کولُسیلِر 1:29 - مُقادِّس کیتاب

²⁹ شو ماقصات بیلِن جانیمی قایغیرمان زَحمِت چِکیَرین، مسیحینگ اُزومده ایشلِیَن قودراتلی گویجونه دایانیارین.‏

کولُسیلِر 1:29 Referans Kwoze

۱ قُرِنتُس‌لار 15:10

اِمّا مِن نَهیلی بُلسام-دا، دینگه خودایینگ مِرحِمِتینینگ اوستو بیلِن شِیله بُلدوم.‏ اُنونگ مانگا اِدِن مِرحِمِتی نِتیجه‌سیز بُلمادی.‏ مِن هِمّه‌لِردِن-ده کَن زَحمِت چِکدیم، آصلیندا مونی مِن دَل-ده، مانگا یار بُلان خودایینگ مِرحِمِتی اِتدی.‏

اِفِسُسلار 3:7

مِن خودایینگ بِییک قودراتی و هُدورلَن مِرحِمِتینگ اوستو بیلِن خوش خابارینگ خیدماتچیسی بُلدوم.‏

فیلیپیلِر 2:13

چونکی خودای اُز ایسلِگینه گُرَه ایشلِری اِتمِک اوچین سیزه قووات بِریپ، سیزدَکی ایشینی عِمِل اِدیَر.‏

کولُسیلِر 2:1

مِن سیزینگ اوچین و لائودیکیه‌دَکی ایماندارلارینگ، شِیله-ده مِنی اُوال آصلا گُرمِدیکلِرینگ هِمّه‌سی اوچین نَهیلی قایراتلی زَحمِت چِکیَندیگیمی بیلمِگینگیزی ایسلِیَرین.‏

۲ تِسالونیکیلِر 3:8

هیچ کیمینگ چُرِگینی مُفت اییمِدیک.‏ قایتام، سیزینگ هیچ بیرینگیزه آغرام سالماجاق بُلوپ، گیجه-گوندیز ایشلَپ، زَحمِت چِکدیک.‏

۱ تِسالونیکیلِر 2:9

اِی عزیزلِریم، بیزینگ چِکِن آغیر زَحمِتیمیز، گُرِن جِفالاریمیز یادینگیزدادیر.‏ خوش خاباری سیزه واغیظ اِدِن زامانیمیزدا هیچ کیمه آغرام سالماجاق بُلوپ، گیجه-گوندیز ایشلِدیک.‏

کولُسیلِر 4:12

اُز شَهرینگیزدِن بُلان، عیسی مسیحینگ خیدماتچیسی، اِپافراس هِم سیزه سالام یُلّایار.‏ خودایینگ هِر بیر ایسلِگینی دُلی بیلمِگینگیز و ایماندا قاییم دوروپ، کَمیل بُلماغینگیز اوچین، اِپافراس ایخلاص بیلِن هِمیشه دُغا اِدیَر.‏

فیلیپیلِر 2:16

یاشاییش بِریَن سُزی قاییم توتونگ.‏ شُندا مِن بیدِرِک یِره زَحمِت چِکمَندیگیم، عاذابیمینگ پوچا چیقماندیغی باباتدا مسیحینگ گِلجِک گونونده قابارلانیپ بیلِرین.‏

۱ قُرِنتُس‌لار 12:11

بولارینگ بارینی یِکه بیر مُقادِّس روح اِدیَندیر.‏ اُل هِر کیمه اُز ایسلِیشینه گُرَه بِریَندیر.‏

رومیلار 15:20

مِنینگ گُوون آرزویم باشغا بیرینینگ قوران بُنیادینینگ اوستونده سالمان، مسیحینگ آدی هِنیز اِشیدیلمِدیک یِرلِرده خوش خاباری واغیظ اِتمِکدیر.‏

آیانلیق 2:3

سِن قایراتلیسینگ، مِنینگ اوغرومدا کَن قینچیلیقلارا جیدادینگ و یادامادینگ.‏

۲ تیموتاوس 2:10

اینه، اِدیل شو سِبَپدِن، سایلانانلار هِم باقی بِییکلیک بیلِن بیرلیکده عیسی مسیحینگ اوستو بیلِن نِجات تاپار یالی، اُلارینگ خاطیراسینا هِمّه زادا جیدایارین.‏

