رِسول‍لار 20:21 - مُقادِّس کیتاب

²¹ مِن یَهودیلِری-ده، یونانیلاری-دا توبا اِدیپ، خودایا دُلانماغا و تانگریمیز عیسی مسیحه ایمان گِتیرمَگه چاغیردیم.‏

رِسول‍لار 20:21 Referans Kwoze

رِسول‍لار 2:38

پِطرُس اُلارا شِیله دییدی:‏ ‏«‏توبا اِدینگ، هِر بیرینگیز عیسی مسیحینگ آدی بیلِن تَعمید آلینگ.‏ شُندا سیزینگ گونَه‌لِرینگیز باغیشلانار و مُقادِّس روحونگ واعداسینی آلارسینگیز.‏

رِسول‍لار 11:18

دُغانلار بو سُزلِری اِشیدِنلِریندِن سُنگرا کُشیشدیلِر.‏ خودایی بِییکلِندیریپ:‏ ‏«‏دُغریدان-دا خودای حتّیٰ باشغا میلِّتلِره-ده توبا اِدیپ، باقی یاشایشا قاووشماقلیغی بِریپدیر»‏ دییّشدیلِر.‏

رِسول‍لار 20:24

اِمّا جانیمی اُزوم اوچین باهالی حاساپلامایارین.‏ مِن دینگه یاریشینگ سُنگونا یِتمِک و تانگریمیز عیسانینگ تابشیران ایشینی کِمالا یِرینه یِتیرمِک ایسلِیَرین.‏ بو ایش خودایینگ مِرحِمِتی باراداقی خوش خابارا شاهاتلیق اِتمِکدیر.‏

لوقا 13:3

اِلبِتّه، یُق!‏ اِمّا توبا اِتمِسِنگیز، سیزینگ هِمَّه‌نگیز شُلار یالی هِلَک بُلارسینگیز.‏

۲ قُرِنتُس‌لار 7:10

چونکی خودایدان بُلان قینانچ آدامی توبا گِتیریپ، اُنونگ نِجات تاپماغینا سِبَپ بُلیار.‏ بو توبا اُکوندیریَن دَلدیر.‏ اِمّا دونیَه‌دِن بُلان قینانچ اُلومه اِلتیَندیر.‏

رومیلار 10:9

شُنگا گُرَه-ده، اِگِر سِن آغزینگ بیلِن عیسی مسیحینگ تانگریدیغینی ایقرار اِتسِنگ و خودای اُنی اُلومدِن دیرِلدِنینه یورِکدِن ایمان گِتیرسِنگ، نِجات تاپارسینگ.‏

رِسول‍لار 26:18

شُندا اُلار قارانگقیلیقدان نورا، شِیطانینگ حُکومدارلیغیندان خودایا طاراف اُورولِرلِر.‏ مانگا ایمان گِتیرمِگینگ اوستو بیلِن اُلارینگ گونَه‌لِری باغیشلانیپ، اُلار خودایینگ مُقادِّس خالقی بیلِن بیله میراث آلارلار“‏ دییدی.‏

لوقا 24:47

شِیله هِم توبا اِدیپ، گونَه‌لِرینینگ باغیشلانماغی باراداقی خوش خاباری اورشلیمدِن باشلاپ، هِمّه میلِّتلِره اُنونگ آدیندان واغیظ اِدیلمِلیدیر.‏

۱ یوحنا 5:5

اُندا دونیَه‌نی کیم یِنگیپ بیلِر؟ اِلبِتّه، عیسی خودایینگ اُغلودیغینا ایمان گِتیریَن آدام یِنگیپ بیلِر!‏

رِسول‍لار 26:20

دِسلاپ دمشق‌ده، اورشلیمده، سُنگرا تامام یهودیه‌ده، شِیله هِم، باشغا میلِّتلِرینگ آراسیندا:‏ ‏”‏گونَه‌لِرینگیز اوچین توبا اِدینگ، خودایا دُلانینگ، توبا اِدِندیگینگیزی قاوی ایشلِرینگیز بیلِن تاصدیق اِدینگ“‏ دییّپ واغیظ اِتدیم.‏

۱ یوحنا 5:1

عیسانینگ مسیحدیگینه اینانیان هِر بیر آدام خودایینگ فِرزِندیدیر.‏ آتانی سُییَن آدام اُنونگ فِرزِندینی-ده سُییَندیر.‏

اِفِسُسلار 1:15

شُنگا گُرَه تانگریمیز عیسی بُلان ایمانینگیزی و خودایینگ هِمّه خالقینا بُلان سُیگینگیزی اِشیدِنیم بَری، سیزینگ اوچین خودایا بیرسیخلی شوکور اِدیپ، دُغالاریمدا سیزی دیلیمدِن دوشورِمُق.‏

