10 اِمّا تانگری عیسانینگ گِلجِک گونی اُغری کیمین گِلِر. شُندا آسمان اولی گوپوردی سِس بیلِن ییتیپ گیدِر، آسمان جیسیملِری یانیپ دارغار، یِر و اُندا اِدیلِن هِمّه ایشلِر اَشکَر بُلار.
اُنسُنگ مِن بیر تَزه آسمان بیلِن بیر تَزه یِر گُردوم. چونکی اُوالقی آسمان و یِر آیریلیپدی. ایندی هیچ بیر دِریا هِم یُقدی.
آسمان هِم یِر اُتِر، یُنه مِنینگ سُزلِریم آصلا اُتمِز.»
اینه، حَضیرکی یِر بیلِن آسمان بُلسا خودایینگ سُزی بیلِن ساقلانیپ، خودایسیز آداملارینگ حُکوم و هِلَک اِدیلجِک گونونه چِنلی اُد اوچین تاییار دور.
«خاباردار بُل! سِبَبی مِن اُغری کیمین گِلیَرین! یالانگاچ گِزیپ، دونیَه رُسوا بُلمازلیغی اوچین، اُیا بُلوپ، لِباسلارینی ساقلایان خوشواقتدیر!»
تانگری عیسانینگ گِلجِک گونی گیجه اُغرینینگ گِلشی یالی گِلِر، مونی اُزونگیز-ده بیلیَنسینگیز آخیرین.
آسمان هِم یِر اُتِر، یُنه مِنینگ سُزلِریم آصلا اُتمِز.
اِشیدِنلِرینگی و اُورِنِنلِرینگی یادا سال، اُلاری بِرجای اِت-ده توبا گِل. اُیانماسانگ، بیر اُغری یالی بارارین. مِنینگ هایسی ساغاتدا اوستونگه بارجاغیمی-دا بیلمَن قالارسینگ.
«اِمّا شونی بیلیپ قُیونگ: اُی اِیهسی اُغرینینگ هایسی ساغاتدا گِلجِگینی بیلِن بُلسا، اُیونگ زاتلارینی اُغریلاتمازدی.
سُنگرا مِن اولی آق تاخت و اُنونگ اوستونده اُتورانی گُردوم. یِر و آسمان اُنونگ حوضوریندان ییتیپ گیتدی، اُلاری سُنگرا تاپیپ-دا بُلمادی.
شِیله ایش اِدِن آدامی شِیطانا تابشیرینگ. شُندا اُنونگ گونَهلی نِفسی هِلَک بُلوپ، تانگری عیسانینگ گونونده روحی نِجات تاپیپ بیلِر.
سِبَبی یارادیلیش اُز ایسلِگینَه گُرَه دَل-ده، خودایینگ ایسلِگینَه گُرَه پوچلیغا موطیع بُلوپدی. ایندی بُلسا خودایینگ فِرزِنتلِرینینگ بِییکلیگینَه قاوشان واقتیندا یارادیلیش اُزونینگ هِم چویریمه لَعنِتیندِن آزاد اِدیلیپ، شُل بِییکلیگَه قاوشارین دییّپ اومید اِدیَر.
اولی مِرتِبهلِرینی ساقلامان، مِسکِن توتان یِرلِرینی تِرک اِدِن پِریشدهلِری هِم اُل توم قارانگقیلیقدا زینجیرلار بیلِن اِبِدیلیک باغلادی. اُلاری قیامات گونونگ مَحکِمهسینه چِنلی شُل یِرده ساقلایار.
تانگریمیز عیسی مسیحینگ گِلجِک گونونده عایپسیز بُلماغینگیز اوچین، اُنونگ اُزی سیزی آخیرا چِنلی قاییم ساقلار.
اِمّا، اِی عزیزلِر، تانگری عیسانینگ گِلجِک گونی سیزینگ اوستونگیزی بیر اُغری کیمین خابارسیز باسماسین، سِبَبی سیز قارانگقیلیقدا دَل آخیرین.
هِمّه زات شِیدیپ دارغاجاق بُلسا، اُندا سیزینگ نَهیلی آداملار بُلماغینگیز گِرِک؟ خودایینگ گونونه قاراشیپ، اُنی چالاسیملاشدیریپ، مُقادِّس یاشاییشدا و تاقوالیقدا گِزمِلیسینگیز. اُل گون آسمان یانیپ یُق بُلار، آسمان جیسیملِری یانیپ اِرَر.
آسمان هِم طومار کیمین دویرلِنیپ، گُزدِن ییتدی. داغلارینگ و جِزیرهلِرینگ هِمّهسی اُز یِریندِن قُزغاندی.