اِفِسُسلار 4:29 - مُقادِّس کیتاب

²⁹ آغزینگیزدان هیچ هاچان بیدِرِک سُز چیقماسین.‏ قایتام، دینگلِیَنلِرینگ مَحتَجلیکلِرینه گُرَه، گِرِکلی سُزلِری آیدیپ، اُلاری قوواتلاندیرینگ، شُندا آیدانلارینگیز اُلارا پِیدا گِتیرِر.‏

اِفِسُسلار 4:29 Referans Kwoze

کولُسیلِر 4:6

هِر کیمه نَهیلی جُغاپ بِرمِلیدیگینگیزی بیلِر یالی، سُزونگیز هِمیشه یُقوملی و مَعنیلی بُلسون.‏

۱ تِسالونیکیلِر 5:11

شُنگا گُرَه-ده، اِدیل شو واقت اِدیشینگیز یالی، بیری-بیرینگیزه گُوونلیک بِرینگ و قوواتلاندیرینگ.‏

مَتّیٰ 5:16

دِگمه، سیزینگ نورینگیز آداملارینگ اُوونده پارلاسین، شُندا اُلار قاوی ایشلِرینگیزی گُروپ، آسمانداقی آتانگیزی اُوسینلِر.‏

۱ پِطرُس 2:12

ایمانسیزلارینگ آراسیندا قاوی و دُغری یاشانگ.‏ شُندا اُلار سیزی یالنگیش ایش اِتمِکده تُهمِت اورسالار-دا، دُغری ایشلِرینگیزی گُروپ، خودایینگ گِلجِک گونی اُنی بِییکلِندیرِرلِر.‏

لوقا 4:22

هِمّه‌لِری عیسانی اُووپ، اُنونگ آغزیندان چیقان عجاییپ سُزلِره حایران قالیپ:‏ ‏«‏بو یوسفینگ اُغلی دَلمی؟»‏ دییّپ سُرادیلار.‏

۱ پِطرُس 3:1

اِدیل شونونگ یالی، اِی آیال‍لار، سیز هِم اُز اَرینگیزه موطیع بُلونگ.‏ اِگِر اَرینگیز خودایینگ سُزونه اینانمایان بُلسا، اُل آیالینینگ خودایدان قُرقوپ یاشایان و پَک دورموشینی گُروپ، هیچ بیر آیدیپ-دییمِزدِن ایمانا گِلِر.‏

اِفِسُسلار 4:16

اُنونگ یُلباشچیلیغی آشاغیندا هِمّه بِدِن هِر بُغونونگ کُمِگی بیلِن باغلانیپ، اُنگا بیریکدیریلیَر.‏ هِر بُلومینگ تِرتیبلی ایشلِمِگی نِتیجه‌سینده بِدِن اُسیپ، سُیگی بیلِن قُشولیپ حِرِکِت اِدیَر.‏

اِفِسُسلار 4:12

اُلارینگ وِظیفه‌سی خودایینگ خالقینی اُنگا خیدمات اِتمَگه تاییارلاماقدان و مسیحینگ بِدِنی بُلان کِلیسانی گویچلی اِتمِکدِن عیباراتدیر.‏

۲ پِطرُس 2:18

چونکی اُلار یالنگیش یُلدان تَزه قاچیپ آزاد بُلانلاری بُش و غُرورلی سُزلِری بیلِن تِلِکه کِیپه گویچلِندیریپ، اینسان هُوِسلِری بیلِن اُلاری دوزاغا دوشوریَرلِر.‏

۱ قُرِنتُس‌لار 14:19

یُنه کِلیسادا بِیلِکیلِره-ده تَعلیم بِرِر یالی، دوشوملی بَش سُز آیدانیمی تا بو بِلّی دَل دیل‍لِرده آیدیلان مونگلِرچه سُزدِن قاوی گُریَرین.‏

رومیلار 14:19

شُنونگ اوچین-ده، پاراحاتلیغا و بیری-بیریمیزی ایماندا گویچلِندیرمَگه یاردیم اِتجِک ایشلِری اِتمَگه چالیشایلینگ.‏

رومیلار 15:2

بیزینگ هِر بیریمیز اُز هِمسایاسینینگ ایمانینی گویچلِندیرجِک زاتلارینگ فیکرینی اِدیپ، اُنونگ ایسلِگینینگ ایزیندا بُلمالیدیریس.‏

یوحنا 1:37

یحیانینگ سُزلِرینی اِشیدیپ، بو ایکی شَگیرت عیسانینگ ایزینا دوشوپ گیتدی.‏