غَلاطیه‌لِر 6:8 - مُقادِّس کیتاب

⁸ کیم اُز هُوِسی اوچین اِکسه اُل هُوِسدِن وِیرانچیلیغی اُرار.‏ اِمّا کیم روح اوچین اِکسه اُل روحدان اِبِدی یاشایشی اُرار.‏

غَلاطیه‌لِر 6:8 Referans Kwoze

رومیلار 8:13

اِگِر سیز اینسان هُوِسلِرینینگ ایسلِگلِرینه گُرَه یاشاسانگیز، اُلِرسینگیز.‏ اِمّا اینسان هُوِسلِرینینگ تِلِکه ایشلِرینی روحونگ گویجینینگ اوستو بیلِن یُق اِتسِنگیز، یاشارسینگیز.‏

یعقوب 3:18

پاراحاتلیق دُرِدیَنلِر پاراحاتچیلیق تُخومینی سِپیپ، تاقوالیق حاصیلینی اُریارلار.‏

۲ پِطرُس 2:19

اُزلِری فاسیقلیغینگ قولی بُلوپ-دا، اُلارا آزادلیغی واعدا بِریَرلِر، سِبَبی آدام نَمِدِن باسیلسا، اُنونگ قولی بُلیاندیر.‏

غَلاطیه‌لِر 6:7

خودایی آلداپ بُلیاندیر دییّپ فیکرلِنیپ، اُز-اُزونگیزی آلدامانگ.‏ آدام نَمه اِکسه، شُنی هِم اُریاندیر.‏

رومیلار 13:14

اینسان هُوِسلِرینگیزی نَدیپ راضیلاندیرارقام دییّپ فیکرلِنمِنگ-ده، قایتام، تانگریمیز عیسی مسیحه گِیینینگ.‏

آیانلیق 22:11

قُی، یامانلیق اِدیَن آدام یِنه یامانلیق اِتسین، تِلِکه‌لیک اِدیَن یِنه تِلِکه‌لیک اِتسین.‏ دُغری ایش اِدیَن یِنه دُغرولیق اِتسین و مُقادِّس آدام اُز مُقادِّسلیگینی ساقلاسین.‏»‏

یوحنا 4:36

اُراقچی هِم حاقینی آلیار، هِم-ده اِبِدی یاشاییش اوچین حاصیل ییغنایار.‏ شِیدیپ، اِکیَن-ده، اُریان-دا بیلِلیکده شاتلانیار.‏

یهودا 1:21

تانگریمیز عیسی مسیح اُز رِحمدارلیغینگ اوستو بیلِن سیزی اِبِدی یاشایشا قاوشوریانچا، خودایینگ سُیگوسی بیلِن یاشاماغی دُوام اِتدیرینگ.‏

یوحنا 6:27

ضایالانیان اییمیت اوچین دَل-ده، اِبِدی یاشاییش بِریَن اییمیت اوچین ایخلاص اِدینگ، اُنی سیزه اینسان اُغلی بِرِر.‏ چونکی آتامیز خودایینگ اُزی بو ایشی اُنگا تابشیراندیر»‏ دییّپ جُغاپ بِردی.‏

رومیلار 6:13

بِدِن ‌اعضالارینگیزی یامانلیق وِسیله‌سی حُکمونده گونَه‌نینگ ایختییارینا تابشیرمانگ.‏ تِرسینه، اُلومدِن دیرِلِن حُکمونده اُزونگیزی خودایا تابشیرینگ.‏ قُی، بِدِنینگیزینگ هِر بیر ‌اعضاسی خودایینگ دُغرولیق وِسیله‌سی بُلسون.‏

مَتّیٰ 19:29

هِر کیم مِنینگ خاطیرام اوچین اُیلِرینی، دُغانلارینی، آیال دُغانلارینی، آتاسینی، اِنه‌سینی، اُغلان-اوشاقلارینی، مال مولکلِرینی تِرک اِدِن ایزینا یوز بِرابار اِدیپ قایتاریپ آلار.‏ اُلار اِبِدی یاشایشینگ میراثچیسی بُلارلار.‏

یوحنا 4:14

اِمّا مِنینگ بِرجِک سووومدان ایچِن آصلا سوساماز.‏ تِرسینه، مِنینگ بِرجِک سوووم اُنونگ ایچینده اِبِدیلیک یاشاییش بِریَن چِشمَه اُورولِر»‏ دییدی.‏

۲ پِطرُس 2:12

اِمّا بو آداملار دوشونمِیَن زاتلارینا یامانلییارلار.‏ اُلار شِکار اِدیلیپ و یُق اِدیلمِک اوچین دُغلان دوشونجِسیز وَحشی حایوانلار و اُز اوغرونا حِرِکِت اِدیَن مَخلوقلار یالیدیرلار.‏ بولار حایوانلار یالی-دا هِلَک بُلوپ گیدِرلِر.‏

۱ تیموتاوس 1:16

اِمّا عیسی مسیح مانگا رِحم اِتدی و اُز اِندازاسیز صابیرینی گُرکِزدی.‏ و اُزونه ایمان گِتیرجِکلِرینگ و باقی یاشایشا قاووشجاقلارینگ هِمّه‌سی اوچین مِنی نِمونه حُکمونده پِیدالاندی.‏

مَتّیٰ 25:46

بولار اِبِدی جِزا، دُغری آداملار بُلسا اِبِدی یاشایشا یِتِرلِر.‏»‏

رومیلار 6:23

چونکی گونَه‌نینگ جِزاسی اُلوم، اِمّا خودایینگ ناغماتی بُلسا تانگریمیز عیسی مسیحینگ اوستو بیلِن بِریلیَن اِبِدی یاشاییشدیر.‏

رومیلار 8:6

اینسان هُوِسلِریندِن دُرِیَن فیکرلِر آدامی اُلومه اِلتیَر.‏ اِمّا روحدان دُرِیَن فیکرلِر بُلسا یاشاییش و پاراحاتلیق بِریَر.‏

رومیلار 8:11

اِگِر عیسی مسیحی اُلومدِن دیرِلدِنینگ روحی قالبینگیزدا یاشایان بُلسا، مسیحی اُلولِردِن دیرِلدِن خودای حتّیٰ فانی بِدِنلِرینگیزه-ده یاشاییش بِرِر.‏ اُل مونی سیزده یاشایان روحونینگ اوستو بیلِن اِدِر.‏

۱ قُرِنتُس‌لار 15:42

اُلولِرینگ دیرِلیشی-ده شونگا مِنگزِیَندیر.‏ چویرییَن بِدِن-ده جایلانیپ، چویریمِجِک بِدِن-ده دیرِلیَر.‏