کولُسیلِر 4:3 - مُقادِّس کیتاب

³ بیزینگ اوچین هِم دُغا اِدینگ:‏ خودایینگ سُزونی یایرادیپ، مسیحینگ سیرینی آیان اِدِر یالی، اُنونگ اُزی بیزه قاپی آچیپ بِرسین.‏ اینه، شُنونگ اوچین هِم مِن زینداندادیرین.‏

کولُسیلِر 4:3 Referans Kwoze

رِسول‍لار 14:27

انطاکیَه گِلِنلِریندِن سُنگ، رِسول‍لار ایماندارلاری بیر یِره چاغیریپ، اُلارا خودایینگ اُزلِرینینگ اوستو بیلِن هِمّه بیتیرِن ایشلِرینی و یَهودی دَل‍لِرینگ ایمان گِتیرمِگی اوچین، اُنونگ آچان قاپی بارادا گورّونگ بِردیلِر.‏

۲ قُرِنتُس‌لار 2:12

مِن مسیحینگ خوش خابارینی واغیظ اِتمَگه تروآس شَهرینه بارانیمدا، مانگا خودای طارافیندان بیر قاپی آچیلدی.‏

۲ تیموتاوس 2:9

مِن خوش خابارینگ اوغروندا زَحمِت بارینی گُروپ، جِنایاتچی کیمین دانگیلیپ قُییلدیم.‏ اِمّا خودایینگ سُزونی دانگیپ قُیوپ بُلیان دَلدیر!‏

فیلیپیلِر 1:7

مِن زینداندا بُلسام-دا، خوش خاباری قُریپ-ساقلاپ و اُنی تاصدیق اِتسِم-ده، سیزینگ هِمَّه‌نگیز خودایینگ مانگا بِرِن مِرحِمِتینده شِریکسینگیز.‏ شُنونگ اوچین-ده مِن سیز باباتدا شِیله فیکرلِنمَگَه حاقلیدیرین.‏ چونکی یورِگیمینگ دویبونده جایینگیز بار آخیرین!‏

اِفِسُسلار 4:1

عیسی مسیحینگ اوغروندا زینداندا بُلان مِن سیزدِن خودایدان آلان چاغیریلیشینگیزا میناسیپ یاشاماغینگیزی خاییش اِدیَرین.‏

۱ قُرِنتُس‌لار 16:9

سِبَبی بو یِرده اولی و نِتیجه‌لی ایشلِر اوچین اولی مومکینچیلیکلِر دُرِدی اُندان باشغا قارشی چیقیانلار هِم کَن.‏

۱ قُرِنتُس‌لار 4:1

آداملار بیزه، قُی، مسیحینگ خیدماتچیلاری و خودایینگ سیرلارینی آیان اِدیَن خیدماتچیلار حُکمونده گُرسینلِر.‏

۱ تِسالونیکیلِر 5:25

اِی عزیزلِر، بیزینگ اوچین دُغا اِدینگ.‏

مَتّیٰ 13:11

اُل شِیله جُغاپ بِردی:‏ ‏«‏آسمانینگ پادیشاهلیغینینگ سیرلارینا دوشونمِگه سیزه بِریلدی، جِماغاتا بِریلمِدی.‏

فیلیمون 1:22

یِنه بیر خاییشیم بار، مِنی میهمان آلار یالی بیر اُتاقی تاییارلاپ قُی، سِبَبی خودای دُغالارینگیزی اِشیدیپ، مِنی یِنه یانینگیزا قایتارار دییِن اومیدیم بار.‏

فیلیپیلِر 1:19

سِبَبی دُغالارینگیز و عیسی مسیحینگ روحونینگ کُمِگی بیلِن بو عاذاپلارینگ مانگا آزادلیق گِتیرجِکدیگینی بیلیَرین.‏

۲ تیموتاوس 1:16

قُی، خوداییمیز اُنیسیفوروسینگ اُی-ایچِرسینه رِحمِت بِرسین.‏ سِبَبی اُل اِنچِمه گِزِک مانگا گُوونلیک بِریپ، مِنینگ زیندانلیغیمدان اوتانمادی.‏

اِفِسُسلار 3:1

شو سِبَپلی مِن پولس سیز یَهودی دَل‍لِر اوچین عیسی مسیحینگ اوغروندا زینداندا بُلدوم.‏ مِن سیزینگ اوچین خودایا دُغا اِدیَرین.‏

رومیلار 16:25

مِنینگ واغیظ اِدیَن خوش خاباریما، یَعنی عیسی مسیح باراداقی تَعلیماتا اینانان سیزی ایماندا قاییملاماغی باشاریان خودایا بِییکلیک بُلسون!‏ بو خوش خابار اِنچِمه عاصیرلارینگ دُوامیندا گوزگین ساقلانیپ، ایندی آیان اِدیلِن بیر سیردیر.‏

اِفِسُسلار 3:3

سیزه اُوال قیسغاچا یازیشیم یالی، خودای مانگا اُز سیرینی آیانلیق بیلِن اَشکَر اِتدی.‏

اِفِسُسلار 3:4

نامه‌می اُقیانگیزدا، مسیحینگ بو سیرینا مِنینگ نَدِرِجِده دوشونیَندیگیمی بیلیَرسینگیز.‏

اِفِسُسلار 3:9

هِمّه زادی یارادان خودای قادیمدان بَری بو سیری اُز حوضوریندا ییغشیریپ ساقلادی، بو سیرینگ مَعنیسینینگ نَمِدیگینی ایندی هِر بیر اینسانا اَشکَر اِتمِکلیک مانگا بِریلدی.‏

کولُسیلِر 4:18

مِن پولس بو سالامی اُز اِلیم بیلِن یازیارین.‏ مِنینگ زینداندادیغیمی یاددان چیقارمانگ.‏ خودایینگ مِرحِمِتی سیزه یار بُلسون!‏

۲ تیموتاوس 4:2

فُرصَتینگ پِیدالی بُلوپ-بُلمازلیغینا باقما-دا، خوش خاباری بیرسیخلی واغیظ اِت.‏ و اُلاری کَن صابیرلیق بیلِن و قاوی تَعلیمات بیلِن یُلا گِتیر، کَیی و هِم گُوونلیک بِر.‏