کولُسیلِر 3:17 - مُقادِّس کیتاب

¹⁷ نَمه اِتسِنگیز هِم، آیتسانگیز هِم، هِمّه‌سینی تانگریمیز عیسانینگ آدی بیلِن یِرینه یِتیرینگ، اُنونگ اوستو بیلِن آتا خودایا شوکور اِدینگ.‏

کولُسیلِر 3:17 Referans Kwoze

۱ قُرِنتُس‌لار 10:31

شونلوقدا، اییسِنگیز-ده، ایچسِنگیز-ده، هِر نَمه اِتسِنگیز-ده – بولارینگ بارینی خودایینگ بِییکلیگی اوچین اِدینگ.‏

کولُسیلِر 3:23

نَمه اِتسِنگیز، اینسانلار اوچین دَل-ده، مسیح اوچین اِدیَن یالی، تویس یورِکدِن یِرینه یِتیرینگ.‏

اِفِسُسلار 5:20

هِمّه زات اوچین تانگریمیز عیسی مسیحینگ آدیندان آتا خودایا هِمیشه شوکور اِدینگ.‏

۱ پِطرُس 4:11

کیم کِپلِسه، خودایینگ سُزلِرینَه گُرَه کِپلِسین.‏ کیم خیدمات اِتسه، خودایینگ بِرِن گویچ-قوواتینا گُرَه خیدمات اِتسین.‏ عیسی مسیحینگ اوستو بیلِن خودای هِمّه زاتدا بِییکلِنسین!‏ بِییکلیک و قودرات اِبِدیلیک اُنونگقی بُلسون!‏ اَمین.‏

۱ تِسالونیکیلِر 5:18

هِر یاغدایا شوکور اِدینگ.‏ هاووا، عیسی مسیحه باغلی بُلان سیز باباتدا خودایینگ ایسلِگی شولاردیر.‏

۱ پِطرُس 2:5

شُنونگ اوچین سیز هِم دیری داشلار یالی روحانی بینا بُلوپ سالینیارسینگیز.‏ شُندا عیسی مسیحینگ اوستو بیلِن خودایینگ حالایان روحانی قربانلیقلارینی هُدورلِیَن مُقادِّس کاهینلار بُلارسینگیز.‏

عِبرانیلار 13:15

شُنونگ اوچین هِم عیسانینگ اوستو بیلِن خودایا قربانلیق حُکمونده هِمیشه اُوگی باغیش اِدیپ و اُنونگ آدینی شوکور اِدِیلینگ!‏

۱ یوحنا 3:18

عزیز بالالار، حاقیقی سُیگیمیزی یُنه بیر قوری کِپ بیلِن دَل-ده، دُغرولیق یوزونده و عِمِلده گُرکِزِیلینگ.‏

۱ پِطرُس 2:9

اِمّا سیز بِیله دَلسینگیز، چونکی سیز سایلانیپ-سِچیلِن خالقسینگیز.‏ سیز پادیشاهینگ کاهینلاری، مُقادِّس میلِّت و خودایا باغلی خالقسینگیز.‏ خودای سیزی قارانگقیلیقدان اُزونینگ عجاییپ نورینا چاغیردی.‏ سیز اُنونگ بِییکلیگینی اِعلان اِتمِک اوچین سایلانیپ-سِچیلِنسینگیز.‏

فیلیپیلِر 2:11

و آتا خودایینگ بِییکلیگی اوچین، هِر دیل عیسی مسیحینگ تانگریدیغینی ایقرار اِتسین.‏

رِسول‍لار 4:30

مُقادِّس بِنده‌نگ عیسانینگ آدی بیلِن مِریضلِری شِفا بِرمِک اوچین و مُعجِزه‌لِر و عالاماتلار گُرکِزمِک اوچین بیزه اِلینگی اوزات!‏»‏

فیلیپیلِر 1:11

قُی، یاشایشینگیز دینگه عیسی مسیحینگ اوستو بیلِن گِلیَن تاقوالیغینگ میوه‌لِریندِن دُلوپ-آقسین، خودایا بِییکلیک و اُوگی گِتیرسین.‏

رِسول‍لار 19:17

اِفِسُسدا یاشایان یَهودیلِرینگ و یونانیلارینگ هِمّه‌سی بو واقانی اِشیدیپ قُرقدولار و تانگریمیز عیسانینگ آدی بِیگِلدی.‏

کولُسیلِر 1:12

نورداقی اُز مُقادِّسلِرینگ میراثینا شِریک بُلماغا سیزی میناسیپ اِدِن آتا خودایا شاتلانیپ شوکور اِدینگ.‏

اِفِسُسلار 1:17

مِن خودایا، تانگریمیز عیسی مسیحینگ بِییک آتاسینا، سیزینگ اوچین دُغا اِدیَرین.‏ قُی، اُل سیزه اُنی خاص قاوی تانیپ بیلمِگینگیز اوچین، سیزه مُقادِّس روحونگ حِکمِتینی هِم آیانلیغینی بِرسین.‏

کولُسیلِر 2:7

شوکورلِر بیلِن دُلوپ-آقیپ، مسیحده کُک اورونگ و اُسونگ، اُزونگیزه اُورِدیلیشی یالی، ایماندا قاییم دورونگ.‏

مَتّیٰ 28:19

شُنونگ اوچین هِم گیدینگ-ده، هِمّه میلِّتلِری مِنینگ شَگیردیم اِدینگ، اُلاری آتا، اُغول و مُقادِّس روحونگ آدیندان تَعمید بِرینگ.‏

۱ یوحنا 2:23

اُغلی اینکَر اِدیَن آدامدا آتا هِم یُقدور.‏ اِمّا اُغلی ایقرار اِدیَن آدامدا آتا هِم باردیر.‏

رومیلار 1:8

اَوَّل، عیسی مسیحینگ اوستو بیلِن هِمَّه‌نگیز اوچین خوداییما شوکور اِدیَرین، سِبَبی ایمانینگیز باراداقی خابار تامام دونیَه یایرادی.‏

عِبرانیلار 1:5

اُندا خودای پِریشده‌لِرینگ هایسی بیرینه:‏ ‏«‏سِن مِنینگ اُغلومسینگ، بو گون مِن سانگا آتا بُلدوم»‏ یا-دا ‏«‏مِن اُنگا آتا، اُل بُلسا مانگا اُغول بُلار»‏ دییّپدیر؟

۱ تِسالونیکیلِر 1:1

آتامیز خودای و تانگریمیز عیسی مسیحینگ تِسالونیکیدَکی کِلیساسینا پولس، سیلاس و تیموتاوس‌دان دُغایی سالام!‏ قُی، مِرحِمِت بیلِن پاراحاتلیق سیزه بُلسون!‏

کولُسیلِر 3:15

قالبینگیزدا مسیحینگ پاراحاتلیغی حُکوم سورسون.‏ چونکی سیز بیر بِدِنینگ ‌اعضالاری بُلوپ، بو پاراحاتچیلیغا چاغیریلانسینگیز و شوکورلی بُلونگ.‏