غَلاطیه‌لِر 1:4 - مُقادِّس کیتاب

⁴ آتامیز خودای اِراداسینا گُرَه، عیسی مسیح بیزی شو بِتِرلییَن اِییَمدِن آزاد اِتمِکچی بُلوپ، گونَه‌لِریمیز اوچین اُز جانینی بِردی.‏

غَلاطیه‌لِر 1:4 Referans Kwoze

مَتّیٰ 20:28

اینسان اُغلی-دا اُزونه خیدمات اِدیلمِگی اوچین دَل-ده، اُندان باشغا بِیلِکیلِره خیدمات اِتمَگه و جانینی فِدا اِدیپ، هِمّه‌لِری آزاد اِتمَگه گِلِندیر»‏ دییدی.‏

رومیلار 4:25

عیسی مسیح بیزینگ گونَه‌لِریمیز اوچین اُلومه تابشیریلیپ، خودایینگ ناظاریندا آقلانیلماغیمیز اوچین دیرِلدیلدی.‏

غَلاطیه‌لِر 2:20

مِن مسیح بیلِن صلیبه چویلِندیم، ایندی مِن دَل-ده، مِندَکی مسیح یاشایاندیر.‏ بِدِندَکی یاشایشیم بُلسا خودایینگ اُغلونا بُلان ایمانیمینگ اوستو بیلِندیر.‏ اُل مِنی سُیوپ، اُزونی مِنینگ اوچین قربانی اِتدی.‏

۱ پِطرُس 2:24

بیزینگ گونَه‌لِریمیز اوچین اُلوپ، تاقوالیق اوغروندا یاشاماغیمیز اوچین، اُل صلیبده گونَه‌لِریمیزی اُز اوستونه یوکلِدی.‏ سیز اُنونگ یارالارینینگ اوستو بیلِن شِفا تاپدینگیز.‏

تیتوس 2:14

عیسی مسیح بیزی هِمّه گونَه‌لِردِن آزاد اِتمِک اوچین، اُزونی قربانی اِتدی.‏ اُل مونی اُزونه یاخشیلیق اِتمِکده قایراتلی و پَک بیر خالقی قازانماق اوچین اِتدی.‏

۲ قُرِنتُس‌لار 4:4

بو دونیَه‌نینگ حُکومداری شِیطان ایمان گِتیرمِدیکلِرینگ دوشومینی باغلادی.‏ شُنونگ اوچین-ده اُلار خودایینگ صوراتی بُلان عیسی مسیحینگ بِییکلیگینینگ خوش خابارینینگ نورینی گُروپ بیلمِیَرلِر.‏

۱ تیموتاوس 2:6

عیسی مسیح هِمّه‌لِری آزاد اِتمِک اوچین، اُزونی قربانی اِتدی، و شُنونگ بیلِن اُز میناسیپ واقتیندا شو حاقیقات تاصدیقلاندی.‏

اِفِسُسلار 2:2

اِدیل دونیَه‌دَکی بِیلِکی آداملار یالی سیز-ده گونَه‌لی یاشاییشینگ ایزینا دوشوپ، خودایا موطیع بُلمادیقلارا هِنیز-ده تاثیرینی یِتیریَن گُنگدَکی روحی گویچلِرینگ حُکومدارینا عِمِل اِدیَردینگیز.‏

۱ تِسالونیکیلِر 3:13

تانگریمیز عیسی اُز هِمّه مُقادِّسلِری بیلِن بیله گِلِنده، آتامیز خودایینگ اُوونده عایپسیز و مُقادِّس بُلوپ بیلِرینگیز یالی، قُی، اُل یورِکلِرینگیزی قوواتلاندیرسین.‏

رومیلار 12:2

بو دونیَه‌نینگ یُل‍لارینا مِنگزِشجِک بُلمانگ.‏ تِرسینه، فیکرلِرینگیزی تَزه‌لَپ، اویتگِدینگ.‏ شِیتسِنگیز، خودایینگ ایسلِگینه دوشونمِگی، یَعنی نَمه زات قاوی، حالایانی و کَمیلدیگینی بیلمِگی باشارارسینگیز.‏

