 2:14

عیسی مسیح بیزی هِمّه گونَه‌لِردِن آزاد اِتمِک اوچین، اُزونی قربانی اِتدی.‏ اُل مونی اُزونه یاخشیلیق اِتمِکده قایراتلی و پَک بیر خالقی قازانماق اوچین اِتدی.‏

عِبرانیلار 1:13

خودای هایسی بیر پِریشدَه:‏ ‏«‏دوشمانلارینگی آیاق آشاغینا سالیانچام، مِنینگ ساغیمدا اُتور»‏ دییّپدیر؟

۲ پِطرُس 1:17

بِییک خودایدان اُنگا:‏ ‏«‏بو مِنینگ عزیز اُغلومدیر، مِن اُندان کَن راضیدیرین»‏ دییِن سِس گِلِنده، اُغول آتامیز خودایدان حُرمات و بِییکلیک قابول اِتدی.‏