رِسول‍لار 26:18 - مُقادِّس کیتاب

¹⁸ شُندا اُلار قارانگقیلیقدان نورا، شِیطانینگ حُکومدارلیغیندان خودایا طاراف اُورولِرلِر.‏ مانگا ایمان گِتیرمِگینگ اوستو بیلِن اُلارینگ گونَه‌لِری باغیشلانیپ، اُلار خودایینگ مُقادِّس خالقی بیلِن بیله میراث آلارلار“‏ دییدی.‏

رِسول‍لار 26:18 Referans Kwoze

۱ پِطرُس 2:9

اِمّا سیز بِیله دَلسینگیز، چونکی سیز سایلانیپ-سِچیلِن خالقسینگیز.‏ سیز پادیشاهینگ کاهینلاری، مُقادِّس میلِّت و خودایا باغلی خالقسینگیز.‏ خودای سیزی قارانگقیلیقدان اُزونینگ عجاییپ نورینا چاغیردی.‏ سیز اُنونگ بِییکلیگینی اِعلان اِتمِک اوچین سایلانیپ-سِچیلِنسینگیز.‏

اِفِسُسلار 1:18

خودایینگ اُز چاغیرانلارینا و بِرِن اومیدینا، خالقینا بِرِن بِییک میراثینینگ بایلیغینا و بیز ایمان گِتیرِنلِره گُرکِزِن دِنگسیز-تایسیز قودراتینا گُز یِتیرمِگینگیز اوچین، قُی، اُل یورِگینگیزینگ مِرتِبه‌سینی نورلاندیرسین دییّپ دُغا اِدیَرین.‏ بو قودرات خودایینگ مسیحی دیرِلدیپ، آسماندا اُز ساغیندا اُتوردان گویجونه مِنگزِشدیر.‏

اِفِسُسلار 5:8

یادینگیزدامی، بیر واقتلار سیز قارانگقیدینگیز، یُنه ایندی مسیحینگ اوستو بیلِن نورسینگیز.‏ شُنونگ اوچین نورینگ فِرزِنتلِری یالی بُلوپ یاشانگ.‏

رِسول‍لار 20:32

‏«‏ایندی بُلسا مِن سیزی خودایا و اُنونگ مِرحِمِتلی سُزونَه تابشیریارین.‏ بو سُز سیزه گویچ-قودرات بِرِر و مُقادِّس بُلانلارینگ آراسیندا میراث بِرِر.‏

۲ قُرِنتُس‌لار 4:6

چونکی ‏«‏قارانگقیلیقدا نور پارلاسین»‏ دییِن خودای بیزینگ-ده یورِکلِریمیزی یاغتیلاندیریپ، عیسی مسیحینگ یوزونده پارلایان اُز بِییکلیگینی بیزه تانیتدی.‏

یوحنا 8:12

عیسی یِنه-ده خالقا یوزلِنیپ:‏ ‏«‏دونیَه‌نینگ نوری مِندیرین.‏ مِنینگ ایزیما دوشِن قارانگقیلیقدا گِزمِز، اُندا یاشاییش نوری بُلار»‏ دییدی.‏

لوقا 1:79

قارانگقیلیقدا و اُلوم کُلِگه‌سینده اُتورانلارا نور سِچیلِر، آیاقلاریمیز پاراحاتلیق یُلونا اوغراتدیریلار.‏»‏

اِفِسُسلار 4:18

اُلارینگ آنگ-دوشونجِسینی قارانگقیلیق قاپلادی.‏ نادان و قاتییورِک بُلاندیقلاری اوچین، اُلار خودایینگ بِرِن یاشاییشیندان داش بُلدولار.‏

۲ قُرِنتُس‌لار 6:14

ایمان گِتیرمِدیکلِر بیلِن بیر یوغینگ آشاغینا گیرمَنگ!‏ چونکی تاقوالیغینگ تِلِکه‌لیک بیلِن نَمه شِریکلیگی بار؟ یا-دا نور بیلِن قارانگقیلیغینگ نَمه یُلداشلیغی بار؟

