غَلاطیه‌لِر 1:7 - مُقادِّس کیتاب

⁷ باشغا بیر خوش خابار یُقدور.‏ یُنه کَبیر آداملار سیزی بولاشدیریپ، مسیحینگ خوش خابارینی چالیشدیرجاق بُلیارلار.‏

غَلاطیه‌لِر 1:7 Referans Kwoze

رِسول‍لار 15:24

‏«‏بیزینگ اِشیدیشیمیزه گُرَه، آرامیزدان کَبیرلِری باریپ، اُز سُزلِری بیلِن سیزی قُرقا سالیپ، فیکرینگیزی بولاشدیریپدیرلار.‏ اِمّا اُلاری بیز ایبِرمِدیک.‏

غَلاطیه‌لِر 5:10

سیزینگ باشغا هیلی فیکر اِتمِجِکدیگینگیز باباتدا مسیح مِنی ایناندیریار.‏ سیزینگ فیکرینگیزی بولاشدیریان کیم بُلسا بُلوبِرسین، اُل اُز جِزاسینی چِکِر.‏

۲ قُرِنتُس‌لار 11:13

چونکی شِیله آداملار یالان رِسول‍لاردیر.‏ اُلار مسیحینگ رِسول‍لارینینگ صوراتینا گیریَن آلدییانچی ایشچیلِردیر.‏

غَلاطیه‌لِر 5:12

سیزی بولاشدیریان آداملار، قُی، اُز-اُزلِرینی دویبوندِن آغتا اِدَیسین!‏

۲ قُرِنتُس‌لار 2:17

بیز کَن آداملار یالی خودایینگ سُزونی اُز پِیداماز اوچین آرزان ساتمایاریس.‏ تِرسینه، خودای طارافیندان ایبِریلِن و مسیحه خیدمات اِدیَن آداملار یالی خودایینگ حوضوریندا پَک یورِکدِن کِپلِیَریس.‏

آیانلیق 20:3

پِریشده اُنی دویپسوز قوییا زینگدی-دا، قولپلاپ، اوستوندِن مُهورلِدی و اُل مونی مونگ ییل دُلیانچا، اژدها قایدیپ میلِّتلِری آلداماسین دییّپ اِتدی.‏ مونگ ییلدان سُنگ اُل آز واقتلیق بُشادیلمالیدیر.‏

۲ یوحنا 1:10

اِگِر کیمدیر بیری یانینگیزا گِلِنده، مسیح حاقدَکی تَعلیماتی گِتیرمِسه، اُنی اُیونگیزه سالمانگ و اُنگا خوش گِلدینگیز هِم آیتمانگ.‏

۱ یوحنا 4:1

عزیزلِریم، اُزونده خودایینگ روحونینگ باردیغینی آیدیان هِر بیر آداما اینانیپ یُرمَنگ.‏ اُلارینگ خودایداندیغینی یا-دا دَلدیگینی بیلمِک اوچین ایمتِحان اِدیپ گُرونگ.‏ سِبَبی دونیَه‌ده اِنچِمه یالان نِبیلِر گُروندی.‏

آیانلیق 19:20

اِمّا جاناوار و اُنونگ بیلِن بیله یالان نِبی توتولدی.‏ بو یالان نِبی جاناوارینگ آدیندان عالاماتلار گُرکِزدی و جاناوارینگ عالاماتینی اُزونه باسدیریپ، اُنونگ مُجِسِّمه‌سینه سِجده اِدِنلِری آلدادی.‏ جاناوار-دا، یالان نِبی-ده دیریلیگینه یانیپ دوران کوکورت و اُدلی دِریاچا زینگیلدی.‏

آیانلیق 13:14

بو جاناوار بیرینجی جاناوارینگ آدیندان عالاماتلار گُرکِزیپ، یِر یوزونده یاشایانلاری آلداوا سالیاردی.‏ اُل قیلیچ بیلِن اُلدوریَن یارا سالناندیغینا باقمازدان، دیرِلِن جاناوارینگ مُجِسِّمه‌سینی بِجِرمِگی یاشایانلارا تابشیردی.‏

آیانلیق 12:9

اولی اژدها اُز پِریشده‌لِری بیلِن یِره زینگیلدی.‏ هاووا، هِمّه دونیَه‌نی آزدیریپ، اِبلیس یا-دا شِیطان دییّپ آدلاندیریلیان بو قادیمی ییلان یِره زینگیلدی.‏

آیانلیق 2:20

اِمّا سانگا قارشی بیر آیتجاق زادیم بار:‏ سِن اُزونی نِبیه حاساپلایان ایزابِل آدلی آیالینگ اِدِنلِرینه جیداملیلیق اِدیَرسینگ.‏ اُل مِنینگ بِنده‌لِریمی اُز تَعلیماتی بیلِن آزدیریپ، اُلارا زینا اِتدیرجِک بُلیار و بُتلارا هُدورلِنِن قربانلیقلاردان اییدیرجِک بُلیار.‏