فیلیپیلِر 1:30

سیز مِنینگ چالیشیانیمی اُزونگیز گُردونگیز، اُل بارادا حَضیر هِم اِشیدیَنسینگیز و بو چالیشیانیما سیز هِم شِریکسینگیز.‏

فیلیپیلِر 1:27

اِی عزیزلِر، یاشاییش و گِزیشینگیز مسیحینگ خوش خابارینا لاییق بُلسون.‏ شُندا یانینگیزا باریپ سیزی گُرسِم-ده، یانینگیزدا بُلمان، سیز بارادا اِشیتسِم-ده، خوش خابارا دایانیان ایمان اوغروندا بیر بِدِن یالی گُرِشیپ، یِکه بیر روحدا قاییم دوراندیغینگیزی بیلِرین.‏

اِفِسُسلار 3:20

بیزده ایشلِیَن قودراتینا گُرَه، خودای هِر بیر خاییشیمیزدان، فیکریمیزدِن هِم خاص یُقاری زاتلاری اِتمِگی باشاریاندیر.‏

۲ قُرِنتُس‌لار 13:3

سِبَبی سیز مسیحینگ مِنینگ اوستوم بیلِن گورلِیَندیگینی بِلّی اِدیَن دِلیل‍لِری طالاب اِدیَرسینگیز آخیرین.‏ مسیح سیز بیلِن آراقاتناشیغیندا اِجیز دَل-ده، اُل سیزینگ آرانگیزدا گویچلیدیر.‏

۲ قُرِنتُس‌لار 11:23

مسیحینگ خیدماتکَرلِریمی؟ دیوانالار یالی شونی دییَّرین:‏ مِن اُلاردان-دا کَنرَکدیرین!‏ مِن اُلاردان خاص کَن زَحمِت چِکدیم، زیندانلارا-دا اُلاردان نَچه گِزِک-ده کَن دوشدوم.‏ یِنجیلمِکده-ده اُلاردان کَن اورلوپ-یِنجیلدیم.‏ اُلار بیلِن دِنگِشدیریلِنده اُلوم خاطاری بیلِن نَچه گِزِک یوزبه-یوز بُلدوم.‏

۲ قُرِنتُس‌لار 6:5

اورلوپ-یِنجیلمِلِرده، زیندان اِدیلمِلِرده، فیتنه‌لِرده، آغیر ایشلِرده، اوقوسیز گیجه‌لِرده و آچلیغدا صابیر-طاقاتلیق بیلِن جیدایاریس.‏

۲ قُرِنتُس‌لار 5:9

اِمّا فانی بِدِنده یاشاساق-دا، اِبِدی مِسکِنه گِیینسِک-ده، مسیحی خُشنود اِتمِگی ماقصات اِدینیَریس.‏

۱ قُرِنتُس‌لار 12:6

عِمِل‍لِر هِم هِر هیلیدیر، اِمّا هِر کیمده هِمّه زادی اِدیَن شُل بیر خودایدیر.‏

رومیلار 15:30

اِی عزیزلِر، تانگریمیز عیسی مسیحینگ و مُقادِّس روحونگ سُیگوسینینگ خاطیراسینا یالباریارین:‏ مِنینگ اوچین دُغا اِتمِک بیلِن، مِنینگ گُرِشیمه قُشولینگ.‏

لوقا 13:24

‏«‏مِن سیزه دییَّرین:‏ دار قاپیدان گیرمَگه چالیشینگ، سِبَبی کَن آداملار بو قاپیدان گیرمَگه قاتی چالیشارلار، اِمّا باشارمازلار.‏

عِبرانیلار 12:4

گونَهَه قارشی اوروشینگیزدا، سیز هِنیز قانینگیز دُکولیَنچَه جیداملیق گُرکِزمِدینگیز.‏

کولُسیلِر 2:12

سیز تَعمیدده مسیح بیلِن بیله گُمیلدینگیز و اُنی اُلومدِن دیرِلدِن خودایینگ قودراتینا ایمان گِتیریپ، مسیح بیلِن بیرلیکده دیرِلدینگیز.‏