اِفِسُسلار 6:19 - مُقادِّس کیتاب

¹⁹ هِر گِزِک کِپلَنیمده، گِرِکلی سُزلِر بِریلسین دییّپ، مِنینگ اوچین هِم خودایا دُغا اِدینگ.‏ شُندا مِن خوش خابارینگ سیرینی قُرقمان اِعلان اِدِرین.‏

اِفِسُسلار 6:19 Referans Kwoze

کولُسیلِر 4:3

بیزینگ اوچین هِم دُغا اِدینگ:‏ خودایینگ سُزونی یایرادیپ، مسیحینگ سیرینی آیان اِدِر یالی، اُنونگ اُزی بیزه قاپی آچیپ بِرسین.‏ اینه، شُنونگ اوچین هِم مِن زینداندادیرین.‏

رِسول‍لار 4:29

و ایندی، اِی خودای، اُلارینگ تَهدید اِدیشلِرینی بیر گُرسِنه!‏ ایندی سِنینگ خوش خابارینگی باتیرلیق بیلِن آیتماغا بیز بِنده‌لِرینگه گویچ-قایرات بِر.‏

۲ تِسالونیکیلِر 3:1

آخیری، اِی عزیزلِر، خوش خابار سیزینگ آرانگیزدا باسیم یایراپ، بِییکلِندی.‏ اُل بِیلِکی یِرلِرده-ده شِیله بُلار یالی، بیزینگ اوچین دُغا اِدینگ.‏

۱ تِسالونیکیلِر 5:25

اِی عزیزلِر، بیزینگ اوچین دُغا اِدینگ.‏

عِبرانیلار 13:18

بیزینگ اوچین دُغا اِدینگ.‏ بیز وِجدانیمیزینگ آراسّادیغینا اینانیاریس و هِمّه طارافدان هِمیشه حُرماتا میناسیپ بُلوپ یاشاماق ایسلِیَریس.‏

رِسول‍لار 4:31

دُغا اِدیپ بُلانلاریندان سُنگ، اُلارینگ اویشوپ دوران یِری سارسدی.‏ هِمّه‌لِر مُقادِّس روحدان دُلوپ، باتیرلیق بیلِن خودایینگ خوش خابارینی آیتماغا باشلادیلار.‏

۱ تِسالونیکیلِر 2:2

بیزینگ اُزال فیلیپیده حُرلوق چِکِندیگیمیزی و کیچِلدیلِندیگیمیزی هِم بیلیَنسینگیز.‏ ایندی بُلسا بَرده-ده قارشیلیغا دوچار بُلدوق.‏ اِمّا مونگا باقمازدان، خودای اُز خوش خابارینی سیزه هِم واغیظ اِتمِک اوچین بیزه گویج بِردی.‏

۲ قُرِنتُس‌لار 8:7

سیزینگ ایمانینگیز گویچلی، سیز نَدیپ واغیظ اِتمِلیدیگینی بیلیَرسینگیز.‏ سیزینگ دوشونجَنگیز، ایخلاصینگیز و بیزدِن اُورِنِن سُیگینگیز دُلوپ-آقیار.‏ حاقیقاتی، سیز هِمّه زادی شِیله قاوی باشاریارسینگیز.‏ شُنونگ اوچین-ده، ساخیلیقدا-دا شِیله بُلماغینگیزی ایسلِیَریس.‏

اِفِسُسلار 1:9

خودای اُزال-باشدان مسیحده یِرینه یِتیرِن یاخشی نییِتلِرینینگ اوستو بیلِن اُز ایسلِگینینگ سیرینی بیزه اَشکَر اِتدی.‏

۱ قُرِنتُس‌لار 4:1

آداملار بیزه، قُی، مسیحینگ خیدماتچیلاری و خودایینگ سیرلارینی آیان اِدیَن خیدماتچیلار حُکمونده گُرسینلِر.‏

رِسول‍لار 28:31

اُل باتیرلیق بیلِن و هیچ بیر قارشیلیقسیز خودایینگ پادیشاهلیغینی واغیظ اِدیپ، تانگریمیز عیسی مسیح بارادا تَعلیم بِریَردی.‏

رِسول‍لار 19:8

پولس اوچ آیلاپ کِنیسه باریپ، اُل یِرده خالقا ایناندیریجی دِلیل‍لِر بیلِن خودایینگ پادیشاهلیغی بارادا باتیرلیق بیلِن آیدیپ و فیکر آلیشدی.‏

رِسول‍لار 13:46

پولس بیلِن بارنابا هِم باتیرلیق بیلِن شِیله دییدیلِر:‏ ‏«‏خودایینگ خوش خاباری اَوَّل سیزه واغیظ اِدیلمِلیدی.‏ اِمّا سیز اُنی رِد اِتدینگیز!‏ بو بُلسا سیزینگ اِبِدی یاشایشا میناسیپ دَلدیگینگیزی بِلّی اِدیَر.‏ شُنونگ اوچین بیز باشغا میلِّتلِره یوزلِنیَریس.‏

فیلیمون 1:22

یِنه بیر خاییشیم بار، مِنی میهمان آلار یالی بیر اُتاقی تاییارلاپ قُی، سِبَبی خودای دُغالارینگیزی اِشیدیپ، مِنی یِنه یانینگیزا قایتارار دییِن اومیدیم بار.‏

کولُسیلِر 2:2

مِن اُلارینگ قالبینینگ قوواتلانیپ، سُیگوده بیرلِشمِکلِرینی دیلِیَرین.‏ شِیدیپ، اُلار کَمیل ایناما هِم بایلیق دوشونجَه اِیه بُلوپ، خودایینگ سیرینی، یَعنی مسیحی تانیسینلار.‏

