۲ قُرِنتُس‌لار 13:5 - مُقادِّس کیتاب

⁵ ایماندا قاییم دوروپ-دورمایانیلیغینگیزی بیلمِک اوچین، اُزونگیزی ایمتِحان اِدیپ گُرونگ.‏ اُندا سیز عیسی مسیحینگ آرانگیزدادیغینی بیلمِیَنگیزمی نَمه؟ یا-دا سیز ایمتِحاندان گِچمِیَنلِردِنمی؟

۲ قُرِنتُس‌لار 13:5 Referans Kwoze

۱ قُرِنتُس‌لار 11:28

شُنونگ اوچین-ده، هِر کِس دینگه اُزونی ایمتِحان اِدیپ گُرِنسُنگ، بو چُرِکدِن اییمِلی و بو کَسه‌دِن ایچمِلی.‏

۱ قُرِنتُس‌لار 9:27

یُق، مِن خوش خاباری باشغالارا واغیظ اِدِنیمدِن سُنگ، یاریشا قاتناشماقدان ماحروم اِدیلِسیم گِلمِیَر.‏ شُنونگ اوچین-ده، بِدِنیمی حُرلاپ، اُنی اُزومه موطیع اِدیَرین.‏

آیانلیق 2:5

شُنونگ اوچین، هایسی بِییکلیکدِن ییقیلانینگی یادینگا سال!‏ توبا اِت-ده، اَوَّلکی اِدِن ایشلِرینگی عِمِل اِت!‏ اِگِر توبا اِتمِسِنگ، یانینگا باریپ، چیراغدانینگی یِریندِن آیرارین.‏

غَلاطیه‌لِر 6:4

هِر کیم اُز اِدیَن عِمِل‍لِرینی بیلسین.‏ هِر کِس اُزونه دوشِن یوکی اُزی گُتِرسین.‏ شُندا اُل اُزونی باشغالار بیلِن دِنگِشدیرمِزدِن، اُزونه قووانیپ بیلِر.‏

عِبرانیلار 12:15

خاباردار بُلونگ، هیچ کیم خودایینگ مِرحِمِتیندِن ماحروم بُلماسین.‏ بیر آجی کُک گُگِریپ، سیزه اِذیِت بِرمِسین، کَن آداملار مونونگ بیلِن زَهِرلِنمِسین.‏

۱ قُرِنتُس‌لار 11:31

اِمّا بیز اَوَّل اُزومیزه حُکوم اِدِن بُلسادیق، اُندا حُکومه دوچار بُلمازدیق.‏

تیتوس 1:16

اُلار خودایی تانییاریس دییسِلِر-ده، اِدیَن ایشلِرینده اُنی رِد اِدیَندیرلِر.‏ اُلار ییگرِنجی، موطیع‌سیز بُلوپ، یاخشیلیق اِتمِگینگ نَمِدیگینی-ده بیلمِیَرلِر.‏

غَلاطیه‌لِر 2:20

مِن مسیح بیلِن صلیبه چویلِندیم، ایندی مِن دَل-ده، مِندَکی مسیح یاشایاندیر.‏ بِدِندَکی یاشایشیم بُلسا خودایینگ اُغلونا بُلان ایمانیمینگ اوستو بیلِندیر.‏ اُل مِنی سُیوپ، اُزونی مِنینگ اوچین قربانی اِتدی.‏

یوحنا 14:23

عیسی اُنگا شِیله جُغاپ بِردی:‏ ‏«‏کیم مِنی سُییَن بُلسا، سُزومی بِرجای اِدِر.‏ آتام هِم اُنی سُیِر.‏ مِن آتام بیلِن اُل آدامینگ یانینا باریپ، اُنونگ بیلِن بیله مِکان توتاریس.‏

رومیلار 8:10

اِگِر عیسی مسیح قالبینگیزدا مِسکِن توتان بُلسا، اُندا گونَه سِبَپلی اُلمِلی بُلسانگیز-دا، روح سیزه یاشاییش بِرِر، سِبَبی سیز خودایینگ حوضوریندا آقلانانسینگیز.‏

عِبرانیلار 4:1

خودایینگ دینچلیق مِکانینا گیرمِک حاقینداقی واعداسی هِنیز هِم گویجونی ساقلایاندیر.‏ شُنونگ اوچین-ده، خاباردار بُلونگ، آرانگیزدان هیچ کیم دینچلیق مِکانینا گیرمِکدِن ماحروم بُلماسین.‏

