19 اینسان هُوِسلِرینینگ نِتیجهسی بِلّیدیر. اُلار: زیناکَرلیک، پَکسیزلیک و هِرزِچیلیک،
اِمّا قُرقیانلارینگ، ایمانسیزلارینگ، فاسیقلارینگ، قاتللارینگ، زیناکَرلِرینگ، جادوگَرلِرینگ، بُتپَرَستلِرینگ و هِمّه یالانچیلارینگ جایلاری یانیپ دوران کوکورت و اُدلی دِریاچا بُلار. ایکینجی اُلوم، اینه، بودور.»
کیم اُز هُوِسی اوچین اِکسه اُل هُوِسدِن وِیرانچیلیغی اُرار. اِمّا کیم روح اوچین اِکسه اُل روحدان اِبِدی یاشایشی اُرار.
بیز هِم دوشونجِسیز، موطیعسیز بُلوپ، یُلدان آزاشیپدیق، هِر هیلی هُوِسلِرینگ و کِیپی-صاپانینگ قوللارینا اُورولیپدیک، قاهارجانگدیق، باخیلدیق و بیری-بیریمیزدِن ییگرِنیَردیک.
بو دونیَه هِنیز-ده سیزه اُز تاثیرینی یِتیریَر، سِبَبی آرانگیزدا باخیللیق، داعوا-جِنجِل بار. شِیله بُلسا بولار سیزینگ دونیَه دِگیشلیدیگینگیزی بیلدیرمِیَرمی؟ سیز دونیِوی آداملار یالی حِرِکِت اِتمِیَرسینگیزمی نَمه؟
اِگِر سیز اینسان هُوِسلِرینینگ ایسلِگلِرینه گُرَه یاشاسانگیز، اُلِرسینگیز. اِمّا اینسان هُوِسلِرینینگ تِلِکه ایشلِرینی روحونگ گویجینینگ اوستو بیلِن یُق اِتسِنگیز، یاشارسینگیز.
چونکی اینسان هُوِسلِرینه گُرَه یاشایانلار بو هُوِسلِرینگ حالایان زاتلاری بارادا فیکر اِدیَرلِر. اِمّا روحا گُرَه یاشایانلار بُلسا اُنونگ حالایان زاتلاری بارادا فیکر اِدیَندیر.
اِمّا ”ایتلِر“، جادوگَرلِر، زیناکَرلِر، قاتللار، بُتپَرَستلِر، یالانی سُیوپ و اُنی عِمِل اِدیَنلِر شَهرینگ داشیندا قالارلار.
زینادان قاچینگ. آدام هِر هیلی گونَه اِتسه-ده، اُل اُنونگ بِدِنینینگ داشیندادیر. اِمّا زینا اِدیَن اُز بِدِنینه قارشی گونَه اِدیَندیر.
چونکی اینسان هُوِسلِری مُقادِّس روحا قارشیدیر. مُقادِّس روح هِم اینسان هُوِسلِرینه قارشیدیر. اُلار بیری-بیری بیلِن هیچ اُنگوشمایارلار. شُنونگ اوچین-ده، سیز اُز ایسلَن زادینگیزی اِدیپ بیلمِیَرسینگیز.
اِی عزیزلِریم! سیز آزاد بُلماغا چاغیریلانسینگیز. یُنه بو آزادلیغینگیزی اینسان هُوِسلِرینگیزی راضی اِتمِک اوچین پِیدالانمانگ. قایتام، بیری-بیرینگیزی سُیگی بیلِن خیدمات اِدینگ.
اِگِر خودایینگ روحی دُغرودان-دا قالبینگیزدا مِسکِن توتان بُلسا، سیز اینسان هُوِسلِرینینگ ایختییاریندا دَلسینگیز، سیز روحونگ ایختییارینداسینگیز. کیمده مسیحینگ روحی بُلماسا، اُل مسیحه دِگیشلی دَلدیر.
مِنده، هاووا، اینسان طِبیغاتیمدا قاوی زادینگ یُقدوغینی آچیق بیلیَرین. سِبَبی قاوی ایشلِری اِتمِگَه ایسلِگیم بُلسا-دا، اُلاری عِمِل اِتمِگی باشارمایارین.
بیز اینسان طِبیغاتیمیزا گُرَه یاشایارقاق، بو شِریغات بیزینگ بِدِن اعضالاریمیزدا گونَهلی هُوِسلِری توروزیاردی. بو هُوِسلِر بیزی گونَهلی ایشلِری قاوی گُرکِزدیریپ، اُلوم حاصیلی گِتیریَردی.
بِدِندِن دُغان بِدِندیر، روحدان دُغان روحدیر.
شِریغات اینسان هُوِسلِریمیزینگ چارهسیندِن گِلیپ بیلمَنسُنگ، بیزی آزاد اِدیپ بیلمِدی. شِریغاتینگ باشارمادیق ایشینی خودای یِرینه یِتیردی. خودای دونیَهدَکی گونَه سِبَپلی اُز اُغلونی بیر گونَهکَر اینسان کیمین ایبِردی-ده، اُنونگ اوستو بیلِن گونَهنی مَحکوم اِتدی.
خودایا شوکور! اُل بیزی تانگریمیز عیسی مسیحینگ اوستو بیلِن آزاد اِدِر! شونلوقدا، دوشونجَم بیلِن خودایینگ شِریغاتینا قولّوق اِتسِم-ده، اینسان طِبیغاتیما گُرَه گونَه قانونینینگ قولودیرین.
قُی، هِمّهلِر نیکاح حُرمات قُیسون، اَر-آیال دوشِگی گونَه بیلِن خاپالانماسین. خودای فاسیقلارا و زیناکَرلِره حُکوم اِدِر.