۲ قُرِنتُس‌لار 3:12

بیز شِیله اومیدیمیز بُلانی اوچین باتیرلیق بیلِن حِرِکِت اِدیَریس.‏

۱ قُرِنتُس‌لار 1:5

چونکی سیز عیسی مسیحینگ اوستو بیلِن هِمّه زادا، دیلِوارلیغا-دا و بیلیم خازیناسینا-دا اِیه بُلدونگیز.‏

رِسول‍لار 14:3

پولس بیلِن بارنابا بو یِرده اوزاق واقت قالیپ، تانگری عیسی حاقدا باتیرلیق بیلِن واغیظ اِتدیلِر.‏ تانگری عیسی هِم اُلارا مُعجِزه‌لِر و عالاماتلار گُرکِزمِک باشارجاغینی بِریپ، اُز مِرحِمِتی باراداقی خاباری اُلارینگ اوستو بیلِن تاصدیقلادی.‏

رِسول‍لار 9:27

اُنسُنگ بارنابا سولُسی آلیپ، رِسول‍لارینگ یانینا گِتیردی.‏ اُل سولُسینگ یُلدا عیسانی گُرِندیگینی، عیسانینگ اُنونگ بیلِن کِپلِشِندیگینی، دمشق‌ده عیسانینگ آدی بیلِن هیچ بیر قُرقوسیز واغیظ اِدِندیگینی اُلارا گورّونگ بِردی.‏

۱ تیموتاوس 3:16

ایمان سیرینینگ اولیدیغینا آصلا شِک یُقدور:‏ عیسی مسیح اینسان بِدِنینده آیان بُلوپ، مُقادِّس روحونگ اوستو بیلِن تاصدیقلانیلدی.‏ پِریشده‌لِر اُنی گُردولِر، اُل میلِّتلِر آراسیندا واغیظ اِدیلدی.‏ اُنگا بو دونیَه‌ده ایمان گِتیریلدی، اُل بِییکلیک ایچینده آسمانا آلیندی.‏

۲ قُرِنتُس‌لار 7:4

سیزه قاتی اینانیارین و قاتی قووانیارین!‏ مِن شِیله اولی تِسِلّی تاپدیم.‏ قینچیلیقلاریمیز هِر هیلی آغیر بُلسا-دا، شاتلیغیمینگ اِندازاسی یُقدور.‏

۱ قُرِنتُس‌لار 2:7

بیز خودایینگ سیرلی و گوزگین ساقلانان حِکمِتینی آیدیاریس.‏ خودای بو حِکمِتی بیزینگ هِم اُنونگ بِییکلیگینَه شِریک بُلماغیمیز اوچین، اُنی دونیَه یارادیلمازدان اُنگ قارار اِدیپدی.‏

رومیلار 15:30

اِی عزیزلِر، تانگریمیز عیسی مسیحینگ و مُقادِّس روحونگ سُیگوسینینگ خاطیراسینا یالباریارین:‏ مِنینگ اوچین دُغا اِتمِک بیلِن، مِنینگ گُرِشیمه قُشولینگ.‏

رِسول‍لار 18:26

اُل کِنیسه‌ده باتیرلیق بیلِن کِپلِمَگه باشلادی.‏ پریسکیلا بیلِن آکیلا آپولُسینگ واغظینی اِشیدِنلِرینده، اُنی اُز اُیلِرینه چاغیریپ، اُنگا خودایینگ یُلونی خاص قاوی دوشوندیریپ بِردیلِر.‏

رِسول‍لار 4:13

مِجلِسینگ آداملاری پِطرُس بیلِن یوحنانینگ باتیرلیغینی گُرِنلِرینده و اُلارینگ دِرس اُقیمادیق بیر یُنِکِی آداملاردیغینی بیلِنلِرینده حایران قالدیلار، اُلارینگ عیسانینگ شَگیرتلِریدیگینه گُز یِتیردیلِر.‏

رِسول‍لار 2:4

اُلارینگ هِمّه‌سی مُقادِّس روحدان دُلدولار و مُقادِّس روحونگ بِرِن قودراتینا گُرَه، باشغا دیل‍لِرده کِپلَپ باشلادیلار.‏

رِسول‍لار 9:29

اُل یونانیچا کِپلِیَن یَهودیلِر بیلِن گورلِشیپ، اُلار بیلِن چِکِلِشیَردی.‏ اُنسُنگ اُلار سولُسی اُلدورمِگینگ قاصدینا چیقدیلار.‏

رومیلار 16:25

مِنینگ واغیظ اِدیَن خوش خاباریما، یَعنی عیسی مسیح باراداقی تَعلیماتا اینانان سیزی ایماندا قاییملاماغی باشاریان خودایا بِییکلیک بُلسون!‏ بو خوش خابار اِنچِمه عاصیرلارینگ دُوامیندا گوزگین ساقلانیپ، ایندی آیان اِدیلِن بیر سیردیر.‏

۲ قُرِنتُس‌لار 6:11

اِی قُرِنتُس‌دَکیلِر!‏ بیز سیزینگ بیلِن آچیقجا گورلِشدیک و سیزه یورِگیمیزی آچدیق.‏

اِفِسُسلار 3:9

هِمّه زادی یارادان خودای قادیمدان بَری بو سیری اُز حوضوریندا ییغشیریپ ساقلادی، بو سیرینگ مَعنیسینینگ نَمِدیگینی ایندی هِر بیر اینسانا اَشکَر اِتمِکلیک مانگا بِریلدی.‏