اِفِسُسلار 1:7 - مُقادِّس کیتاب

⁷ خودای قاتی بای مِرحِمِتی بیلِن اُغلونینگ دُکِن قانینینگ اوستو بیلِن گونَه‌لِریمیزی باغیشلاپ، بیزی آزاد اِتدی.‏

اِفِسُسلار 1:7 Referans Kwoze

۱ پِطرُس 2:24

بیزینگ گونَه‌لِریمیز اوچین اُلوپ، تاقوالیق اوغروندا یاشاماغیمیز اوچین، اُل صلیبده گونَه‌لِریمیزی اُز اوستونه یوکلِدی.‏ سیز اُنونگ یارالارینینگ اوستو بیلِن شِفا تاپدینگیز.‏

رومیلار 3:24

یُنه اُلار خودایینگ مِرحِمِتینینگ اوستو بیلِن مُفت آقلاندیلار و عیسی مسیحینگ اوستو بیلِن گونَه‌لِرینینگ جِزاسیندان آزاد اِدیلدیلِر.‏

کولُسیلِر 1:14

اُز اُغلونینگ اوستو بیلِن بیزی آزادلیغا چیقاردی، یَعنی گونَه‌لِریمیزی باغیشلادی.‏

عِبرانیلار 9:22

حاقیقاتدانام، هِمّه زات شِریغاتا گُرَه قان بیلِن پَکلِنیَر.‏ قان دُکولمِزدِن هیچ بیر گونَه باغیشلانمایار.‏

مَتّیٰ 26:28

بو هِمّه آداملارینگ گونَه‌لِرینینگ باغیشلانماغی اوچین دُکولیپ، تَزه عَهدی بِرجای اِدیَن مِنینگ قانیمدیر.‏

آیانلیق 5:9

اُلار تَزه بیر آیدیم آیدیاردیلار:‏ ‏«‏سِن میناسیپسینگ بو طوماری آلماغا، هِم-ده اُنونگ مُهورلِرینی دُومَگه.‏ چونکی داماغینگ چالنیپ و اُز قانینگ بیلِن، هِر طایفادان، هِر دیلدِن، هِر خالقدان و هِر میلِّتدِن خودای اوچین آداملاری ساتین آلانسینگ.‏

۱ یوحنا 2:12

اِی بالالار، سیزه یازیارین، چونکی عیسی مسیحینگ آدینا گونَه‌لِرینگیز باغیشلاندی.‏

فیلیپیلِر 4:19

بِییک خوداییم اُز بایلیغی بیلِن سیزینگ، یَعنی عیسی مسیحه باغلی بُلانلارینگ اوچین هِمّه مَحتَجلیکلِرینینگ عُوِضینی دُلدولار.‏

اِفِسُسلار 2:7

اُل مونی عیسی مسیحینگ اوستو بیلِن بیزه اِدِن مِرحِمِتینینگ و یاخشیلیغینینگ اِندازاسیز بایلیغینی گِلجِک زاماندا گُرکِزمِک اوچین اِتدی.‏

۱ قُرِنتُس‌لار 1:30

چونکی سیز عیسی مسیح بیلِن دینگه خودایینگ اوستو بیلِن بیرلِشِنسینگیز.‏ عیسی مسیح بیزینگ اوچین خودایینگ حِکمِتینی، یَعنی تاقوالیغیمیز، مُقادِّسلیگیمیز و آزادلیغیمیز بُلدی.‏

اِفِسُسلار 3:16

قُی، اُل اِندازاسیز بِییکلیگی بیلِن اُز روحونینگ اوستو بیلِن سیزینگ ایچینگیزدَکی بارلیغینگیزی قودرات بیلِن گویچلِندیرسین.‏

۲ قُرِنتُس‌لار 8:9

چونکی سیز تانگریمیز عیسی مسیحینگ مِرحِمِتینی بیلیَنگیز:‏ اُل بای بُلسا-دا، سیزینگ خاطیرانگیز اوچین قاریپ بُلدی.‏ عیسی مسیح مونی اُز قاریپلیغینینگ اوستو بیلِن سیزینگ بای بُلماغینگیز اوچین اِدیپدی.‏

رومیلار 2:4

یا-دا سِن خودایینگ اولی رِحم-شِپاقاتینا، یاخشیلیغینا، صابیر-طاقادینا اَهمییِتسیز حاساپلایارسینگمی؟ اُنونگ رِحمینینگ سِنی توبا طارافا اِلتیَندیگینه دوشونمِیَرسینگمی نَمه؟

۱ یوحنا 2:2

اُل اُزی گونَه‌لِریمیزینگ قربانیسی و دینگه بیزینگ گونَه‌لِریمیز دَل-ده، اُندان باشغا، هِمّه دونیَه‌نینگ گونَه‌لِرینینگ قربانیسی.‏