فیلیپیلِر 4:20

آتامیز خودایا اِبِدی و باقی بِییکلیک بُلسون!‏ اَمین.‏

اِفِسُسلار 5:2

مسیح یالی سُیوپ یاشانگ.‏ اُل بیزی سُیوپ، خودایا ایسلی عاطیر و هِم قربانلیق حُکمونده بیزینگ اوچین جانینی قربان اِتدی.‏

آیانلیق 1:5

اُلومدِن اَوَّلکی بُلوپ دیرِلِن، دونیَه پادیشاهلارینینگ حُکومداری بُلان اِمین شاهات عیسی مسیحینگ مِرحِمِتی و پاراحاتلیغی سیزه یار بُلسون!‏ بِییکلیک و قودرات اِبِدی مسیحینگکیدیر!‏ چونکی اُل بیزی سُیِندیگی سِبَپلی، قانینی دُکوپ، گونَه‌لِریمیزدِن آزاد اِتدی.‏ اُل بیزدِن پادیشاهلیق یارادیپ، بیزی آتاسی خودایا خیدمات اِتمِک اوچین کاهینلار بِلِّدی.‏ اَمین!‏

آیانلیق 5:9

اُلار تَزه بیر آیدیم آیدیاردیلار:‏ ‏«‏سِن میناسیپسینگ بو طوماری آلماغا، هِم-ده اُنونگ مُهورلِرینی دُومَگه.‏ چونکی داماغینگ چالنیپ و اُز قانینگ بیلِن، هِر طایفادان، هِر دیلدِن، هِر خالقدان و هِر میلِّتدِن خودای اوچین آداملاری ساتین آلانسینگ.‏

۱ یوحنا 3:16

عیسی مسیح بیزینگ اوچین اُز جانینی فِدا اِدِنده، بیز حاقیقی سُیگینینگ نَمِدیگینی بیلدیک.‏ دییمِک، بیز هِم دُغانیمیز اوچین جانیمیزی فِدا اِتمَگه تاییار بُلمالیدیریس.‏

۱ یوحنا 2:2

اُل اُزی گونَه‌لِریمیزینگ قربانیسی و دینگه بیزینگ گونَه‌لِریمیز دَل-ده، اُندان باشغا، هِمّه دونیَه‌نینگ گونَه‌لِرینینگ قربانیسی.‏

۱ پِطرُس 3:18

مسیح هِم بیزی خودایینگ یانینا اِلتمِک اوچین، گونَه‌لِر سِبَپلی هِمیشه‌لیک و بیر گِزِک عاذاپ چِکدی.‏ اُزی عادیل بُلسا-دا، گونَه‌کَرلِر اوچین اُلدی.‏ بِدِن تایدان اُلدوریلسه-ده، اِمّا روح تایدان اُل دیرِلدیلدی.‏

یعقوب 4:4

اِی بیوِفالار، دونیَه بیلِن دُستلوق خودایا دوشمان بُلیاندیغینی بیلمِیَرسینگیزمی؟ کیم دونیَه بیلِن دُست بُلسا، خودایا دوشمان بُلیاندیر.‏

۲ تِسالونیکیلِر 2:16

آتامیز خودای بیزی سُیوپ، اُز مِرحِمِتینینگ اوستو بیلِن بیزه اِبِدی گُوونلیک بیلِن یاخشی اومید بِردی.‏ قُی، تانگریمیز عیسی مسیحینگ اُزی و آتامیز خودای سیزه گُوونلیک بِرسین و هِر بیر یاخشی ایشده و سُزده سیزه گویچ بِرسین.‏

یوحنا 12:31

ایندی بو دونیَه‌نینگ حُکوم اِدیلمِلی واقتی گِلدی.‏ اینه، بو دونیَه‌نینگ رِییسی کُولوپ چیقاریلار.‏

مَتّیٰ 26:28

بو هِمّه آداملارینگ گونَه‌لِرینینگ باغیشلانماغی اوچین دُکولیپ، تَزه عَهدی بِرجای اِدیَن مِنینگ قانیمدیر.‏

