۲ قُرِنتُس‌لار 10:5 - مُقادِّس کیتاب

⁵ بو یاراغلار بیلِن خودای باراداقی بیلیمه قارشی چیقیان هِر بِییکلیگی وِیران اِدیَریس و هِر فیکری اِسیرلیگه آلیپ، اُنی عیسی مسیحه موطیع اِدیَریس.‏

۲ قُرِنتُس‌لار 10:5 Referans Kwoze

عِبرانیلار 4:12

خودایینگ سُزی دیری هِم تاثیرلیدیر، هِر بیر ایکی یوزلی قیلیچدان هِم کِسگیردیر.‏ اُل جان بیلِن روحی، بُغونلار بیلِن ییلیگی ایکَه بُلیَندیر.‏ قالبینگداقی هِمّه فیکرلِری و نییِتلِری آیان اِدیَندیر.‏

رومیلار 7:23

بِدِنیمینگ ‌اعضالاری شُل قانونا ماییل بُلیاندیغینی گُریَرین.‏ بو قانون مِنینگ دوشونجَمدَکی قانونا قارشی اوروشیپ، بِدِنیمدَکی ‌اعضالاری گونَه قانونسینا مِنی اِسیر اِدیَر.‏

مَتّیٰ 15:19

آدامینگ یورِگیندِن تِلِکه فیکرلِر، قاتل‍لیق، زیناکَرلیک، آخلاقسیزلیق، اُغورلیق، یالان شاهاتلیق و تُهمِت چیقیاندیر.‏

رومیلار 1:21

اُلار خودای بارادا بیلسِلِر-ده، اُنی خودای حُکمونده بِییکلِندیرمِدیلِر، اُنگا شوکور اِتمِدیلِر.‏ تِرسینه، بُش فیکرلِره قُشولیپ یورِکلِرینی قارانگقیلیق دُلدوردی.‏

۱ قُرِنتُس‌لار 3:19

چونکی بو دونیَه‌نینگ حِکمِتی خودایینگ ناظاریندا آحماقلیقدیر.‏ مُقادِّس یازغیلاردا:‏ ‏«‏خودای حِکمِتلی بیلِنی اُز حیله‌سینده توتیار»‏ دییّپ یازیلاندیر.‏

۱ قُرِنتُس‌لار 1:19

چونکی مُقادِّس یازغیلاردا:‏ ‏«‏مِن حِکیملِرینگ حِکمِتینی وِیران اِدِرین، دانالارینگ دانالیقلارینی باطیل اِدِرین»‏ دییّپ یازیلاندیر.‏

عِبرانیلار 5:9

شِیلِلیکده، عیسی مسیح کَمیل بُلوپ، اُل اُزونه موطیع بُلیانلارینگ هِمّه‌سینی اِبِدیلیک نِجات بِرمِگی باشاریار.‏

۱ پِطرُس 1:22

ایندی سیز حاقیقاتا موطیع بُلماق بیلِن یورِکلِرینگیزی پَکلِدینگیز، تویس یورِکدِن سُیگه اِیه بُلدونگیز.‏ شُنونگ اوچین بیری-بیرینگیزی تویس یورِکدِن سُیونگ.‏

۲ تِسالونیکیلِر 2:8

شُندا شُل شِراراتلی آدام گُرونِر.‏ تانگری عیسی اُنی آغزینینگ دِمی بیلِن، اُز گِلشینینگ قودراتی و هایباتی بیلِن اُنی هِلَک و یُق اِدِر.‏

لوقا 1:51

اُل گویجی بیلِن اولی ایشلِری یِرینه یِتیردی، مَغرورلاری اُلارینگ هِمّه ایچکی فیکرلِری بیلِن دارغاتدی.‏

۲ تِسالونیکیلِر 2:4

بو آدام خودای دییّپ آدلاندیریلیان یا سِجده اِدیلیَن زاتلارینگ بارینا قارشی چیقیپ، اُزونی اُلاردان یُقاری توتار.‏ اُل حتّیٰ خودایینگ عیباداتخاناسیندا اُتوریپ، اُزونی خودای دییّپ اِعلان اِدِر.‏

۲ قُرِنتُس‌لار 9:13

سیزینگ بو کُمِگینگیز عیسی مسیح باراداقی خوش خابارا صادیقدیغینگیزی بِلّی اِدیَر.‏ سیز اِلده بارینگیزی اُلارا و بِیلِکی ایماندارلارا ساخیلیق بیلِن بِریَرسینگیز.‏ اینه، شولارینگ باری اوچین ایماندارلار خودایی بِییکلِندیرِرلِر.‏

رومیلار 16:26

هاووا، بو خوش خابار آیان بُلدی.‏ اُل هِمّه میلِّتلِرینگ اِبِدی خودایینگ اِمرینه گُرَه اُنگا موطیع بُلماغی اوچین پیغامبارلارینگ یازغیلارینینگ اوستو بیلِن آیان اِدیلدی.‏

رومیلار 1:5

خودای بیزه عیسی مسیحینگ اوستو بیلِن مِرحِمِت اِدیپ، رِسولّیغا سایلادی.‏ اُل مونی هِمّه میلِّتلِرینگ خودایا ایمان گِتیریپ، اُنگا موطیع بُلماغی، عیسی مسیحینگ آدینینگ بِییکلِنمِگی اوچین اِتدی.‏

۱ پِطرُس 1:2

سیز آتامیز خودایینگ اُنگدِن اِدِن قارارینا گُرَه سایلاندینگیز و مُقادِّس روحونگ اوستو بیلِن مُقادِّس خالق بُلدونگیز.‏ خودای مونی سیزینگ عیسی مسیحه موطیع بُلوپ، اُنونگ سِپیلِن قانی بیلِن پَکلِنمِگینگیز اوچین اِتدی.‏ بُلدان-بُل مِرحِمِت و پاراحاتلیق سیزه بُلسون.‏

۲ قُرِنتُس‌لار 11:20

هاووا، سیز قول اِدیلیَندیگینگیزه، حاقینگیزینگ اییّلیَندیگینه، اُزونگیزه ظولوم اِدیلیَندیگینگیزه، سیزه باشلیقلیق اِدیَنلِره یا یوزونگیزه شاپباق اوریانلارا شِیله جیداملی آخیرین!‏

فیلیپیلِر 4:7

شُندا خودایینگ پاراحاتلیغی یورِکلِرینگیزی و فیکرلِرینگیزی عیسی مسیحینگ اوستو بیلِن قُرار.‏ بو پاراحاتلیق اینسان دوشونجِسیندِن خاص بِییکدیر.‏