رِسول‍لار 20:32 - مُقادِّس کیتاب

³² ‏«‏ایندی بُلسا مِن سیزی خودایا و اُنونگ مِرحِمِتلی سُزونَه تابشیریارین.‏ بو سُز سیزه گویچ-قودرات بِرِر و مُقادِّس بُلانلارینگ آراسیندا میراث بِرِر.‏

رِسول‍لار 20:32 Referans Kwoze

کولُسیلِر 1:12

نورداقی اُز مُقادِّسلِرینگ میراثینا شِریک بُلماغا سیزی میناسیپ اِدِن آتا خودایا شاتلانیپ شوکور اِدینگ.‏

کولُسیلِر 3:24

مونونگ اوچین مسیحدِن میراث بایراغینی آلجاغینگیزی بیلیَنسینگیز.‏ سیز تانگری مسیحه خیدمات اِدیَنسینگیز.‏

اِفِسُسلار 1:14

خودایا باغلی آداملار آزاد بُلیانچا، مُقادِّس روح بیزینگ میراثیمیزینگ ضامِنیدیر.‏ بولارینگ باری خودایا جِلال گِتیریَر.‏

رِسول‍لار 26:18

شُندا اُلار قارانگقیلیقدان نورا، شِیطانینگ حُکومدارلیغیندان خودایا طاراف اُورولِرلِر.‏ مانگا ایمان گِتیرمِگینگ اوستو بیلِن اُلارینگ گونَه‌لِری باغیشلانیپ، اُلار خودایینگ مُقادِّس خالقی بیلِن بیله میراث آلارلار“‏ دییدی.‏

عِبرانیلار 9:15

شو سِبَپلی هِم چاغیریلانلاری خودایینگ واعدا اِدِن اِبِدی میراثینا قاوشورماق اوچین، عیسی مسیح تَزه عَهدینگ بُنیادچیسی بُلدی.‏ اُلاری اَوَّلکی عَهد زاماندا اِدِن گونَه‌لِرینینگ جِزاسیندان آزاد اِتمِک اوچین اُل قربانی بُلدی.‏

اِفِسُسلار 1:18

خودایینگ اُز چاغیرانلارینا و بِرِن اومیدینا، خالقینا بِرِن بِییک میراثینینگ بایلیغینا و بیز ایمان گِتیرِنلِره گُرکِزِن دِنگسیز-تایسیز قودراتینا گُز یِتیرمِگینگیز اوچین، قُی، اُل یورِگینگیزینگ مِرتِبه‌سینی نورلاندیرسین دییّپ دُغا اِدیَرین.‏ بو قودرات خودایینگ مسیحی دیرِلدیپ، آسماندا اُز ساغیندا اُتوردان گویجونه مِنگزِشدیر.‏

کولُسیلِر 2:7

شوکورلِر بیلِن دُلوپ-آقیپ، مسیحده کُک اورونگ و اُسونگ، اُزونگیزه اُورِدیلیشی یالی، ایماندا قاییم دورونگ.‏

عِبرانیلار 13:9

هِر هیلی بیگانه تَعلیماتلارا گُوون بِریپ، گِلِن-گِچِنی آلمانگ.‏ قالبینگیزینگ اییّپ-ایچمِک عاداتلاریندان دَل-ده، خودایینگ مِرحِمِتیندِن قاییملاماغی قاویدیر.‏ سِبَبی اییّپ-ایچمِک عاداتلارینگ ایزینا دوشیَنلِر موندان هیچ هیلی خاییر گُرِن دَلدیر.‏

اِفِسُسلار 5:5

شونی بیلیپ قُیونگ:‏ هیچ بیر زیناکَرینگ، آخلاقسیزینگ یا-دا حِریصچینینگ مسیحینگ و خودایینگ پادیشاهلیغیندا میراثی یُقدور.‏ چونکی شِیله آداملار بُت‌پَرَستلِر بیلِن دِس-دِنگدیر

