اِفِسُسلار 4:14 - مُقادِّس کیتاب

¹⁴ شِیدیپ، موندان بِیلَک اینسانلارینگ یالانچیلیغینینگ و مِکرلیک بیلِن دوزیَن هِر هیلی تَعلیماتینینگ یِلینَه کُولوپ، اِیلَک-بِیلَک ایتیکلِنیَن چاغالار یالی بُلماریس.‏

اِفِسُسلار 4:14 Referans Kwoze

عِبرانیلار 13:9

هِر هیلی بیگانه تَعلیماتلارا گُوون بِریپ، گِلِن-گِچِنی آلمانگ.‏ قالبینگیزینگ اییّپ-ایچمِک عاداتلاریندان دَل-ده، خودایینگ مِرحِمِتیندِن قاییملاماغی قاویدیر.‏ سِبَبی اییّپ-ایچمِک عاداتلارینگ ایزینا دوشیَنلِر موندان هیچ هیلی خاییر گُرِن دَلدیر.‏

۱ قُرِنتُس‌لار 14:20

اِی عزیزلِر، چاغالار یالی فیکر اِتمِگینگیزی بِس اِدینگ.‏ یامانلیق باباتدا چاغا یالی بُلونگ، یُنه دوشونمِک باباتدا یِتیشِن یالی بُلونگ.‏

۱ یوحنا 4:1

عزیزلِریم، اُزونده خودایینگ روحونینگ باردیغینی آیدیان هِر بیر آداما اینانیپ یُرمَنگ.‏ اُلارینگ خودایداندیغینی یا-دا دَلدیگینی بیلمِک اوچین ایمتِحان اِدیپ گُرونگ.‏ سِبَبی دونیَه‌ده اِنچِمه یالان نِبیلِر گُروندی.‏

۲ قُرِنتُس‌لار 2:17

بیز کَن آداملار یالی خودایینگ سُزونی اُز پِیداماز اوچین آرزان ساتمایاریس.‏ تِرسینه، خودای طارافیندان ایبِریلِن و مسیحه خیدمات اِدیَن آداملار یالی خودایینگ حوضوریندا پَک یورِکدِن کِپلِیَریس.‏

یعقوب 1:6

اِمّا اُل آدام شِک اِتمَن ایمان بیلِن دیلِسین، سِبَبی شِک اِدیَن آدام اِدیل یِلینگ اِیلَک-بِیلَک چایقایان دِریانگ مُوجی یالیدیر.‏

اِفِسُسلار 6:11

شِیطانینگ حیله‌لِرینه قارشی دوروپ بیلِر یالی، خودایینگ بِرِن هِمّه روحی یاراغلارینی گِینینگ.‏

مَتّیٰ 24:24

چونکی یالان مسیحلِر، یالان نِبیلِر دُرَپ، سایلانانلاری-دا مومکین بُلدیغیچا آزدیرجاق بُلوپ، بِییک عالاماتلار و مُعجِزه‌لِر گُرکِزِرلِر.‏

۲ تیموتاوس 4:3

چونکی آداملارینگ دُغری تَعلیماتی دینگلَسی گِلمِجِک زاماناسی گِلِر.‏ شُندا اُلار اُز هُوِسلِرینه میناسیپ، قولاقلارینا-دا گِرِکلی سُزلِری آیتجاق مُعلِّملِری گُزَرلِر.‏

یهودا 1:12

بو آداملار سیزینگ اوچین قُرقونچدیر، اُلار اُز قارینلارینی دُیورماق اوچین سیزینگ بیلِن ضیافات اویشمِلِکلِرده اییّپ-ایچیَرلِر.‏ یِل بیلِن کُولان یاغمییانسیز بولوتلار کیمین، گویزده میوه بِرمِیَن باغلار کیمیندیرلِر.‏ اُلار ایکی گِزِک اُلِن و کُکوندِن قُفاریلیپ زینگالاندیرلار.‏

آیانلیق 19:20

اِمّا جاناوار و اُنونگ بیلِن بیله یالان نِبی توتولدی.‏ بو یالان نِبی جاناوارینگ آدیندان عالاماتلار گُرکِزدی و جاناوارینگ عالاماتینی اُزونه باسدیریپ، اُنونگ مُجِسِّمه‌سینه سِجده اِدِنلِری آلدادی.‏ جاناوار-دا، یالان نِبی-ده دیریلیگینه یانیپ دوران کوکورت و اُدلی دِریاچا زینگیلدی.‏