۲ قُرِنتُس‌لار 4:4

بو دونیَه‌نینگ حُکومداری شِیطان ایمان گِتیرمِدیکلِرینگ دوشومینی باغلادی.‏ شُنونگ اوچین-ده اُلار خودایینگ صوراتی بُلان عیسی مسیحینگ بِییکلیگینینگ خوش خابارینینگ نورینی گُروپ بیلمِیَرلِر.‏

۱ یوحنا 3:8

گونَه اِدیَن آدام شِیطانا دِگیشلیدیر، سِبَبی شِیطان باشلانان زاماندان بَری گونَه اِدیپ گِلیَندیر.‏ اِمّا خودایینگ اُغلی شِیطانینگ ایشلِرینی باطیل اِتمِک اوچین گِلدی.‏

رِسول‍لار 2:38

پِطرُس اُلارا شِیله دییدی:‏ ‏«‏توبا اِدینگ، هِر بیرینگیز عیسی مسیحینگ آدی بیلِن تَعمید آلینگ.‏ شُندا سیزینگ گونَه‌لِرینگیز باغیشلانار و مُقادِّس روحونگ واعداسینی آلارسینگیز.‏

۱ یوحنا 5:19

بیز اُزومیزینگ خودایداندیغیمیزی، هِمّه دونیَه‌نینگ بُلسا شِیطانینگ اِلینینگ آشاغیندادیغینی بیلیَریس.‏

۱ یوحنا 1:9

اِمّا گونَه‌لِریمیزی بُیون آلساق، اِمین هِم عادالاتلی خودای گونَه‌لِریمیزی باغیشلار و بیزی هِر هیلی یامانلیقدان پَک اِدِر.‏

رِسول‍لار 20:21

مِن یَهودیلِری-ده، یونانیلاری-دا توبا اِدیپ، خودایا دُلانماغا و تانگریمیز عیسی مسیحه ایمان گِتیرمَگه چاغیردیم.‏

لوقا 24:47

شِیله هِم توبا اِدیپ، گونَه‌لِرینینگ باغیشلانماغی باراداقی خوش خاباری اورشلیمدِن باشلاپ، هِمّه میلِّتلِره اُنونگ آدیندان واغیظ اِدیلمِلیدیر.‏

آیانلیق 21:27

بو شَهرَه هیچ بیر نِجیس زات و تِلِکه ایش اِدیَنلِرینگ و آلدایانلارینگ هیچ بیری گیرمِز.‏ اُنگا دینگه قوزینینگ یاشاییش دِفتِرینده آدلاری یازیلانلار گیرِرلِر.‏

۱ پِطرُس 2:25

سیز قُیونلار یالی آزاشیپدینگیز، اِمّا ایندی جانینگیزینگ چُپانینا هِم قاراوولچیسینا دُلانیپ گِلدینگیز.‏

عِبرانیلار 11:6

ایمان گِتیرمِیَن آدام هیچ واقت خودایی خُشنود اِدیپ بیلمِز، چونکی خودایا یاقینلاشان آدام اُنونگ بارلیغینا و اُزونی آغتاریانلاری بایراق بِرجِکدیگینه حُکمَن ایمانی بُلمالیدیر.‏

رِسول‍لار 13:47

چونکی خودای بیزه شِیله تابشیریق بِردی:‏ یِرینگ آنگری طارافینا چِنلی نِجات بِرمِک اوچین، سِنی میلِّتلِره نور اِتدیم.‏»‏

رِسول‍لار 15:9

خودای اُلارینگ ایمانینینگ اوستو بیلِن یورِکلِرینی پَکلِدی.‏ شِیدیپ، خودای بیزینگ بیلِن باشغا میلِّتلِرینگ آراسینداقی فارقی یُق اِتدی.‏

رِسول‍لار 5:31

خودای اسرائیل خالقینا توبا اِتدیریپ، گونَه‌لِرینی باغیشلاماق اوچین، بو آدامی باشلیق هِم نِجات بِریَنچی اِدیپ، اُنی بِیگِلتدی و اُز ساغیندا اُتورتدی.‏

