کولُسیلِر 3:3 - مُقادِّس کیتاب

³ چونکی سیز اُلِنسینگیز، یاشاییشینگیز بُلسا مسیح بیلِن بیله خودایدا گوزگِنِندیر.‏

کولُسیلِر 3:3 Referans Kwoze

غَلاطیه‌لِر 2:20

مِن مسیح بیلِن صلیبه چویلِندیم، ایندی مِن دَل-ده، مِندَکی مسیح یاشایاندیر.‏ بِدِندَکی یاشایشیم بُلسا خودایینگ اُغلونا بُلان ایمانیمینگ اوستو بیلِندیر.‏ اُل مِنی سُیوپ، اُزونی مِنینگ اوچین قربانی اِتدی.‏

رومیلار 6:2

اِلبِتّه، یُق!‏ بیز گونَه باباتدا اُلدوک آخیرین.‏ اُنسُنگ نَهیلی گونَه ایچینده یاشاپ بیلِریس؟

کولُسیلِر 2:20

سیز مسیح بیلِن اُلوپ، بو فانی دونیَه‌نینگ قالان دِستورلاریندان آزاد بُلدونگیز.‏ اُندا نَمه اوچین هِنیزِم بو دونیَه باغلی یالی، ‏«‏مونی داتما»‏، ‏«‏مونی اییمه»‏، ‏«‏مونگا اِل دِگیرمه»‏ دییِن اینسان عاداتلارینینگ ایزینا دوشیَرسینگیز؟

یوحنا 5:24

‏«‏سیزه دُغروسینی آیدیارین، مِنینگ سُزلِریمی دینگلَپ، مِنی ایبِرِنه ایمان گِتیرِن آدام اِبِدی یاشایشا اِیه بُلیاندیر، اُل آصلا مَحکوم بُلماز.‏ اُل اُلومدِن یاشایشا گِچِندیر.‏

رومیلار 8:2

سِبَبی یاشاییش بِریَن روحونگ قانونی بیزی عیسی مسیحینگ اوستو بیلِن گونَه‌نینگ و اُلومینگ قانونیندان آزاد اِتدی.‏

رومیلار 5:10

چونکی دوشمانقاق اُغلونینگ اُلومینینگ اوستو بیلِن خودای بیلِن یاراشان بُلساق، ایندی یاراشانیمیزدان سُنگ اُنونگ یاشاییشینینگ اوستو بیلِن نِجات تاپیلجاغیمیز هِم گورّونگسیزدیر.‏

۲ قُرِنتُس‌لار 5:14

اِگِر بیر آدام هِمّه‌لِر اوچین اُلِن بُلسا، اُندا هِمَّه‌میز اُلِندیریس.‏ شِیله فیکره گِلِنیمیز بَری عیسی مسیحینگ سُیگوسی بیزی حِرِکِت اِتمَگه هُوِسلِندیریَر.‏

یوحنا 5:21

آتانینگ اُلولِری دیرِلدیشی یالی، اُغول-دا ایسلَن آدامی دیرِلدِر.‏

یوحنا 3:16

‏«‏خودای دونیَه‌دَکیلِری قاتی کَن سُیِندیگی اوچین اُزونینگ یِکِجه اُغلونی بِردی.‏ اُل مونی اُغلونا ایمان گِتیرِنلِرینگ هیچ بیری هِلَک بُلمان، اِبِدی یاشایشا قاووشماغی اوچین اِتدی.‏

یوحنا 14:19

آز سالیمدان سُنگ دونیَه مِنی گُرمِز، اِمّا سیز گُرِرسینگیز.‏ مِنینگ یاشایاندیغیم اوچین، سیز-ده یاشارسینگیز.‏

۱ پِطرُس 3:4

تِرسینه، یورِگینگیزدَکی آرام هِم میلاییم روح سیزینگ سُلمییان ایچکی آوادانلیغینگیز بُلسون.‏ بو خودایینگ ناظاریندا خاص قیماتلیدیر.‏

مَتّیٰ 11:25

شو واقت عیسی سُزونی دُوام اِدیپ، شِیله دییدی:‏ ‏«‏اِی آتام، یِرینگ و آسمانینگ حُکومداری!‏ بو زاتلاری عاقیلدارلاردان و دانالاردان گوزگَپ، چاغالارا آیان اِدِندیگینگ اوچین، سانگا شوکور اِدیَرین.‏

کولُسیلِر 3:4

مسیح سیزینگ یاشاییشینگیزدیر.‏ اُل آیان بُلاندا، سیز هِم اُنونگ بیلِن بیله بِییکلیکدَه آیان بُلارسینگیز.‏

عِبرانیلار 7:25

شِیلِلیکده، عیسی اُزونینگ اوستو بیلِن خودایا گِلیَنلِری اِبِدیلیک نِجات بِرمِگی باشاریاندیر.‏ چونکی اُلار اوچین هِمیشه خودایا تُوِلّا اِدیَر.‏

