۲ تیموتاوس 2:14 - مُقادِّس کیتاب

¹⁴ بو زاتلاری هِمّه‌لِره یادلادیپ دور.‏ سُزلِرینگ مَعنیسی بارادا داعوالاشمازلیغی اُلارا خودایینگ حوضوریندا قاتی تابشیر.‏ سِبَبی شِیله داعوالار پِیدا گِتیرمَن، دینگلِیَنلِری هِلَکچیلیگه دوشیریاندیر.‏

۲ تیموتاوس 2:14 Referans Kwoze

۲ تیموتاوس 2:23

بُش و دوشومسیز جِدِل‍لِردِن داش دور.‏ سِبَبی داعوالارینگ شُلاردان دُرِیَندیگینی اُزونگ بیلیَنسینگ.‏

۲ تیموتاوس 4:1

خودایینگ حوضوریندا، شِیله هِم دیریلِره و اُلولِره قاضیلیق اِتجِک عیسی مسیحینگ حوضوریندا، اُنونگ گِلمِگینینگ و پادیشاهلیق اِتمِگینینگ خاطیرینا سانگا شولاری قاتی تابشیریارین:‏

رومیلار 14:1

ایماندا قاوشاق بُلان آدامی قابول اِدینگ.‏ یُنه فیکرلِری حاقدا اُنونگ بیلِن جِدِلِّشمَنگ.‏

عِبرانیلار 13:9

هِر هیلی بیگانه تَعلیماتلارا گُوون بِریپ، گِلِن-گِچِنی آلمانگ.‏ قالبینگیزینگ اییّپ-ایچمِک عاداتلاریندان دَل-ده، خودایینگ مِرحِمِتیندِن قاییملاماغی قاویدیر.‏ سِبَبی اییّپ-ایچمِک عاداتلارینگ ایزینا دوشیَنلِر موندان هیچ هیلی خاییر گُرِن دَلدیر.‏

۱ تیموتاوس 5:21

شو تابشیریقلاری بِرجای اِدِنینگده، مِسِلَنینگ دویبینَه یِتمَن، هیچ کیمی گونَه‌کَرلِمه، طارافکِشلیک اِتمه.‏ اینه، شولارینگ بارینی خودایینگ، عیسی مسیحینگ و سایلانان پِریشده‌لِرینگ اُوونده سانگا قاییم تابشیریارین.‏

رِسول‍لار 15:24

‏«‏بیزینگ اِشیدیشیمیزه گُرَه، آرامیزدان کَبیرلِری باریپ، اُز سُزلِری بیلِن سیزی قُرقا سالیپ، فیکرینگیزی بولاشدیریپدیرلار.‏ اِمّا اُلاری بیز ایبِرمِدیک.‏

۲ پِطرُس 1:13

مِن ایندی یاشایان آز واقتلایین چادیریمدان، یَعنی بِدِنیمدِن گیدیَنچَم، بولاری یادینگیزا سالماق بیلِن سیزینگ فیکرینگیزی آچیپ دورماغی دُغری بیلیَرین.‏

۱ تیموتاوس 6:13

هِمّه زادا یاشاییش بِریَن خودایینگ حوضوریندا و حاکیم پُنتیوس پیلاتُسینگ اُوونده دینگه قاوی ایقرار اِدِن عیسی مسیحینگ حوضوریندا سانگا شولاری تابشیریارین:‏

۲ تِسالونیکیلِر 3:6

اِی عزیزلِر، بیکَر گِزیپ، بیزینگ تَعلیماتیمیزا گُرَه یاشامایان هِر بیر دُغاندان داش دورماغی تانگریمیز عیسی مسیحینگ آدیندان سیزه تابشیریاریس.‏

۲ تیموتاوس 2:16

خودایا یارامایان بُش کِپلِردِن داش دور.‏ سِبَبی شِیله کِپلِره بیرلِشیان آداملار گیتدیگیچه خودایدان داشلاشیاندیرلار.‏

۱ تیموتاوس 4:8

بِدِنی تِربیِت اِتدیرمِگینگ پِیدالی طارافی باردیر.‏ یُنه اُزونگی خودایینگ یُلوندا تِربیِت اِتدیرمِک هِمّه طارافلایین پِیدالیدیر.‏ سِبَبی موندا حَضیرکی و گِلجِکّی یاشایشینگ واعداسی باردیر.‏

اِفِسُسلار 4:17

شُنونگ اوچین عیسی مسیحینگ آدیندان سیزه شونی بویوریارین:‏ موندان بِیلَک بیگانه میلِّتلِر یالی بُش دوشونجِلِر بیلِن یاشامانگ.‏

غَلاطیه‌لِر 1:7

باشغا بیر خوش خابار یُقدور.‏ یُنه کَبیر آداملار سیزی بولاشدیریپ، مسیحینگ خوش خابارینی چالیشدیرجاق بُلیارلار.‏

رِسول‍لار 13:10

‏«‏اِی شِیطان اُغلی!‏ سِن هِمّه دُغرولیغینگ دوشمانیسینگ.‏ سِنینگ یورِگینگ هِر هیلی حیله‌دِن و یالانچیلیقدان دُلی.‏ خودایینگ حاق یُلونی اویتگِتمِگینگی هاچان بِس اِتجِک؟

مَتّیٰ 16:26

اینسان هِمّه دونیَه‌نی قازانسا-دا جانیندان ماحروم بُلسا، مونونگ اُنگا نَمه پِیداسی بار؟ یا-دا اینسان اُز جانینا دِرِک نَمه بِریپ بیلِر؟

۲ تیموتاوس 1:6

شُنونگ اوچین، یِنه-ده بیر گِزِک قایتالایارین:‏ باشینگا اِل‍لِریمی قُیماغینگ اوستو بیلِن خودایدان آلان روحی ناغماتینی گویچلی یاغتیلات،

۱ تیموتاوس 1:6

کَبیر آداملار موندان دَنیپ، بُش گورّونگلِره باش اوردولار.‏

۱ تیموتاوس 1:4

قُی، اُلار قادیمی رِوایاتلارا، توکِنمِیَن نِسل شِجِره‌لِرینه یورِک بِرمِسینلِر.‏ بولار داعوا-جِنجِل‍لِرینگ دُرِمِگینه سِبَپ بُلوپ، خودایینگ ایشلِرینینگ ایمان بیلِن عِمِله گِچیریلمِگینه پَسگِل بِریَندیر.‏

۱ تِسالونیکیلِر 4:1

اِی عزیزلِر، بیز خودایی راضی اِتمِک اوچین نَهیلی یاشامالیدیغینی سیزه اُورِتدیک.‏ سیز حاقیقاتدان هِم شِیله یاشایارسینگیز.‏ ایندی بُلسا شِیله یاشاماقدا خاص-دا اُسمِگینگیزی تانگری عیسانینگ آدیندان سیزه تابشیریاریس.‏

تیتوس 3:1

اِی اُغلوم، ایماندارلارا هِمیشه شولاری یادلادیپ دور:‏ قُی، اُلار حُکومدارلارا و ایختییارلیلارا قولاق آسیپ، اُلارا موطیع بُلسونلار، ایسلِندیک واقت یاخشیلیق اِتمَگه تاییار بُلسونلار.‏