تیتوس 2:14

عیسی مسیح بیزی هِمّه گونَه‌لِردِن آزاد اِتمِک اوچین، اُزونی قربانی اِتدی.‏ اُل مونی اُزونه یاخشیلیق اِتمِکده قایراتلی و پَک بیر خالقی قازانماق اوچین اِتدی.‏

رِسول‍لار 2:38

پِطرُس اُلارا شِیله دییدی:‏ ‏«‏توبا اِدینگ، هِر بیرینگیز عیسی مسیحینگ آدی بیلِن تَعمید آلینگ.‏ شُندا سیزینگ گونَه‌لِرینگیز باغیشلانار و مُقادِّس روحونگ واعداسینی آلارسینگیز.‏

مَتّیٰ 20:28

اینسان اُغلی-دا اُزونه خیدمات اِدیلمِگی اوچین دَل-ده، اُندان باشغا بِیلِکیلِره خیدمات اِتمَگه و جانینی فِدا اِدیپ، هِمّه‌لِری آزاد اِتمَگه گِلِندیر»‏ دییدی.‏

۱ یوحنا 4:10

بیز خودایی دَل-ده، اَوَّل خودای بیزی سُیدی.‏ اُل بیزینگ گونَه‌لِریمیزی پَکلِمِک اوچین، اُز اُغلونی قربانلیق حُکمونده ایبِردی.‏ اینه، حاقیقی سُیگی شودور.‏

رِسول‍لار 20:28

اُزونگیزه و مُقادِّس روحونگ سیزینگ باقماغینگیزا بِرِن هِمّه سوروسینه گُز-قولاق بُلونگ.‏ خودایینگ کِلیساسینا چُپانچیلیق اِدینگ.‏ اُل بو کِلیسانی اُز اُغلونینگ قانی بیلِن ساتین آلدی.‏

۱ پِطرُس 3:18

مسیح هِم بیزی خودایینگ یانینا اِلتمِک اوچین، گونَه‌لِر سِبَپلی هِمیشه‌لیک و بیر گِزِک عاذاپ چِکدی.‏ اُزی عادیل بُلسا-دا، گونَه‌کَرلِر اوچین اُلدی.‏ بِدِن تایدان اُلدوریلسه-ده، اِمّا روح تایدان اُل دیرِلدیلدی.‏

اِفِسُسلار 3:8

مِن خودایینگ خالقینینگ آراسیندا اینگ اَهمییِتسیزیدیم، اِمّا مونگا باقمازدان مسیحینگ عاقیل یِتمِز بایلیغینی یَهودی دَل‍لِره واغیظ اِتمِک جُغاپکَرچیلیگینی خودای شو مِرحِمِتی مانگا هُدورلِدی.‏

رِسول‍لار 10:43

هِمّه پیغامبارلار هِم عیسی حاقدا شاهاتلیق اِتدیلِر.‏ عیسی ایمان گِتیرِن هِر بیر آدامینگ گونَه‌لِرینینگ اُنونگ آدینینگ خاطیراسینا باغیشلانجاقدیغینی آیتدیلار.‏»‏

یوحنا 20:23

سیز کیمینگ گونَه‌سینی باغیشلاسانگیز، شُل باغیشلانار، کیمینگ گونَه‌سینی باغیشلاماسانگیز، شُل باغیشلانماز»‏ دییدی.‏

مَرقُس 14:24

سُنگرا عیسی اُلارا:‏ ‏«‏بو مِنینگ کَن آداملار اوچین دُکولیَن تَزه عَهد قانیمدیر.‏

تیتوس 3:6

بیز خودایینگ مِرحِمِتی بیلِن آقلانیپ، اُنونگ باقی یاشایشا اومید باغلایان میراثداری بُلار یالی، خودای بیزه نِجات بِریَنچیمیز عیسی مسیحینگ اوستو بیلِن مُقادِّس روحی بُلدان-بُل بِردی.‏

۱ تیموتاوس 2:6

عیسی مسیح هِمّه‌لِری آزاد اِتمِک اوچین، اُزونی قربانی اِتدی، و شُنونگ بیلِن اُز میناسیپ واقتیندا شو حاقیقات تاصدیقلاندی.‏

کولُسیلِر 2:13

اُوال سیز سونِّتسیز بُلان اُوالقی طِبیغاتینگیزدا گونَه‌لِرینگیزده اُلودینگیز.‏ ایندی بُلسا خودای هِمّه گونَه‌لِرینگیزی باغیشلاپ، سیزی مسیح بیلِن بیله دیرِلتدی.‏