غَلاطیه‌لِر 2:20

مِن مسیح بیلِن صلیبه چویلِندیم، ایندی مِن دَل-ده، مِندَکی مسیح یاشایاندیر.‏ بِدِندَکی یاشایشیم بُلسا خودایینگ اُغلونا بُلان ایمانیمینگ اوستو بیلِندیر.‏ اُل مِنی سُیوپ، اُزونی مِنینگ اوچین قربانی اِتدی.‏

رومیلار 5:1

شِیلِلیکده، بیز ایمانیمیز بیلِن آقلانیپ، تانگریمیز عیسی مسیحینگ اوستو بیلِن خودای بیلِن یاراشدیق.‏

رومیلار 4:24

بو بیزه، یَعنی تانگریمیز عیسی مسیحی اُلومدِن دیرِلدِن خودایا ایمان گِتیریپ، تاقوالی حاساپلانیانلارا هِم دِگیشلیدیر.‏

رومیلار 1:16

مِن خوش خاباردان اوتانمایارین، سِبَبی اُل خودایینگ گویجودیر.‏ خودای بو خوش خابارینگ اوستو بیلِن هِر بیر ایمان گِتیرِنی:‏ اَوَّل یَهودیلِری، سُنگرا یَهودی دَل‍لِری نِجات بِریَر.‏

رِسول‍لار 17:30

خودای گِچمیشده اینسانلارینگ بو دوشونمِزلیکلِرینی اینکَر اِتمِسینه گُز یومدی.‏ ایندی بُلسا اُل هِمّه یِرده تامام آداملارینگ توبا اِتمِگینی اِمر اِدیَر.‏

مَرقُس 6:12

شونلوق بیلِن، اُلار یُلا دوشدولِر و هِمّه آداملاری توبا چاغیریپ، واغیظ اِتمَگه باشلادیلار.‏

مَرقُس 1:15

اُل:‏ ‏«‏واقت دُلدی، خودایینگ پادیشاهلیغی قُلایلادی.‏ توبا اِدینگ، خوش خابارا اینانینگ!‏»‏ دییَّردی.‏

مَتّیٰ 4:17

شُل واقتدان باشلاپ، عیسی:‏ ‏«‏توبا اِدینگ!‏ آسمانینگ پادیشاهلیغی قُلایلادی»‏ دییّپ، واغیظ اِتمَگه باشلادی.‏

غَلاطیه‌لِر 3:22

اِمّا مُقادِّس یازغیلارینگ اِعلان اِتمِگینه گُرَه، بیزینگ هِمَّه‌میز گونَه دانگیلاندیریس.‏ خودای بُلسا بیزه واعدا بِرِنینی عیسی مسیحه ایمان گِتیریَنیمیز اوچین هُدورلِیَر.‏

غَلاطیه‌لِر 2:16

آدام شِریغاتی بِرجای اِتمِگینگ اوستو بیلِن دَل-ده، دینگه عیسی مسیحه بُلان ایمانینینگ اوستو بیلِن آقلانیاندیر.‏ مونی حتّیٰ بیز هِم بیلیَریس.‏ شُنگا گُرَه-ده، بیز شِریغاتی بِرجای اِتمِگینگ اوستو بیلِن دَل-ده، عیسی مسیحه بُلان ایمانیمیزینگ اوستو بیلِن آقلانماق اوچین، اُنگا ایمان گِتیردیک.‏ چونکی شِریغاتی بِرجای اِتمِگینگ اوستو بیلِن هیچ کیم آقلانیان دَلدیر.‏

۱ قُرِنتُس‌لار 1:22

یَهودیلِر قودراتلی عالاماتلاری طالاب اِدیَرلِر.‏ یونانیلار حِکمِتی آغتاریارلار.‏

رومیلار 2:4

یا-دا سِن خودایینگ اولی رِحم-شِپاقاتینا، یاخشیلیغینا، صابیر-طاقادینا اَهمییِتسیز حاساپلایارسینگمی؟ اُنونگ رِحمینینگ سِنی توبا طارافا اِلتیَندیگینه دوشونمِیَرسینگمی نَمه؟

رومیلار 1:14

مِن مِدِنییِتلی یا-دا مِدِنییِتسیز، سُوادلی یا-دا سُوادسیز آداملارا قاراز، هِمّه‌لِره خوش خاباری واغیظ اِتمَگه بِرگیلیدیرین.‏

رِسول‍لار 28:23

شِیلِلیکده، اُلار پولس بیلِن ساتاشماقلیق گونونی بِلِّدیلِر.‏ شُل گون اُنونگ بُلیان یِرینه خاص کَن آدام گِلدی.‏ پولس اِرتیردِن آغشاما چِنلی اُلارا خودایینگ پادیشاهلیغینی دوشوندیریپ، واغیظ اِتدی.‏ موندان باشغا-دا اُلاری ایناندیریپ، موسانینگ تُوراتی بیلِن پیغامبارلار یازغیلاریندان عیسی باراسیندا ایناندیریجی دِلیل‍لِر گِتیردی.‏