رِسول‍لار 20:24

اِمّا جانیمی اُزوم اوچین باهالی حاساپلامایارین.‏ مِن دینگه یاریشینگ سُنگونا یِتمِک و تانگریمیز عیسانینگ تابشیران ایشینی کِمالا یِرینه یِتیرمِک ایسلِیَرین.‏ بو ایش خودایینگ مِرحِمِتی باراداقی خوش خابارا شاهاتلیق اِتمِکدیر.‏

یهودا 1:20

اِمّا، اِی عزیزلِر، سیز اُزونگیزی اولی مُقادِّس ایمانینگیزینگ اوستونه قُروپ و مُقادِّس روحدان دُغا اِدینگ.‏

۱ قُرِنتُس‌لار 6:11

سیزینگ-ده کَبیرلِرینگیز اُزال شُلار یالیدینگیز.‏ یُنه سیز تانگریمیز عیسی مسیحینگ آدی بیلِن و خوداییمیزینگ روحونینگ اوستو بیلِن یووولدینگیز و خودایینگ تاقوالی خالقی بُلوپ، پَکلِندینگیز.‏

رِسول‍لار 14:23

پولس بیلِن بارنابا هِر بیر کِلیسا اوچین یاشولیلار بِلِّدیلِر.‏ سُنگرا دُغا اِدیپ، آرازا توتوپ بو یاشولیلاری اُزلِرینینگ ایمان گِتیرِن خودایینا تابشیردیلار.‏

عِبرانیلار 10:14

سِبَبی اُل مُقادِّس اِدیَنلِرینی یِکِجه قربانلیق بیلِن هِمیشه‌لیک کَمیل اِتدی.‏

عِبرانیلار 2:11

اینسانلاری مُقادِّس اِدیَن عیسی و اُنونگ اوستو بیلِن مُقادِّس اِدیلِنلِر ایندی بیر ماشغالا باغلیدیر.‏ شُنونگ اوچین هِم عیسی اُلارا دُغان و آیال دُغان دییمِکدِن اوتانمایار.‏

رِسول‍لار 14:26

اُل یِردِن هِم اُلار کِشتیلی انطاکیَه دُلانیپ گِلدیلِر.‏ پولس بیلِن بارنابا بو شَهرده اُزلِرینی خودایینگ مِرحِمِتینه تابشیریپ، اِدیل شو یِردِن ایندی تاماملان ایشلِرینی یِرینه یِتیرمَگَه اوغراپدیلار.‏

یوحنا 17:17

سِنینگ سُزونگ حاقیقاتدیر.‏ حاقیقاتینگ اوستو بیلِن اُلاری اُزونگه مُقادِّس اِت.‏

اِفِسُسلار 4:16

اُنونگ یُلباشچیلیغی آشاغیندا هِمّه بِدِن هِر بُغونونگ کُمِگی بیلِن باغلانیپ، اُنگا بیریکدیریلیَر.‏ هِر بُلومینگ تِرتیبلی ایشلِمِگی نِتیجه‌سینده بِدِن اُسیپ، سُیگی بیلِن قُشولیپ حِرِکِت اِدیَر.‏

اِفِسُسلار 4:12

اُلارینگ وِظیفه‌سی خودایینگ خالقینی اُنگا خیدمات اِتمَگه تاییارلاماقدان و مسیحینگ بِدِنی بُلان کِلیسانی گویچلی اِتمِکدِن عیباراتدیر.‏

رِسول‍لار 14:3

پولس بیلِن بارنابا بو یِرده اوزاق واقت قالیپ، تانگری عیسی حاقدا باتیرلیق بیلِن واغیظ اِتدیلِر.‏ تانگری عیسی هِم اُلارا مُعجِزه‌لِر و عالاماتلار گُرکِزمِک باشارجاغینی بِریپ، اُز مِرحِمِتی باراداقی خاباری اُلارینگ اوستو بیلِن تاصدیقلادی.‏