۱ قُرِنتُس‌لار 9:24

یاریش مِیداندا یُرتیانلارینگ هِمّه‌سی یُرتسا-دا، بایراغی دینگه بیری آلیاندیغینی بیلمِیَنگیزمی؟ شُندا سیز-ده بایراق آلار یالی شِیله یُرتینگ.‏

۱ قُرِنتُس‌لار 3:16

اُندا سیز اُزونگیزینگ خودایینگ عیباداتخاناسیدیغینگیزی و آرانگیزدا خودایینگ روحونینگ یاشایاندیغینی بیلمِیَرسینگیزمی نَمه؟

یوحنا 15:4

مِنده یاشانگ، مِن هِم سیزده یاشایین.‏ اوزوم باغیندان آیریلان شاخا اُز-اُزوندِن میوه بِریپ بیلمِیشی یالی، مِندِن آیریلسانگیز، سیز هِم میوه بِریپ بیلمِرسینگیز.‏

تیتوس 2:2

قارّی آداملارا میلاییم، حُرماتا میناسیپ، اُز نِفسینی ساقلایان بُلسونلار و ایمان، سُیگی و صابیر-طاقات باباتدا قاوی بُلماقلارینی ناصیحاتلا.‏

اِفِسُسلار 3:17

عیسی مسیح ایمانینگیزینگ اوستو بیلِن یورِکلِرینگیزده یاشاسین.‏ شِیله-ده، مِن سُیگینینگ سیزده کُک اوروپ یِرلِشمِگینی، مسیحینگ سُیگوسینینگ نَهیلی گینگ، اوزین، بِییک و چونگّوردیغینا هِمّه مُقادِّسلِری بیلِن بیرلیکده دوشونمِگینگیزی خودایدان دیلِیَرین.‏

یوحنا 17:26

مانگا بُلان سُیگینگ اُلاردا-دا بُلسون، مِن هِم اُلاردا بُلایین دییّپ، سِنینگ آدینگی اُلارا تانیتدیم و تانیتماغی دُوام اِدِرین.‏»‏

یوحنا 17:23

مِن اُلاردادیرین، سِن بُلسا مِندِسینگ.‏ مِنی سِنینگ ایبِرِندیگینگی، مِنی سُیشونگ کیمین اُلاری-دا سُییَندیگینگی دونیَه بیلِر یالی، اُلار کَمیل بیرلیکده بُلسونلار.‏

یعقوب 4:4

اِی بیوِفالار، دونیَه بیلِن دُستلوق خودایا دوشمان بُلیاندیغینی بیلمِیَرسینگیزمی؟ کیم دونیَه بیلِن دُست بُلسا، خودایا دوشمان بُلیاندیر.‏

کولُسیلِر 2:7

شوکورلِر بیلِن دُلوپ-آقیپ، مسیحده کُک اورونگ و اُسونگ، اُزونگیزه اُورِدیلیشی یالی، ایماندا قاییم دورونگ.‏

کولُسیلِر 1:27

خودای بو سیرینگ اولی بِییکلیگینی میلِّتلِرینگ آراسیندا مُقادِّسلِره بیلدیرمِک ایسلِدی.‏ بو سیر سیزه بِییکلیگَه قاووشماق اومیدینی بِریپ، سیزده بُلیان مسیحدیر.‏

کولُسیلِر 1:23

اِلبِتّه، سیز اِشیدِن خوش خابارینگیزینگ بِرِن اومیدیندا سارسمان، ایماندا کُک اوروپ، قاییم دورمالیسینگیز.‏ بو خوش خابار یِر یوزوندَکی هِر بیر اینسانا اِعلان اِدیلدی.‏ مِن پولس بو خوش خابارینگ خیدماتچیسی بُلدوم.‏

غَلاطیه‌لِر 4:19

اِی عزیز بالالاریم!‏ سیز تا عیسی مسیحینگ شِکلینه اِیه بُلیانچانگیز، مِن یِنه-ده سیزینگ اوچین دُغورما دِردلِرینی چِکیَن یالی بُلیارین.‏

