اِفِسُسلار 1:13 - مُقادِّس کیتاب

¹³ ایندی سیز هِم حاقیقات سُزونی، یَعنی نِجات تاپماق باراداقی خوش خاباری اِشیدیپ، مسیحه ایمان گِتیردینگیز.‏ شُنگا گُرَه-ده خودایینگ واعدا بِرِن مُقادِّس روحی بیلِن مُهورلِندینگیز.‏

اِفِسُسلار 1:13 Referans Kwoze

۲ قُرِنتُس‌لار 1:22

مُهورلَپ، بولارینگ ضامِن حُکمونده یورِگیمیزه مُقادِّس روحونی بِردی.‏

اِفِسُسلار 4:30

خودایینگ مُقادِّس روحونی غامگین اِتمَنگ.‏ چونکی سیز آزاد بُلما گونی اوچین شُل مُقادِّس روح بیلِن مُهورلِنِنسینگیز.‏

۲ تیموتاوس 2:19

اِمّا هِر نَهیلی بُلسا-دا، خودایینگ توتان بُنیادی قاییم دوراندیر.‏ بو بُنیاد ‏«‏خودای اُزونینگکیلِری تانییاندیر»‏ و ‏«‏خودایینگ آدینی ایقرار اِدیَن هِر کِس یامانلیقدان اوزاق دورسون»‏ دییِن سُزلِر بیلِن مُهورلِنِندیر.‏

۱ تِسالونیکیلِر 2:13

سیز خودایینگ خوش خابارینی بیزدِن اِشیدیپ قابول اِدِنینگیزده، مونی اینسان سُزی حُکمونده دَل، شِیله بُلسا، حاقیقاتدان-دا، خودایینگقی دییّپ قابول اِتدینگیز.‏ سیز ایماندارلاردا ایشلِیَن سُزدیر.‏ شُنگا گُرَه-ده، بیز سیزینگ اوچین خودایا قاتی کَن شوکور اِدیَریس.‏

رومیلار 4:11

ابراهیم سونِّتلِنمَکَه ایمان گِتیردی، سونِّتی بُلسا ایمانینگ اوستو بیلِن آلان آقلانماسینینگ مُهوری حُکمونده قابول اِتدی.‏ شِیدیپ، ابراهیم سونِّتسیزلیکده ایمان گِتیریپ، تاقوالی حاساپلانان هِر بیر آدامینگ آتاسی بُلدی.‏

تیتوس 2:11

چونکی خودایینگ هِمّه‌لِری نِجات بِریَن مِرحِمِتی اَشکَر بُلدی.‏

غَلاطیه‌لِر 3:14

هاووا، عیسی مسیح اُزونینگ اوستو بیلِن بولارینگ بارینی ابراهیما بِرلِن بِرِکِتی یَهودی دَل‍لِره هِم یایراماغی اوچین، ایمانینگ اوستو بیلِن واعدا بِرلِن مُقادِّس روحی آلیپ بیلمِگیمیز اوچین اِتدی.‏

رومیلار 1:16

مِن خوش خاباردان اوتانمایارین، سِبَبی اُل خودایینگ گویجودیر.‏ خودای بو خوش خابارینگ اوستو بیلِن هِر بیر ایمان گِتیرِنی:‏ اَوَّل یَهودیلِری، سُنگرا یَهودی دَل‍لِری نِجات بِریَر.‏

رِسول‍لار 2:33

ایندی عیسی بِیگِلدیلدی و اُل خودایینگ ساغیندا اُتیر.‏ اُل واعدا اِدیلِن مُقادِّس روحی آتا خودایدان قابول اِدیپ، اُنی بیزینگ اوستومیزه یاغدیردی.‏ مونی سیزینگ اُزونگیز گُروپ و اِشیدیپ دورسونگیز.‏

یوحنا 14:26

آتانینگ مِنینگ آدیمدان ایبِرجِک حِمایاتچیسی، یَعنی مُقادِّس روح سیزه هِمّه زادی اُورِدِر.‏ مِنینگ سیزه آیدان هِمّه سُزلِریمی یادینگیزا سالار.‏

یوحنا 1:17

چونکی شِریغات موسانینگ اوستو بیلِن بِریلدی، اِمّا مِرحِمِت و حاقیقات بُلسا عیسی مسیحینگ اوستو بیلِن گُروندی.‏

لوقا 24:49

مِن هِم آتامینگ واعدا اِدِن مُقادِّس روحونی سیزه یُل‍لارین.‏ اِمّا سیز آسماندان اینجِک قودرات بیلِن دُلدوریلیانچانگیز، اورشلیمده قالینگ»‏ دییدی.‏

۱ پِطرُس 2:10

بیر واقتلار سیز خالق دَلدینگیز، اِمّا ایندی خودایینگ خالقیسینگیز.‏ اُوال سیز اُنونگ رِحمِتیندِن ماحرومدینگیز، اِمّا ایندی بُلسا رِحمِته قاوشانسینگیز.‏