یوحنا 15:3

مِنینگ سیزه آیدان سُزوم اوستو بیلِن سیز ایندی پَکسینگیز.‏

یهودا 1:1

عیسی مسیحینگ خیدماتکَری و یعقوبینگ دُغانی بُلان مِن یهودادان خودایینگ خالقی بُلماغا چاغیریلانلارا دُغایی سالام!‏ بو نامه‌نی آتامیز خودای طارافیندان سُیلوپ، عیسی مسیحینگ اوستو بیلِن قُریلیان سیزه یازیپ یُلّایارین.‏

۱ قُرِنتُس‌لار 1:2

خودایینگ مُقادِّسلیگینه چاغیرلیپ و عیسی مسیحده مُقادِّس خالقی اِدیلِن قُرِنتُس‌داقی کِلیساسینا دُغایی سالام.‏ شِیله-ده هِر یِرده هِم اُلارینگ هِم-ده بیزینگ تانگریمیز عیسی مسیحینگ آدینی توتیانلارینگ هِمّه‌سینه دُغایی سالام.‏

رِسول‍لار 15:40

پولس بُلسا سیلاسی سایلادی، ایماندارلار اُلاری خودایینگ مِرحِمِتینه تابشیرانلاریندان سُنگرا، اُلار یُلا دوشدولِر.‏

رِسول‍لار 9:31

هِمّه یهودیه‌دَکی، جلیل‌دَکی و سامِره‌دَکی کِلیسالاردا پاراحاتلیق تاپیپ، ایماندارلار باردیقچا گویچلِنیَردی.‏ اُلار خودایدان قُرقوپ، مُقادِّس روحونگ گُوونلیگی بیلِن هِر گون کَنِلیَردی.‏

مَرقُس 10:17

عیسی یانگی یُلا دوشِن ماحالی بیر آدام یُرتوپ گِلدی-ده، اُوونده دیزا چُکوپ، اُندان:‏ ‏«‏اِی یاخشی اُستاد!‏ مِن اِبِدی یاشایشی میراث آلماق اوچین نَمه اِتمِلی؟»‏ دییّپ سُرادی.‏

رِسول‍لار 11:23

بارنابا گِلِنده، خودایینگ مِرحِمِتینینگ دِلیلینی گُروپ شاد بُلدی.‏ اُل خودایا تویس یورِکدِن وِفادار بُلماغی هِمّه‌لِره ناصیحات اِتدی.‏

رومیلار 8:17

شِیلِلیکده، اِگِر فِرزِنتلِری بُلان بُلساق، اُندا میراثداری هِم بُلیاندیریس.‏ خودایینگ میراثدارلاری بُلیان بُلساق، اُندا عیسی مسیح بیلِن هِم میراثدار بُلیاندیریس.‏ بیز عیسی مسیحینگ گُرِن عاذاپلارینا شِریک بُلیان بُلساق، اُندا اُنونگ بِییکلیگینَه هِم شِریک بُلاریس.‏

۱ قُرِنتُس‌لار 6:9

اُندا سیز، ظالیم آداملار خودایینگ پادیشاهلیغینی میراث آلماجاقدیغینی بیلمِیَرسینگیزمی نَمه؟ اُز-اُزونگیزی آلدامانگ!‏ نه آخلاقسیزلار، نه-ده بُت‌پَرَستلِر، نه زیناکَرلِر، نه-ده بیری-بیری بیلِن تِلِکه ایش اِدیَن اِرکِکلِر،

۱ قُرِنتُس‌لار 6:10

نه-ده اُغریلار، نه آچگُزلِر، نه-ده عاراقخُرلار، نه سِویَنلِر، نه-ده یالانچیلار شولارینگ بیری-ده خودایینگ پادیشاهلیغینی میراث آلماز.‏