یوحنا 9:5

مِن دونیَه‌دِکَم، دونیَه‌نینگ نوری مِندیرین»‏ دییّپ جُغاپ بِردی.‏

یوحنا 3:19

مَحکوملیک، اینه، بودیر:‏ دونیَه نور گِلدی، اِمّا آداملار قارانگقیلیغی نوردان خاص قاوی گُردولِر، سِبَبی اُلارینگ ایشلِری یامانلیقدی.‏

۱ یوحنا 2:12

اِی بالالار، سیزه یازیارین، چونکی عیسی مسیحینگ آدینا گونَه‌لِرینگیز باغیشلاندی.‏

۱ پِطرُس 1:4

شِیله هِم سیزه آسماندا ساقلانیان چویریمِز، کیرسیز و سُلماز میراث بِردی.‏

یوحنا 17:17

سِنینگ سُزونگ حاقیقاتدیر.‏ حاقیقاتینگ اوستو بیلِن اُلاری اُزونگه مُقادِّس اِت.‏

لوقا 1:77

گونَه‌لِرینینگ باغیشلانماغی سِبَبی اُنونگ خالقینا نِجات تَعلیماتینی معلیم اِدِرسینگ.‏

یهودا 1:1

عیسی مسیحینگ خیدماتکَری و یعقوبینگ دُغانی بُلان مِن یهودادان خودایینگ خالقی بُلماغا چاغیریلانلارا دُغایی سالام!‏ بو نامه‌نی آتامیز خودای طارافیندان سُیلوپ، عیسی مسیحینگ اوستو بیلِن قُریلیان سیزه یازیپ یُلّایارین.‏

یعقوب 2:5

قولاق آسینگ، اِی عزیزلِریم!‏ خودای بو دونیَه‌ده قاریپلاری ایماندا بای بُلماقلاری اوچین سایلامادیمی؟ خودای اُزونی سُییَنلِره واعدا بِرشی یالی، قاریپلاری پادیشاهلیغینی میراث آلماقلاری اوچین سایلامادیمی نَمه؟

عِبرانیلار 10:14

سِبَبی اُل مُقادِّس اِدیَنلِرینی یِکِجه قربانلیق بیلِن هِمیشه‌لیک کَمیل اِتدی.‏

غَلاطیه‌لِر 3:14

هاووا، عیسی مسیح اُزونینگ اوستو بیلِن بولارینگ بارینی ابراهیما بِرلِن بِرِکِتی یَهودی دَل‍لِره هِم یایراماغی اوچین، ایمانینگ اوستو بیلِن واعدا بِرلِن مُقادِّس روحی آلیپ بیلمِگیمیز اوچین اِتدی.‏

لوقا 24:45

سُنگرا مُقادِّس یازغیلارا دوشونمِکلِری اوچین، اُلارینگ فیکرلِرینی آچدی.‏

۲ تیموتاوس 2:26

و اُزلِرینه گِلیپ، شِیطانینگ دوزاغیندان خالاص بُلارلار.‏ سِبَبی شِیطان اُلاری اِسیرلیگه آلیپ، اُز نییِتینی یِرینه یِتیرمَگَه مِجبور اِدیَندیر.‏

اِفِسُسلار 2:8

چونکی سیز ایمانینگ اوستو بیلِن و خودایینگ مِرحِمِتی بیلِن نِجات تاپیلدینگیز.‏ بو سیزینگ اُز تاقالّانگیز بیلِن بُلمادی، دینگه خودایینگ ناغماتیدیر.‏

اِفِسُسلار 1:11

هِمّه زادی اُز ایسلِگینه لاییقلیقدا یِرینه یِتیریَن خودای اُز نییِتینه گُرَه بیزی اُودِن بِلَّپ، مسیحینگ اوستو بیلِن سایلاپ-سِچدی.‏ اُل مونی بیزینگ، یَعنی عیسی مسیحه اَوَّلکی بُلوپ ایمان گِتیرِنلِرینگ خودایینگ جِلالینی عارشا گُتِرمِگیمیز اوچین عِمِل اِتدی.‏

