رِسول‍لار 7:2 - مُقادِّس کیتاب

² اِستیفان شِیله جُغاپ بِردی:‏ ‏«‏اِی دُغانلار و آتالار!‏ مِنینگ سُزلِریمه قولاق آسینگ.‏ آتامیز ابراهیم حاراندا مِسکِن توتمانقا، هِنیز بِین‌اُلنهریندِکه اُنگا بِییک خودای گُروندی.‏

رِسول‍لار 7:2 Referans Kwoze

رِسول‍لار 22:1

‏«‏اِی دُغانلار و آتالار!‏ ایندی مِنینگ اُزوم حاقلی دیگِم اوچین و آیتجاق سُزومه قولاق آسینگ.‏»‏

عِبرانیلار 1:3

اُغول خودایینگ بِییکلیگینینگ یالقیمیدیر، اُنونگ کَمیل‌لیگینینگ صوراتیدیر.‏ اُل هِمّه عالِم-جاهانی قودراتلی سُزی بیلِن ساقلاپ، بیزی گونَه‌لِردِن پَکلَندِن سُنگ، عارشدا بِییک خودایینگ ساغیندا اُتوردی.‏

یوحنا 1:14

سُز اینسان بُلوپ، آرامیزدا گِلیپ یاشادی.‏ اُل مِرحِمِتدِن و حاقیقاتدان دُلودی.‏ بیز اُنونگ بِییکلیگینی، یَعنی آتادان گِلِن یِکِجه اُغلونینگ بِییکلیگینی گُردوک.‏

آیانلیق 4:11

‏«‏یا تانگری خوداییمیز!‏ سِن بِییکلیگَه، حُرماتا و قودراتا میناسیپسینگ.‏ هِمّه زادی سِن یارادانسینگ.‏ هِمّه‌سی اِرادانگا گُرَه دُرِدیلدی و یارادیلدی»‏ دییَّرلِر.‏

تیتوس 2:13

بیز بو یُلونگ ایزینا دوشوپ، موبارِک اومیدیمیز بُلان بِییک خوداییمیز و نِجات بِریَنچیمیز عیسی مسیحینگ بِییکلیک ایچینده آسمانلاردان اینمِگینه قاراشیاریس.‏

۱ قُرِنتُس‌لار 2:8

بو حِکمِته دونیَه حاکیملِرینینگ هیچ بیری دوشونمِدی.‏ چونکی دوشونِن بُلسادیلار، بِییک تانگری عیسی مسیحی صلیبه چویلِمِزدیلِر.‏

رِسول‍لار 23:7

پولسینگ بو سُزوندِن سُنگرا فَریسی‌لِر بیلِن صادّوقی‌لارینگ آراسینا بُلونچیلیک دوشوپ، ییغنانان جِماغات ایکَه بُلوندی.‏

یوحنا 12:41

اِشعیا عیسانینگ بِییکلیگینی گُروپ، بو سُزلِری اُل حاقدا آیدیپدیر.‏

لوقا 2:14

‏«‏آسمانلار آسمانیندا خودایا حُرمات بُلسون!‏ خودایدان مِرحِمِت تاپان یِردَکی اینسانلارا پاراحاتلیق بُلسون!‏»‏ دییَّردیلِر.‏

مَتّیٰ 6:13

بیزی وِسوِسه‌لِردِن داش ساقلا و بیزی شِیطاندان آزاد اِت.‏ ‏[‏پادیشاهلیق، قودرات و بِییکلیک اِبِدی سِنینگکیدیر.‏ اَمین.‏]‏

رِسول‍لار 7:1

اُنسُنگ باش کاهین اِستیفاندان:‏ ‏«‏بو عاییپلامالار دُغرومی؟»‏ دییّپ سُرادی.‏

اِفِسُسلار 1:17

مِن خودایا، تانگریمیز عیسی مسیحینگ بِییک آتاسینا، سیزینگ اوچین دُغا اِدیَرین.‏ قُی، اُل سیزه اُنی خاص قاوی تانیپ بیلمِگینگیز اوچین، سیزه مُقادِّس روحونگ حِکمِتینی هِم آیانلیغینی بِرسین.‏

عِبرانیلار 11:8

میراث اِدیپ بِرِن یوردونا ایبِرمِک اوچین خودای ابراهیمی چاغیراندا، اُل ایمانینگ اوستو بیلِن اُنگا موطیع بُلدی، نیرَه باریاندیغینی بیلمِزدِن یُلا دوشدی.‏

یعقوب 2:1

اِی عزیزلِر، بِییک تانگریمیز عیسی مسیحه بُلان ایمانینگیزی طارافدارلیق اِتمِکدِن ساقلانینگ.‏