آیانلیق 2:6

یُنه سِنده قاوی طاراف بار، سِن نیکولاچیلارینگ اِدیَن ایشلِرینی ییگرِنیَرسینگ، مِن هِم اُلاری ییگرِنیَرین.‏

آیانلیق 2:2

مِن سِنینگ هِمّه اِدِنلِرینگی، شُل حاساپدا زَحمِت چِکِندیگینگی و قایراتلیدیغینگی بیلیَرین.‏ سِنینگ یامان آداملاری ییگرِنیَندیگینگی هِم بیلیَرین.‏ سِن اُزلِرینی رِسول دییَنلِری ایمتِحان اِدیپ، اُلارینگ یالان رِسولدیقلارینی اَشکَر اِتدینگ.‏

یهودا 1:4

سِبَبی کَبیر خودایسیزلار اُغرینچا آرانگیزا سوملوپ گیردیلِر.‏ اُلار آخلاقسیزلیق اِتمِک اوچین خوداییمیزینگ مِرحِمِتینی اُز پِیداسینا اویتگِدیَرلِر و یِکه آقامیز و تانگریمیز عیسی مسیحی رِد اِدیَرلِر.‏ اُلارینگ جِزاسی قادیمدان بَری یازیلیپ قُیلاندیر.‏

۲ یوحنا 1:7

اِنچِمه آلداوچیلار دونیَه یایرادی.‏ اُلار عیسی مسیحینگ اینسان بُلوپ گِلِندیگینی اینکَر اِدیَرلِر.‏ بِیله آداملار یالانچیدیر و مسیحینگ دوشمانیدیر.‏

۱ یوحنا 2:26

بو زاتلاری سیزی آزدیرجاق بُلیان آداملاردان خاباردار بُلماغینگیز اوچین یازدیم.‏

۲ تیموتاوس 2:18

حاقیقات یُلوندان آزاشاندیرلار.‏ اُلار قیامات گونی یِرینه یِتدی دییّپ، کَبیر آداملارینگ ایمانینی وِیران اِدیَرلِر.‏

غَلاطیه‌لِر 6:17

موندان بِیلَک هیچ کیم مانگا شو زاتلار باباتدا اِذیِت بِرمِسین!‏ سِبَبی مِنینگ بِدِنیمده عیسی مسیحه باغلیدیغیمی گُرکِزیَن یارالار جایی باردیر.‏

غَلاطیه‌لِر 4:17

کَبیر دُغان یالیلار بِد نییِتلِرینینگ ایزینا دوشوپ، سیزی بیزدِن آیریپ، اُز طارافلارینا چِکمَگه چالیشیارلار.‏ اُلار یِکه اُزلِری باباتدا ایخلاصلی بُلماغینگیزی ایسلِیَرلِر.‏

غَلاطیه‌لِر 2:4

سونِّتلِنمه مِسِله‌سی کَبیر دُغان یالیلار اوچین یوزه چیقیپدی.‏ اُلار بیزی بِنده اِتمِک اوچین، آرامیزا اُغرینچا سوملوپ، عیسی مسیحینگ اوستو بیلِن آلان آزادلیغیمیزی اُغرینلیقدا گُزلِدیلِر.‏

۲ قُرِنتُس‌لار 4:2

بیز عاییپلی بُلانی اوچین اوتانچلی و گوزگینلیکده اِدیلیَن ایشلِری رِد اِتدیک.‏ حیله‌لیک اِتمِیَریس و خودایینگ سُزونی اویتگِتمِیَریس.‏ تِرسینه، حاقیقاتی آچیق اِعلان اِدیپ، خودایینگ حوضوریندا هِمّه‌لِرینگ اُوونده جُغاپ بِرمَگه تاییاردیریس.‏

رِسول‍لار 20:30

حتّیٰ اُز آرانگیزدان کَبیر آداملار چیقیپ، شَگیرتلِری ایزینا دوشورتدیرجِک بُلوپ، حاقیقاتی پُزارلار.‏

رِسول‍لار 13:10

‏«‏اِی شِیطان اُغلی!‏ سِن هِمّه دُغرولیغینگ دوشمانیسینگ.‏ سِنینگ یورِگینگ هِر هیلی حیله‌دِن و یالانچیلیقدان دُلی.‏ خودایینگ حاق یُلونی اویتگِتمِگینگی هاچان بِس اِتجِک؟

مَتّیٰ 24:24

چونکی یالان مسیحلِر، یالان نِبیلِر دُرَپ، سایلانانلاری-دا مومکین بُلدیغیچا آزدیرجاق بُلوپ، بِییک عالاماتلار و مُعجِزه‌لِر گُرکِزِرلِر.‏

غَلاطیه‌لِر 1:6

مِن عیسی مسیحینگ مِرحِمِتی بیلِن سیزی چاغیران خودایدان بِیله تیز دَنیپ، باشغا بیر خوش خاباری قابول اِدیشینگیزه خاص حایران قالیارین.‏