۲ قُرِنتُس‌لار 12:15 - مُقادِّس کیتاب

¹⁵ مِن سیزه دینگه هِمّه زادیمی دَل، حتّیٰ جانیمی هِم اولی شاتلیق بیلِن بِرِرین.‏ مِن سیزی شِیله سُییَرین!‏ اُندا نَمه اوچین سیز مِنی بِیله آز سُییَرسینگیز؟

۲ قُرِنتُس‌لار 12:15 Referans Kwoze

۱ تِسالونیکیلِر 2:8

شُنگا گُرَه-ده، بیز یِکه خودایینگ خوش خابارینی دَل، بیزَه عزیز بُلدینگیز اوچین جان بِرمَگه-ده حَضیردیک.‏

فیلیپیلِر 2:17

سیزینگ خودایا اِدیَن ایمانینگیز و خیدماتینگیز اُنگا هُدورلِنِن قربانلیق کیمیندیر.‏ اِگِر مِنینگ شیندی چِکیَن زَحمِتلِریم بو قربانلیغا قُشولسا، مِن شاتدیرین.‏ مِن هِمَّه‌نگیزینگ شاتلیغینگیزا شِریکدیرین.‏

۲ قُرِنتُس‌لار 1:6

اِگِر بیز زَحمِتلِر گُریَن بُلساق، بو سیزینگ تِسِلّی تاپماغینگیز و نِجات تاپماغینگیز اوچیندیر.‏ خودای بیزه تِسِلّی بِریَن بُلسا، بو بیزینگ-ده سیزه تِسِلّی بِرمِگیمیز اوچیندیر.‏ سیز هِم بیز یالی زَحمِتلِر گُرِنینگیزده، شو تِسِلّیمیزدِن تِسِلّی تاپیپ، قینچیلیقلارینگ بارینا جیدارسینگیز.‏

کولُسیلِر 1:24

مِن سیزینگ اوغرونگیزدا گُریَن قینچیلیقلاریما بِگِنیَرین.‏ بو قینچیلیقلاریم مسیحینگ بِدِنینینگ، یَعنی کِلیسانینگ قینچیلیقلارینینگ اوستونی یِتیریَر.‏

۲ تیموتاوس 2:10

اینه، اِدیل شو سِبَپدِن، سایلانانلار هِم باقی بِییکلیک بیلِن بیرلیکده عیسی مسیحینگ اوستو بیلِن نِجات تاپار یالی، اُلارینگ خاطیراسینا هِمّه زادا جیدایارین.‏

۲ قُرِنتُس‌لار 2:3

شُنگا گُرَه-ده، بارانیمدا مِنی شاتلاندیرمالی آداملار گُونومی غاملاندیرماسین دییّپ، شُل نامه‌نی یازدیم.‏ مِنینگ شاتلیغیما سیزینگ-ده شاتلانجاقدیغینگیزا قاتی اینانیارین.‏

عِبرانیلار 13:17

یُلباشچیلارینگیزینگ سُزونه قولاق آسینگ، اُلارا موطیع بُلونگ.‏ اُلار سیزینگ جانینگیز اوچین خودایا حاساپ بِرِرلِر.‏ اُلارینگ سُزونه قولاق آسینگ، سِبَبی اُلار سیزه قاراوولچیلیق اِدیَندیرلِر.‏ قُی، اُلار وِظیفه‌لِرینی شاتلیق بیلِن یِرینه یِتیرسینلِر، قایغی-حاسرات چِکمِسینلِر، یُغسام، مونونگ سیزه پِیداسی یِتمِز.‏

۲ قُرِنتُس‌لار 12:14

اینه، یانینگیزا گیتمِک اوچین اوچونجی گِزِک یُل شاییمی حَضیرلییَرین.‏ مِن سیزه آغرام سالمارین، سِبَبی مِن مال-مولکینگیزه دَل-ده، دیدارینگیزا زاردیرین.‏ قالیبِرسه-ده، فِرزِنتلِر اِنه-آتالاری اوچین دَل-ده، اِنه-آتا فِرزِنتلِری اوچین مال-مولک ییغنامالیدیر.‏

۲ قُرِنتُس‌لار 12:9

اِمّا مسیح شِیله دییدی:‏ ‏«‏سانگا بِرِن مِرحِمِتیم بِسدیر، سِبَبی مِنینگ قودراتیم اِجیزلیکده کَمیلِّشیَندیر»‏.‏ شُنونگ اوچین-ده، مسیحینگ گویجی مِنده مِسکِن توتسون دییّپ، اُز اِجیزلیکلِریم بارادا قاتی شاتلیق بیلِن قووانیارین.‏

۲ قُرِنتُس‌لار 7:3

مِن بولاری سیزی عاییپلاماق اوچین آیدامُق.‏ سِبَبی اُزال هِم آیدیشیم یالی، یورِگیمیزینگ دویبونده جایینگیز باردیر، بیز یاشاساق-دا، اُلسِک-ده بیله بُلاریس.‏

غَلاطیه‌لِر 4:10

سیز دینی بایراملارا، یَعنی گونلِره، آیلارا، فَصل‍لارا و ییل‍لارا دیقّات بِریَرسینگیز آخیرین!‏

رومیلار 9:3

هاووا، مِن قانیبیر دُغانلاریم بُلان یَعنی اسرائیل خالقینینگ عیسی مسیحدِن داش دوشِنیندِن، اُزومینگ لَعنِته قالیپ، اُلارینگ خاطیراسینا مسیحدِن داش دوشمَگه-ده راضی بُلاردیم.‏ خودای اُلاری اُغولّیغا آلدی، اُلارا اُز بِییکلیگینی بِلّی اِدیپ، اُلار بیلِن عَهد باغلاشدی.‏ اُل شِریغاتی و عیباداتخاناداقی خیدماتی اُلارا ایناندی، واعدالارینی هِم اُلارا بِردی.‏

۲ قُرِنتُس‌لار 7:2

بیزی یورِگینگیزده جای بِرینگ.‏ بیز هیچ کیمه حاقسیزلیق اِتمِدیک، هیچ کیمی آزدیرمادیق و هیچ کیمدِن پِیدالانمادیق.‏

۲ قُرِنتُس‌لار 11:11

اُندا مِن نَمه اوچین سیزه آغرام سالمادیم؟ سیزی سُیمِیَندیگیم اوچینمی نَمه؟ یُق، سیزی سُییَندیگیمه خودای شاهاتدیر.‏

۲ قُرِنتُس‌لار 4:12

شِیلِلیکده سیزینگ یاشاییش تاپماغینگیز اوچین، بیز اُلوم بیلِن یوزبه-یوز بُلماغا-دا تاییاردیریس.‏