غَلاطیه‌لِر 3:1

اِی عاقیلسیز غَلاطیه‌لِر!‏ سیزینگ گُزونگیزی کیم باغلادی؟ مِن سیزه خوش خاباری واغیظ اِدِنیمده، صلیبه چویلِنِن عیسی مسیحی اِدیل اُز گُزونگیز بیلِن گُریَن یالیدینگیز آخیرین!‏

مَتّیٰ 24:11

کَن یالان نِبیلِر دُرَپ، کَن آداملاری آزدیرارلار.‏

۱ یوحنا 2:26

بو زاتلاری سیزی آزدیرجاق بُلیان آداملاردان خاباردار بُلماغینگیز اوچین یازدیم.‏

۲ تیموتاوس 3:13

اِمّا شِرلِر و یالانچیلار بُلسا آلداپ، آلدانیپ، اُز شِرلیکلِرینده باردیغچا اُوه گیدِرلِر.‏

۲ قُرِنتُس‌لار 4:2

بیز عاییپلی بُلانی اوچین اوتانچلی و گوزگینلیکده اِدیلیَن ایشلِری رِد اِتدیک.‏ حیله‌لیک اِتمِیَریس و خودایینگ سُزونی اویتگِتمِیَریس.‏ تِرسینه، حاقیقاتی آچیق اِعلان اِدیپ، خودایینگ حوضوریندا هِمّه‌لِرینگ اُوونده جُغاپ بِرمَگه تاییاردیریس.‏

مَتّیٰ 11:7

یحیانینگ شَگیرتلِری گیدِن واقتی، عیسی جِماغاتا یحیی بارادا گورّونگ بِرمَگه باشلادی:‏ ‏«‏بیابانا نَمه گُرمَگه گیتدینگیز؟ یِله ایرغیلییان قامشیمی؟

۱ قُرِنتُس‌لار 12:2

یادینگیزدامی، سیز بُت‌پَرَستکَنگیز، دیلسیز-آغیزسیز بُتلارینگ ایزینا دوشوپ، اُلارا چِکیلیَردینگیز.‏

رِسول‍لار 23:21

اِمّا سِن اُلارینگ سُزونه قولاق آسما، سِبَبی قیرقدان قاوراق آدام گوزگِنیپ، پولسه بوقونوپ قاراشیار.‏ اُلار پولسی اُلدوریَنچَک، اییّپ-ایچمِریس دییّپ قاسام ایچدیلِر.‏ شو واقت اُلار تاییار بُلوپ، سِنینگ راضیچیلیغینگا قاراشیارلار.‏»‏

۱ یوحنا 2:19

اُلار بیزینگ آرامیزدان گیتدیلِر، آصلیندا-دا بیزه دِگیشلی دَلدیلِر.‏ دِگیشلی بُلسادیلار، بیزینگ آرامیزدا قالاردیلار.‏ اِمّا چیقیپ گیتمِکلِری اُلارینگ هیچ بیرینینگ بیزه دِگیشلی دَلدیگینی اَشکَر اِتدی.‏

۲ پِطرُس 2:18

چونکی اُلار یالنگیش یُلدان تَزه قاچیپ آزاد بُلانلاری بُش و غُرورلی سُزلِری بیلِن تِلِکه کِیپه گویچلِندیریپ، اینسان هُوِسلِری بیلِن اُلاری دوزاغا دوشوریَرلِر.‏

یعقوب 3:4

اینه، کِشتیلِری گُزلَنگ!‏ اُلار گویچلی هِم قاتی یِل‍لِر بیلِن گِدیلسه-ده، بیر کیچیجیک فِرمان بیلِن کاپیتانینگ ایسلَن طارافینا اُورولیَر.‏

۱ تیموتاوس 3:6

کِلیسانینگ باشلیقچیسی یاقینلیقدا ایمان گِتیرِنینگ بیری بُلمالی دَلدیر.‏ یُغسا اُل تِکِپبیرلیگه یوز اوروپ، شِیطانینگ مَحکومییِتینه دوچار بُلماغی آخمال.‏

۲ تیموتاوس 1:15

سِن آسیا وِلایاتینداقیلارینگ هِمّه‌سینینگ، شُل حاساپدا فیگِلوسینگ و هِرموگِنِسینگ مِنی تِرک اِدِندیکلِرینی بیلیَنسینگ.‏

۱ قُرِنتُس‌لار 3:19

چونکی بو دونیَه‌نینگ حِکمِتی خودایینگ ناظاریندا آحماقلیقدیر.‏ مُقادِّس یازغیلاردا:‏ ‏«‏خودای حِکمِتلی بیلِنی اُز حیله‌سینده توتیار»‏ دییّپ یازیلاندیر.‏