عِبرانیلار 9:14

اِگِر شِیله اِدِن بُلسالار، اُندا مسیحینگ قانی بیلِن خاص-دا اولی ایشلِر اِدیپ بُلار!‏ شِیدیپ، مسیح اِبِدی روحونگ اوستو بیلِن اُزونی عایپسیز قربانلیق حُکمونده خودایا هُدورلِدی.‏ اُنونگ دُکِن قانی بیزینگ وِجدانیمیزی اُلومه اِلتیَن ایشلِردِن پَکلِیَر، شُندا بیز دیری خودایا خیدمات اِدیَریس.‏

عِبرانیلار 2:5

بیزینگ گورّونگینی اِدیَن گِلجِکّی دونیَه‌میزی خودای پِریشده‌لِره موطیع اِتمِدی.‏

۱ تِسالونیکیلِر 3:11

ایندی بُلسا سیزه طاراف یُلومیزی، قُی، آتامیز خودایینگ اُزی و تانگریمیز عیسی آچسین.‏

اِفِسُسلار 6:12

سِبَبی بیزینگ اوروشیمیز اینسانلارا قارشی دَل-ده، قایتام حُکومدارلارا قارشی، ایختییارلیلارا قارشی، بو قارانگقی دونیَه‌نینگ گویچلیلِرینه قارشی و آسمانداقی یامانلیق روحیلارینگ قودراتلارینا قارشی اوروشیاریس.‏

اِفِسُسلار 1:11

هِمّه زادی اُز ایسلِگینه لاییقلیقدا یِرینه یِتیریَن خودای اُز نییِتینه گُرَه بیزی اُودِن بِلَّپ، مسیحینگ اوستو بیلِن سایلاپ-سِچدی.‏ اُل مونی بیزینگ، یَعنی عیسی مسیحه اَوَّلکی بُلوپ ایمان گِتیرِنلِرینگ خودایینگ جِلالینی عارشا گُتِرمِگیمیز اوچین عِمِل اِتدی.‏

غَلاطیه‌لِر 6:14

مِن بُلسا تانگریمیز عیسی مسیحینگ صلیبیندِن باشغا زات باباتدا آصلا قاباراسیم گِلمِیَر.‏ شو صلیبینگ اوستو بیلِن مِن بو دونیَه اوچین، بو دونیَه-دَه مِنینگ اوچین اُلودیر.‏

رومیلار 8:32

خودای حتّیٰ اُز اُغلونی قایغیرمان، اُنی بیزینگ گونَه‌لِریمیز اوچین اُلومه تابشیران بُلسا، اُندا اُنونگ بیلِن بیرلیکده بِیلِکی زاتلارینگ بارینی هِم باغیشلامازمی نَمه؟

رومیلار 8:3

شِریغات اینسان هُوِسلِریمیزینگ چاره‌سیندِن گِلیپ بیلمَنسُنگ، بیزی آزاد اِدیپ بیلمِدی.‏ شِریغاتینگ باشارمادیق ایشینی خودای یِرینه یِتیردی.‏ خودای دونیَه‌دَکی گونَه سِبَپلی اُز اُغلونی بیر گونَه‌کَر اینسان کیمین ایبِردی-ده، اُنونگ اوستو بیلِن گونَه‌نی مَحکوم اِتدی.‏

رومیلار 1:7

مِن شو نامه‌می سیزه رومداقی ایماندارلارا یازیارین.‏ خودای سیزینگ هِمَّه‌نگیزی سُیوپ، سیزی اُزونینگ خالقی بُلماغا چاغیردی.‏ قُی، آتامیز خودایینگ و تانگریمیز عیسی مسیحینگ مِرحِمِتی و پاراحاتلیغی سیزه بُلسون!‏

یوحنا 10:11

‏«‏مِن قاوی چُپاندیرین.‏ قاوی چُپان قُیونلار اوچین جانینی فِدا اِدیَندیر.‏

یوحنا 6:38

چونکی مِن اُز ایسلِگیمی دَل-ده، مِنی ایبِرِنینگ ایسلِگینی بِرجای اِتمِک اوچین آسماندان ایندیم.‏

