کولُسیلِر 3:14 - مُقادِّس کیتاب

¹⁴ بولارینگ هِمّه‌سینینگ اوستونه-ده هِمّه زادی کَمیل بیرلیگی باغلانیشدیریان سُیگَه گِیینینگ.‏

کولُسیلِر 3:14 Referans Kwoze

۱ پِطرُس 4:8

هِمّه زاتدان مُهِم بیری-بیرینگیزی تویس یورِکدِن سُیونگ، سِبَبی سُیگی کَن گونَه‌لِرینگ اوستونی اُرتیَندیر.‏

اِفِسُسلار 5:2

مسیح یالی سُیوپ یاشانگ.‏ اُل بیزی سُیوپ، خودایا ایسلی عاطیر و هِم قربانلیق حُکمونده بیزینگ اوچین جانینی قربان اِتدی.‏

کولُسیلِر 2:2

مِن اُلارینگ قالبینینگ قوواتلانیپ، سُیگوده بیرلِشمِکلِرینی دیلِیَرین.‏ شِیدیپ، اُلار کَمیل ایناما هِم بایلیق دوشونجَه اِیه بُلوپ، خودایینگ سیرینی، یَعنی مسیحی تانیسینلار.‏

یوحنا 13:34

سیزه بیر تَزه حُکوم بِریَرین:‏ بیری-بیرینگیزی سُیونگ.‏ مِنینگ سیزی سُیشوم یالی، سیز-ده بیری-بیرینگیزی سُیونگ.‏

رومیلار 13:8

بیری-بیرینگیزه سُیگودِن باشغا بِرگینگیز بُلماسین، سِبَبی باشغا بیرینی سُییَن آدام شِریغاتی بِرجای اِدیَندیر.‏

اِفِسُسلار 4:3

اُزآرا پاراحاتلیقدا یاشاپ، مُقادِّس روحونگ بیرلیگینی قُریماغا تاقالّا اِدینگ.‏

۱ یوحنا 4:21

خودای بیزه:‏ ‏«‏خودایی سُییَن آدام حُکمَن اُز دُغانینی-دا سُیسون»‏ دییّپ حُکوم بِردی.‏

۲ پِطرُس 1:7

تاقوالیقدا مِهرِبانلیغی، مِهرِبانلیقدا خودایینگ سُیگوسینی آرتدیرماغا چالیشینگ.‏

۱ تیموتاوس 1:5

تابشیریغیمینگ اِساسی ماقصادی ایماندارلارا بیری-بیرینی پَک یورِکدِن، دُغری وِجداندان و حاقیقی ایماندان دُرِیَن سُیگی بیلِن سُیمِگینه یاردیم بِرمِکدیر.‏

۱ تِسالونیکیلِر 4:9

اُز آرا سُیگی بارادا یازیپ-دا اُتورجاق دَل، سِبَبی بیری-بیرینگیزی سُیمِگی سیزه خودایینگ اُزی اُورِتدی آخیرین.‏

یوحنا 17:23

مِن اُلاردادیرین، سِن بُلسا مِندِسینگ.‏ مِنی سِنینگ ایبِرِندیگینگی، مِنی سُیشونگ کیمین اُلاری-دا سُییَندیگینگی دونیَه بیلِر یالی، اُلار کَمیل بیرلیکده بُلسونلار.‏

یوحنا 15:12

‏«‏مِنینگ حُکومیم شودور:‏ مِن سیزی نَهیلی سُیِن بُلسام، سیز هِم بیری-بیرینگیزی شُنونگ یالی سُیونگ.‏

۱ یوحنا 3:23

بو خودایینگ حُکومیدیر:‏ بیز اُنونگ اُغلی عیسی مسیحینگ آدینا ایمان گِتیرمِلیدیریس و عیسانینگ دِستور بِرشی یالی بیری-بیریمیزی سُیمِلیدیریس.‏

عِبرانیلار 6:1

شُنونگ اوچین، گِلینگ، عیسی مسیح باراداقی باشلانان تَعلیمدا قالمان اُوه حِرِکِت اِدیپ، ایماندا گویچلِنِیلینگ و ایزا قایتمایلینگ.‏ اُلومه اِلتیَن ایشلِره توبا اِتمِک، خودایا ایمان گِتیرمِک،

اِفِسُسلار 1:4

اُز حوضوریندا مُقادِّس و عایپسیز بُلماغیمیز اوچین، خودای بیزی دونیَه یارادیلمازدان اُزال سایلاپ-سِچدی، و سُیگیده عیسی مسیحینگ اوستو بیلِن بیزی اُغولّیغا آلماق بارادا اُوالدان قارارا گِلیپدی.‏ بو اُنونگ گُونوندِن توروپ، اِراداسی بیلِن بُلدی.‏

۱ یوحنا 3:10

کیمینگ خودایینگ فِرزِندیدیگی، کیمینگ بُلسا شِیطانینقیدیغی شوندان بِلّی:‏ دُغری ایش اِتمِیَن و دُغانینی سُیمِیَن آدام خودایدان دَلدیر.‏