۱ قُرِنتُس‌لار 1:30

چونکی سیز عیسی مسیح بیلِن دینگه خودایینگ اوستو بیلِن بیرلِشِنسینگیز.‏ عیسی مسیح بیزینگ اوچین خودایینگ حِکمِتینی، یَعنی تاقوالیغیمیز، مُقادِّسلیگیمیز و آزادلیغیمیز بُلدی.‏

لوقا 4:18

‏«‏خودایینگ روحی اوستومدِدیر.‏ قاریپلارا خوش خاباری بیلدیرمِگیم اوچین، اُل مِنی سِچیپ سایلادی؛ زیندانیلارا آزادلیغی، کُرلِره گُزونینگ آچیلجاقدیغینی خابار بِرمَگه اُل مِنی ایبِردی.‏ ظولوم آشاغیندَکیلِری آزادلیغا چیقارماغا،

لوقا 2:32

بیگانه میلِّتلِره آیانلیق بِرجِک، خالقینگ اسرائیلی بِییکلِندیرجِک نوری گُردوم.‏»‏

مَتّیٰ 4:16

قارانگقیلیقدا باریان خالق اولاقان نور گُردی، اُلوم کُلِگه‌ده یاشایانلارینگ اوستونه نور سِچیلدی.‏»‏

عِبرانیلار 10:10

بیز بو ایسلِگَه گُرَه، عیسی مسیحینگ بِدِنینینگ هِمّه زات اوچین بیر گِزِک و هِمیشه‌لیک قربانی اِدیلمِگینینگ اوستو بیلِن مُقادِّس اِدیلدیک.‏

عِبرانیلار 9:15

شو سِبَپلی هِم چاغیریلانلاری خودایینگ واعدا اِدِن اِبِدی میراثینا قاوشورماق اوچین، عیسی مسیح تَزه عَهدینگ بُنیادچیسی بُلدی.‏ اُلاری اَوَّلکی عَهد زاماندا اِدِن گونَه‌لِرینینگ جِزاسیندان آزاد اِتمِک اوچین اُل قربانی بُلدی.‏

اِفِسُسلار 5:14

چونکی نور هِمّه زادی اَشکَر اِدیَندیر.‏ شُنونگ اوچین شِیله دییّلیَر:‏ ‏«‏اُیان، اِی اوقا گیدِن!‏ اُلومدِن آیاغا قال!‏ مسیح سانگا نور سِچِر.‏»‏

اِفِسُسلار 1:14

خودایا باغلی آداملار آزاد بُلیانچا، مُقادِّس روح بیزینگ میراثیمیزینگ ضامِنیدیر.‏ بولارینگ باری خودایا جِلال گِتیریَر.‏

اِفِسُسلار 1:7

خودای قاتی بای مِرحِمِتی بیلِن اُغلونینگ دُکِن قانینینگ اوستو بیلِن گونَه‌لِریمیزی باغیشلاپ، بیزی آزاد اِتدی.‏

غَلاطیه‌لِر 3:2

مِن سیزدِن یِکه بیر زادی سُراماقچی:‏ سیز مُقادِّس روحی شِریغاتی بِرجای اِدیپ آلدینگیزمی، یا-دا سیز مُقادِّس روحی اِشیدِن خوش خابارینگیزا ایمان گِتیرِنینگیز اوچین آلدینگیزمی؟

غَلاطیه‌لِر 2:20

مِن مسیح بیلِن صلیبه چویلِندیم، ایندی مِن دَل-ده، مِندَکی مسیح یاشایاندیر.‏ بِدِندَکی یاشایشیم بُلسا خودایینگ اُغلونا بُلان ایمانیمینگ اوستو بیلِندیر.‏ اُل مِنی سُیوپ، اُزونی مِنینگ اوچین قربانی اِتدی.‏