رِسول‍لار 16:31

اُلار هِم:‏ ‏«‏تانگریمیز عیسی ایمان گِتیر، اُزونگ-ده، هِمّه اُی-ایچِرینگ-ده نِجات تاپارلار»‏ دییدیلِر.‏

رِسول‍لار 10:43

هِمّه پیغامبارلار هِم عیسی حاقدا شاهاتلیق اِتدیلِر.‏ عیسی ایمان گِتیرِن هِر بیر آدامینگ گونَه‌لِرینینگ اُنونگ آدینینگ خاطیراسینا باغیشلانجاقدیغینی آیتدیلار.‏»‏

رِسول‍لار 8:25

پِطرُس بیلِن یوحنا شاهاتلیق اِدیپ، خوش خاباری اِعلان اِتدیلِر.‏ سُنگرا اُلار سامِره‌نینگ کَن اُباسیندا خوش خاباری اِعلان اِدیپ، اورشلیمه دُلانیپ گِلدیلِر.‏

رِسول‍لار 3:19

ایندی گونَه‌لِرینگیزینگ باغیشلانماغی اوچین توبا اِدینگ و خودایا طاراف اُورولینگ.‏ شُندا خودای سیزه راحاتلیق واقتینی حوضوریندا بِرِر.‏

رِسول‍لار 2:40

پِطرُس باشغا-دا کَن دِلیل‍لِر بیلِن اُلارا شاهاتلیق اِدیپ:‏ ‏«‏اُزونگیزی بو یُلدان چیقان نِسلدِن آزاد اِدینگ!‏»‏ دییّپ یالباردی.‏

یوحنا 20:31

یُنه بولار سیزینگ عیسانینگ خودایینگ اُغلی مسیحدیگینه ایمان گِتیرمِگینگیز اوچین و ایمان گِتیریپ، اُنونگ آدی بیلِن یاشایشا قاووشماغینگیز اوچین یازیلدی.‏

یوحنا 3:36

اُغلا ایمان گِتیرِن آدام اِبِدی یاشایشا اِیه بُلیار، اِمّا ایمان گِتیرمِیَن اِبِدی یاشایشا قاووشماز، اُندان باشغا اُل خودایینگ غاضابینا دوچار بُلیار.‏»‏

لوقا 15:10

مِن سیزه شونی آیدیارین:‏ توبا اِدِن یِکِجه گونَه‌لی اوچین، خودایینگ پِریشده‌لِرینینگ آراسیندا اِدیل شونونگ یالی اولی شاتلیق بُلار.‏»‏

لوقا 15:7

سیزه شونی آیدیارین:‏ شونونگ یالی توبا اِدِن یِکه گونَه‌لی اوچین آسماندا بُلجاق شاتلیق توبا مَحتَج دَل تُغسان دُقوز دُغری آدام اوچین بُلجاق شاتلیقدان خاص اولی بُلار.‏»‏

لوقا 13:5

اِلبِتّه، یُق!‏ اِمّا توبا اِتمِسِنگیز، سیزینگ هِمَّه‌نگیز شُلار یالی هِلَک بُلارسینگیز.‏»‏

مَتّیٰ 3:2

اُل:‏ ‏«‏توبا اِدینگ، سِبَبی آسمانینگ پادیشاهلیغی قُلایلادی»‏ دییَّردی.‏

کولُسیلِر 2:5

سِبَبی مِن آرانگیزدا بُلماسام-دا، یورِگیم سیزینگ بیلِندیرین.‏ سیزینگ تِرتیب-دوزگونلیدیگینگیزی و مسیحه بُلان قاییم ایمانینگیزی گُروپ شاتلانیارین.‏

رِسول‍لار 24:24

بیرنَچه گوندِن سُنگ بُلسا، فِلیکس اُز یَهودی آیالی دروسیلا بیلِن گِلدی-ده، پولسی چاغیرتدی و عیسی مسیحه گِتیرِن ایمان حاقدَکی اُنونگ گورّونگلِرینی دینگلِدی.‏

رِسول‍لار 19:17

اِفِسُسدا یاشایان یَهودیلِرینگ و یونانیلارینگ هِمّه‌سی بو واقانی اِشیدیپ قُرقدولار و تانگریمیز عیسانینگ آدی بِیگِلدی.‏

لوقا 16:28

سِبَبی مِنینگ بَش دُغانیم بار.‏ بو عاذاپلی یِره دوشمِزلِری یالی، ایلعازار باریپ اُلاری خاباردار اِتسین“‏ دییَّر.‏

رِسول‍لار 20:23

اِمّا مُقادِّس روح مانگا هِر شَهرده زیندانا و قینچیلیقلارا دوچار بُلجاقدیغیمی بیلدیریَر.‏