کولُسیلِر 2:3

چونکی حِکمِتینگ هِم عیلیمینگ هِمّه خازیناسی مسیحده گوزگِنِندیر.‏

یوحنا 5:40

اِمّا سیز یاشایشا اِیه بُلار یالی، مانگا گِلمِک ایسلِمِیَرسینگیز.‏

یوحنا 4:14

اِمّا مِنینگ بِرجِک سووومدان ایچِن آصلا سوساماز.‏ تِرسینه، مِنینگ بِرجِک سوووم اُنونگ ایچینده اِبِدیلیک یاشاییش بِریَن چِشمَه اُورولِر»‏ دییدی.‏

آیانلیق 2:17

‏«‏قولاغی بار آدام مُقادِّس روحونگ کِلیسالارا نَمه دییَّنینی اِشیتسین!‏ یِنگیپ چیقان آداما گوزگین ساقلانان مانّادان بِرِرین.‏ موندان باشغا-دا، اُنگا یوزونه تَزه آد یازیلان بیر آق داش بِرِرین.‏ بو آدی، داشی آلجاق آدامدان باشغا هیچ کیم بیلمِز.‏»‏

۱ یوحنا 3:2

عزیزلِریم، بیز ایندی خودایینگ فِرزِنتلِریدیریس.‏ بیزینگ نَهیلی اویتگِجِکدیگیمیز هِنیز بِلّی دَل، اِمّا مسیحینگ گِلیپ گُرِنجِک واقتیندا اُنگا مِنگزِجِکدیگیمیزی بیلیَریس، سِبَبی اُنی بُلشی یالی گُرِریس.‏

فیلیپیلِر 4:7

شُندا خودایینگ پاراحاتلیغی یورِکلِرینگیزی و فیکرلِرینگیزی عیسی مسیحینگ اوستو بیلِن قُرار.‏ بو پاراحاتلیق اینسان دوشونجِسیندِن خاص بِییکدیر.‏

۱ قُرِنتُس‌لار 15:45

چونکی مُقادِّس یازغیلاردا شِیله یازیلاندیر:‏ ‏«‏اَوَّلکی اینسان، یَعنی آدام، جانلی یاشایان بُلدی»‏.‏ آخیرقی آدام، یَعنی عیسی، یاشاییش بِریَن روح بُلدی.‏

۱ قُرِنتُس‌لار 2:14

مُقادِّس روحونگ ایزینا دوشمِیَن اینسان خودایینگ روحوندان بُلان زاتلارا دوشونمِیَر.‏ اُل بولاری آحماقلیق حاساپلایار.‏ چونکی مُقادِّس روحونگ فیکرلِرینه دینگه اُنونگ ایزینا دوشیَنلِر سایغاریاندیرلار.‏

رومیلار 5:21

اُزال گونَه حُکومرانلیق سوروپ، هِمّه‌لِری اُلوم طارافا اَکیتیَردی، ایندی بُلسا خودایینگ مِرحِمِتی حُکومرانلیق سوریَر.‏ شُنگا گُرَه-ده، بیز آقلانیپ، تانگریمیز عیسی مسیحینگ اوستو بیلِن اِبِدی یاشاییشا اِیه بُلدوق.‏

کولُسیلِر 1:5

بو ایمانینگیز و سُیگینگیز اومیدینگیزدان، هاووا، آسماندا سیزه قاراشیان زاتلارا باغلایان اومیدینگیزدان جُشوپ چیقیار.‏ سیز اُزونگیزه گِلیپ قاوشان حاقیقات سُزی بُلان خوش خاباردا بو اومید بارادا اُوال اِشیدِنسینگیز.‏

۲ قُرِنتُس‌لار 5:7

چونکی بیز گُریَن زاتلاریمیزا گُرَه دَل-ده، ایمانا گُرَه یاشایاریس.‏

رومیلار 6:11

شُنگا گُرَه-ده، سیز هِم اُزونگیزی گونَه گُرَه اُلی، اِمّا عیسی مسیح بیلِن بیرلِشِندیگینگیز سِبَپلی خودایا گُرَه دیری حاساپلانگ.‏

اِفِسُسلار 3:9

هِمّه زادی یارادان خودای قادیمدان بَری بو سیری اُز حوضوریندا ییغشیریپ ساقلادی، بو سیرینگ مَعنیسینینگ نَمِدیگینی ایندی هِر بیر اینسانا اَشکَر اِتمِکلیک مانگا بِریلدی.‏

۱ پِطرُس 4:2

ایندی بو بِدِندَکی قالان یاشاجاق عُمرونگیزده اینسانینگ هُوِسینه گُرَه دَل-ده، خودایینگ ایسلِگینه گُرَه یاشانگ.‏