۱ قُرِنتُس‌لار 1:2

خودایینگ مُقادِّسلیگینه چاغیرلیپ و عیسی مسیحده مُقادِّس خالقی اِدیلِن قُرِنتُس‌داقی کِلیساسینا دُغایی سالام.‏ شِیله-ده هِر یِرده هِم اُلارینگ هِم-ده بیزینگ تانگریمیز عیسی مسیحینگ آدینی توتیانلارینگ هِمّه‌سینه دُغایی سالام.‏

رومیلار 8:17

شِیلِلیکده، اِگِر فِرزِنتلِری بُلان بُلساق، اُندا میراثداری هِم بُلیاندیریس.‏ خودایینگ میراثدارلاری بُلیان بُلساق، اُندا عیسی مسیح بیلِن هِم میراثدار بُلیاندیریس.‏ بیز عیسی مسیحینگ گُرِن عاذاپلارینا شِریک بُلیان بُلساق، اُندا اُنونگ بِییکلیگینَه هِم شِریک بُلاریس.‏

رِسول‍لار 26:23

اُلار هِم مسیحینگ قینچیلیق گُرمِلیدیگینی، اَوَّلکی بُلوپ اُلومدِن دیرِلیپ، اُز خالقینا و باشغا میلِّتلِره خودایینگ نورینی اِعلان اِتمِلیدیگینی آیان اِدیپدیلِر.‏»‏

رِسول‍لار 10:43

هِمّه پیغامبارلار هِم عیسی حاقدا شاهاتلیق اِتدیلِر.‏ عیسی ایمان گِتیرِن هِر بیر آدامینگ گونَه‌لِرینینگ اُنونگ آدینینگ خاطیراسینا باغیشلانجاقدیغینی آیتدیلار.‏»‏

رِسول‍لار 3:19

ایندی گونَه‌لِرینگیزینگ باغیشلانماغی اوچین توبا اِدینگ و خودایا طاراف اُورولینگ.‏ شُندا خودای سیزه راحاتلیق واقتینی حوضوریندا بِرِر.‏

یوحنا 9:39

عیسی اُنگا:‏ ‏«‏مِن بو دونیَه گُرمِیَنلِر گُرسون، گُریَنلِر کُر بُلسون دییّپ، حُکوم چیقارماغا گِلدیم»‏ دییدی.‏

یوحنا 4:14

اِمّا مِنینگ بِرجِک سووومدان ایچِن آصلا سوساماز.‏ تِرسینه، مِنینگ بِرجِک سوووم اُنونگ ایچینده اِبِدیلیک یاشاییش بِریَن چِشمَه اُورولِر»‏ دییدی.‏

یوحنا 4:10

عیسی اُنگا:‏ ‏«‏سِن خودایینگ ناغماتینی و اُزونگدِن سو دیلَنینگ کیمدیگینی بیلسِدینگ، اُزونگ اُندان سو دیلَردینگ، اُل-دا سانگا یاشاییش سووونی بِرِردی»‏ دییدی.‏

مَتّیٰ 4:10

عیسی اُنگا:‏ ‏«‏یُق بُل، شِیطان!‏ ‏”‏تانگری خودایینگیزا سِجده اِدینگ، یِکه اُنگا خیدمات اِدینگ“‏ دییّپ یازیلاندیر»‏ دییدی.‏

رِسول‍لار 26:19

‏«‏شُنونگ اوچین هِم، اِی آغریپاس پادیشاه، مِن آسماندان گِلِن رویایا قولاق آسمازلیق اِتمِدیم.‏

اِفِسُسلار 5:11

قارانگقیلیغینگ پِیداسیز ایشلِرینه شِریک بُلمانگ، تِرسینه، اُلاری فاش اِدینگ.‏

اِفِسُسلار 6:12

سِبَبی بیزینگ اوروشیمیز اینسانلارا قارشی دَل-ده، قایتام حُکومدارلارا قارشی، ایختییارلیلارا قارشی، بو قارانگقی دونیَه‌نینگ گویچلیلِرینه قارشی و آسمانداقی یامانلیق روحیلارینگ قودراتلارینا قارشی اوروشیاریس.‏