یوحنا 5:30

‏«‏مِن اُز-اُزومدِن هیچ زات اِدیپ بیلمِیَرین.‏ آتامدان نَمه اِشیتسِم، شُنونگ یالی حُکوم چیقاریارین.‏ مِنینگ قاضیلیغیم حاقدیر، سِبَبی مِن اُز ایسلِگیمَه گُرَه قاضیلیق اِتمِیَرین، مِنی ایبِرِنینگ ایسلِگینی بِرجای اِدیَرین.‏

لوقا 22:42

‏«‏اِی آتام!‏ اِگِر ایسلِسِنگ، بو عاذاپ کَسه‌سینی مِندِن داشلاشدیر!‏ یُنه مِنینگ خاییشیم دَل، سِنینگ ایسلِگینگ بُلسون!‏»‏ دییّپ، دُغا اِتمَگه دوردی.‏

مَرقُس 10:45

چونکی اینسان اُغلی-دا اُزونه خیدمات اِدیلمِگی اوچین دَل-ده، اُندان باشغا بِیلِکیلِره خیدمات اِتمَگه و جانینی فِدا اِدیپ، هِمّه‌لِری آزاد اِتمَگه گِلِندیر»‏ دییدی.‏

مَتّیٰ 26:42

عیسی ایکینجی گِزِک گیدیپ، دُغا اِتدی:‏ ‏«‏اِی آتام، مِن ایچمِسِم، بو کَسه‌نینگ گِچمِگی مومکین دَل بُلسا، اُندا سِنینگ ایسلِگینگ بُلسون.‏»‏

مَتّیٰ 6:9

شُنونگ اوچین، شِیله دُغا اِدینگ:‏ اِی آسمانداقی آتامیز!‏ آدینگ مُقادِّس بُلسون!‏

آیانلیق 7:9

موندان سُنگ هِر میلِّتدِن، هِر خالقدان، هِر طایفادان و هِر دیلدِن بُلان، هیچ کیمینگ ساناپ بیلمِجِک خاص اولی جِماغاتینینگ تاختینگ و قوزینینگ اُوونده دورانینی گُردوم.‏ اُلار آق لِباسدادیلار و اِل‍لِرینده خُرما باغینینگ شاخالاری باردی.‏

رومیلار 8:27

اینسان یورِگینی بارلایان خودای روحونگ فیکرلِرینه دوشونیَندیر.‏ سِبَبی مُقادِّس روح خودایینگ ایسلِگینه گُرَه اُنونگ خالقی اوچین تُوِلّا اِدیَندیر.‏

لوقا 22:19

سُنگرا چُرِگی آلدی-دا شوکور اِتدی، اُنی بُلوپ، شَگیرتلِره بِریپ:‏ ‏«‏بو مِنینگ سیزینگ اوچین قربانی اِدیلیَن بِدِنیمدیر، مونی مِنی یادلاماق اوچین بِرجای اِدینگ»‏ دییدی.‏

مَتّیٰ 13:22

تیکِنلیگینگ آراسینا دوشِن تُخوم بُلسا بودور:‏ اُل سُزی اِشیدیَر، یُنه دونیَه‌نینگ قایغیلاری، بایلیغینگ هُوِسی اُنی بُغیار و سُز حاصیلسیز بُلیار.‏

۱ قُرِنتُس‌لار 15:3

چونکی مِن قابول اِدِنیمی خاص واجیپ خابار حُکمونده سیزه-ده قاوشوردیم.‏ بو خابار، اینه، شوندان عیبارات:‏ مُقادِّس یازغیلارا گُرَه، مسیح بیزینگ گونَه‌لِریمیز اوچین اُلدی.‏

اِفِسُسلار 5:16

هِر بیر فُرصَتدان گِرِکلی نِتیجه چیقارینگ، سِبَبی بو تِلِکه زاماندیر.‏

۱ تِسالونیکیلِر 1:3

ایمانینگ حاصیلی بُلان ایشینگیزی، سُیگودِن عِمِله گِلِن زَحمِتینگیزی، تانگریمیز عیسی مسیحه باغلان اومیدینگیزدان دُرَن جیدامینگیزی آتامیز خودایینگ اُوونده بیرسیخلی یادلایاریس.‏