رومیلار 6:17

هاووا، سیز گونَه‌نینگ قولودینگیز، یُنه خودایا شوکور، قابول اِدِن تَعلیماتینگیزا یورِکدِن موطیع بُلدونگیز،

رِسول‍لار 1:4

بیر گون عیسی اُلار بیلِن اُتیرقا، شِیله تابشیریق بِردی:‏ ‏«‏اورشلیمدِن گیتمَنگ، مِنینگ اُوال آیدیشیم یالی، آتامینگ واعدا بِرِن واعداسینا قاراشینگ.‏

یوحنا 15:26

‏«‏مِن سیزه آتامدان ایبِرجِک حِمایاتچیم، یَعنی آتامدان چیقان حاقیقات روحی گِلِنده، مِن حاقدا شاهاتلیق اِدِر.‏

رِسول‍لار 13:26

‏«‏اِی دُغانلار، ابراهیمینگ نِسیل‍لِری!‏ اِی خودایا عیبادات اِدیَن باشغا میلِّتلِر!‏ نِجات بِریَنیمیز باراداقی بو خابار بیزه بِریلدی.‏

یوحنا 6:27

ضایالانیان اییمیت اوچین دَل-ده، اِبِدی یاشاییش بِریَن اییمیت اوچین ایخلاص اِدینگ، اُنی سیزه اینسان اُغلی بِرِر.‏ چونکی آتامیز خودایینگ اُزی بو ایشی اُنگا تابشیراندیر»‏ دییّپ جُغاپ بِردی.‏

لوقا 11:13

شِیلِلیکده، سیز یامان بُلوپ-دا اُز فِرزِنتلِرینگیزه قاوی زادلار بِرمِگی بیلیَن بُلسانگیز، اُندا آسمانداقی آتانگیز اُزوندِن دیلِیَنلِره مُقادِّس روحی خاص-دا کَن بِرمِزمی؟»‏

آیانلیق 7:2

اُلارا یِره و دِریا زییان یِتیرمِکلیک ایختییاری بِرلیپدی.‏ سُنگرا گوندُغاردان یُقاری چیقیپ باریان پِریشدَه‌نی گُردوم و اُندا دیری خودایینگ مُهوری باردی.‏ اُل شُل دُرت پِریشدَه قاتی قیغیریپ، شِیله دییدی:‏

یعقوب 1:18

یارادانلارینینگ آراسیندا اُنونگ بیرینجی میوه‌سی بُلماغیمیز اوچین، خودای حاقیقات سُزونینگ اوستو بیلِن بیزه تَزه یاشاییش بِرمِگی قارار اِتدی.‏

عِبرانیلار 2:3

بیز شوندان سُنگ نِجات تاپماغینگ بو عجاییپ یُلونی اینکَر اِتسِک، جِزادان قاچیپ بیلِریسمی؟ نِجات تاپماغینگ بو یُلونی اُزال-باشدا تانگری عیسی اِعلان اِتدی و اُنونگ آغزیندان اِشیدِنلِر تاصدیقلادیلار.‏

۲ تیموتاوس 3:15

سِن مُقادِّس یازغیلاری هِم اُغلانلیقدان بَری بیلیَنسینگ.‏ بو یازغیلار عیسی مسیحه بُلان ایمانینگ اوستو بیلِن سانگا حِکمِت بِریپ، نِجات تاپماغینگ یُلونی گُرکِزِر.‏

۲ تیموتاوس 2:15

خودایینگ حوضوریندا اُز اِدیَنیندِن اوتانماجاق، حاقیقی تَعلیماتی دُغری اُورِدیَن ایشچی حُکمونده دوروپ بیلِرینگ یالی، جان-تِندِن ایخلاص اِت.‏

اِفِسُسلار 4:21

سیز عیسانینگ سُزلِرینی اِشیدِنسینگیز و اُنونگ حاقیقاتینا اِساسلانیپ، تَعلیم آلانسینگیز.‏

۲ قُرِنتُس‌لار 6:7

حاقیقات سُزی بیلِن و خودایینگ گویجینینگ اوستو بیلِن بِلّی اِدیَریس.‏ تاقوالیق یاراغیمیز بیلِن اُنی هِم ساغ، هِم-ده سُل اِلیمیزده گُتِریَریس.‏

یوحنا 3:33

اِمّا اُنونگ شاهاتلیغینی قابول اِدِن کیشی خودایینگ حاقدیغینی تاصدیقلایاندیر.‏

یعقوب 1:21

شُنونگ اوچین هِم تِلِکه‌لیگی و هِر هیلی یامانلیغی کَنِلتیَن زادی زینگیپ اُقلانگ-دا، خودایینگ قالبینگیزا اِکِن سُزونی فُروتَنلیک بیلِن قابول اِدینگ.‏ بو سُز جانینگیزی نِجات بِرمِگی باشاریاندیر.‏