کولُسیلِر 2:2

مِن اُلارینگ قالبینینگ قوواتلانیپ، سُیگوده بیرلِشمِکلِرینی دیلِیَرین.‏ شِیدیپ، اُلار کَمیل ایناما هِم بایلیق دوشونجَه اِیه بُلوپ، خودایینگ سیرینی، یَعنی مسیحی تانیسینلار.‏

کولُسیلِر 1:27

خودای بو سیرینگ اولی بِییکلیگینی میلِّتلِرینگ آراسیندا مُقادِّسلِره بیلدیرمِک ایسلِدی.‏ بو سیر سیزه بِییکلیگَه قاووشماق اومیدینی بِریپ، سیزده بُلیان مسیحدیر.‏

اِفِسُسلار 2:4

اِمّا گونَه‌لِریمیز سِبَپلی اُلی هِم بُلساق، رِحمدارلیغا بای خودای اُزونینگ اولی سُیگوسینی گُرکِزیپ، بیزی مسیح بیلِن بیلِلیکده دیرِلتدی.‏ سیز خودایینگ مِرحِمِتی بیلِن نِجات تاپدینگیز.‏

رومیلار 9:23

خودای اُزونینگ اُنگدِن بِییکلیک اوچین تاییارلاپ، مِرحِمِت اِدِنلِرینه اُز اولی بِییکلیگینی بیلدیرمِک اوچین شِیله صابیر-طاقاتلی بُلیاندیر.‏

رِسول‍لار 3:19

ایندی گونَه‌لِرینگیزینگ باغیشلانماغی اوچین توبا اِدینگ و خودایا طاراف اُورولینگ.‏ شُندا خودای سیزه راحاتلیق واقتینی حوضوریندا بِرِر.‏

لوقا 24:47

شِیله هِم توبا اِدیپ، گونَه‌لِرینینگ باغیشلانماغی باراداقی خوش خاباری اورشلیمدِن باشلاپ، هِمّه میلِّتلِره اُنونگ آدیندان واغیظ اِدیلمِلیدیر.‏

لوقا 1:77

گونَه‌لِرینینگ باغیشلانماغی سِبَبی اُنونگ خالقینا نِجات تَعلیماتینی معلیم اِدِرسینگ.‏

آیانلیق 14:4

بولار عُمورلِرینده آیالا یاناشمان، اُز پَکلیگینی ساقلایاردی.‏ بولار قوزی نیرَه گیتسه، اُنونگ ایزینا دوشیَنلِردی.‏ بولار اینسانلارینگ آراسیندان ساتین آلینیپ و اَوَّلکی حاصیل حُکمونده خودایا و قوزا باغیش اِدیلِنلِردی.‏

اِفِسُسلار 1:6

عزیز اُغلونینگ اوستو بیلِن بیزه بُلدان-بُل اِلی آچیق بِییک مِرحِمِتی اوچین خودایا اُوگولِر بُلسون!‏

مَتّیٰ 6:12

بیزه یامانلیق اِدیَنلِری باغیشلایشیمیز یالی، سِن هِم بیزینگ اِدِن یامانلیقلاریمیزی باغیشلا.‏

رومیلار 3:25

خودای اُز عادالاتینی گُرکِزمِک اوچین عیسی مسیحی قربانی حُکمونده ایبِریپ، اُنونگ دُکولِن قانینینگ اوستو بیلِن ایمان گِتیریَنلِری اُزی بیلِن یاراشدیردی.‏ خودای اُزالقی زاماندا اِدیلِن گونَه‌لِردِن گِچدی.‏ ایندی بُلسا عیسی مسیحه ایمان گِتیریَن هِر کِسی آقلایار.‏ و شِیدیپ، اُل اُزونینگ عادالاتلیدیغینی تاصدیق اِدیَر.‏

اِفِسُسلار 1:8

شِیله هِم، بو مِرحِمِتینگ اوستو بیلِن اُل بیزی هِمّه حِکمِتی و دوشونجِسی بیلِن تُوِرِگیمیزی آلدی.‏

اِفِسُسلار 1:14

خودایا باغلی آداملار آزاد بُلیانچا، مُقادِّس روح بیزینگ میراثیمیزینگ ضامِنیدیر.‏ بولارینگ باری خودایا جِلال گِتیریَر.‏

اِفِسُسلار 1:18

خودایینگ اُز چاغیرانلارینا و بِرِن اومیدینا، خالقینا بِرِن بِییک میراثینینگ بایلیغینا و بیز ایمان گِتیرِنلِره گُرکِزِن دِنگسیز-تایسیز قودراتینا گُز یِتیرمِگینگیز اوچین، قُی، اُل یورِگینگیزینگ مِرتِبه‌سینی نورلاندیرسین دییّپ دُغا اِدیَرین.‏ بو قودرات خودایینگ مسیحی دیرِلدیپ، آسماندا اُز ساغیندا اُتوردان گویجونه مِنگزِشدیر.‏