۲ قُرِنتُس‌لار 6:16

خودایینگ عیباداتخاناسی بیلِن بُتلارینگ، هِی-ده، اُزآرا راضیلاشیغی بُلارمی نَمه؟ چونکی بیز دیری خودایینگ عیباداتخاناسیدیریس.‏ خودای دییَّر:‏ ‏«‏مِن اُلارینگ آراسیندا مِسکِن توتارین و اُلارینگ آراسیندا بُلارین.‏ مِن اُلارینگ خودایی، اُلار هِم مِنینگ خالقیم بُلارلار»‏ دییّپدی آخیرین.‏

۱ قُرِنتُس‌لار 6:19

اُندا سیز اُز بِدِنینگیزینگ مُقادِّس روحونگ یاشایان عیباداتخاناسیدیغینی بیلمِیَرسینگیزمی؟ سیز بو روحی خودایدان آلدینگیز و سیز دینگه اُزونگیزینگکی دَلسینگیز.‏

۱ قُرِنتُس‌لار 6:2

سیز ایماندارلارینگ بو دونیَه قاضیلیق اِتجِکدیگینی بیلمِیَرسینگیزمی؟ اِگِر سیز دونیَه قاضیلیق اِتجِک بُلسانگیز، اُندا اَهمییِتسیز داعوالاری چُزوپ بیلمِرسینگیزمی؟

یوحنا 6:56

مِنینگ بِدِنیمی اییّپ، قانیمی ایچیَن مِنده یاشار، مِن هِم اُندا.‏

یوحنا 6:6

اُل مونی فیلیپُسی ایمتِحان اِتمِک اوچین سُراپدی، آصلیندا اُزونینگ نَمه اِتجِگینی شُندا بیلیَردی.‏

۱ پِطرُس 5:9

دونیَه‌نینگ هِمّه یِرینده دُغانلارینگیزینگ هِم اِدیل شونونگ یالی عاذاپلارا دوچار بُلیاندیقلارینی بیلیَندیگینگیز اوچین، قاییم ایمان بیلِن شِیطانا قارشی دورونگ.‏

عِبرانیلار 6:8

اِمّا تیکِن و یانداق بیتیَن یِر دِرِکسیزدیر، اُل لَعنِت بُلماغا قُلایدیر و آخیرسُنگی اُنی اُدا یاقارلار.‏

۱ قُرِنتُس‌لار 6:15

اُندا سیز اُز بِدِنینگیزینگ مسیحینگ بِدِنینینگ ‌اعضاسیدیغینی بیلمِیَرسینگیزمی؟ ایندی مسیحینگ ‌اعضاسینی آلیپ، اُنی بیر فاحیشه بیلِن بیریکدیرِیینمی؟ هِرگِز اِتمِرین!‏

رومیلار 1:28

بو آداملار خودایی تانیمالیدیر دییّپ اَهمییِت بِرمِدیلِر.‏ شُنگا گُرَه-ده، خودای اُلاری آخلاقسیز فیکرلِرینه تابشیریپ، اِدیلمِسیز زاتلاری اِتمِکلِرینه یُل بِردی.‏

تیتوس 1:13

بو قاتی جایلی آیدیلان سُزلِردیر.‏ شُنونگ اوچین-ده، قاوی ایمانلی بُلماقلاری اوچین، اُلاری قاتی کَیی.‏

۲ تیموتاوس 3:8

یَنّیس بیلِن یَمبریسینگ موسی قارشی چیقیشی یالی، بو آداملار هِم حاقیقاتا قارشی چیقیاندیرلار.‏ اُلارینگ فیکری ضایالانان و ایمانلاری رِد اِدیلِندیر.‏

۱ تیموتاوس 2:15

شُندا دُغورما دِردینَه دوچار بُلدی.‏ اِمّا آیال‍لار چاغا دُغورما بیلِن نِجات تاپارلار، اِگِر ایماندا و سُیگیده و تاقوالیغینگ ایزینا دوشسِلِر.‏

کولُسیلِر 2:19

شِیدیپ، اُل آدام بِدِنینگ باشی بُلان مسیح بیلِن باغلانیشیغینی ییتیرِندیر.‏ بو بِدِن هِر بیر بُغونونگ و بِندینگ کُمِگی بیلِن بیریگیپ، باشدان اییمیتلِنیَر و خودایینگ بِرِن اُسوشی بیلِن اُسیَندیر.‏