۱ تیموتاوس 2:1 - مُقادِّس کیتاب

¹ شُنگا گُرَه، اِی تیموتاوس، اَوَّل شولاری ماصلاحات بِریَرین:‏ هِمّه‌لِر اوچین دُغا و دیلِگ اِدینگ، اُلار اوچین خودایا یالبارینگ، اُنگا مینِّتدارلیق بیلدیرینگ.‏

۱ تیموتاوس 2:1 Referans Kwoze

۲ تِسالونیکیلِر 1:3

اِی عزیزلِر، سیزینگ ایمانینگیز گیتدیگچَه اُسیَر، بیری-بیرینگیزه بُلان سُیگینگیز دُلوپ-آقیار.‏ شُنگا گُرَه-ده، بیز هِمیشه خودایا شوکور اِتمِلیدیریس.‏ بو خاص گِرِکلیدیر.‏

یعقوب 5:16

شِفا تاپار یالی، گونَه‌لِرینگیزی بیری-بیرینگیزینگ یانیندا بُیون آلیپ، بیری-بیرینگیز اوچین دُغا اِدینگ.‏ تاقوالی آدامینگ ایخلاصلی دیلِگی خاص گویچلی هِم تاثیرلیدیر.‏

اِفِسُسلار 5:20

هِمّه زات اوچین تانگریمیز عیسی مسیحینگ آدیندان آتا خودایا هِمیشه شوکور اِدینگ.‏

۲ تیموتاوس 2:24

خودایینگ خیدماتچیسی داعوالاشمالی دَلدیر، تِرسینه، هِمّه‌لِره میلاییم، تَعلیم بِرمِگی باشاریان و صابیر-طاقاتلی بُلمالیدیر.‏

۱ تیموتاوس 2:4

اُل هِمّه آداملارینگ نِجات تاپیپ و حاقیقاتی بیلمِگینی ایسلِیَندیر.‏

فیلیپیلِر 1:3

مِن هِر گِزِک سیز بارادا یاد اِدِنیمده، خوداییما شوکور اِدیَرین.‏

عِبرانیلار 6:11

بیز سیزینگ هِر بیرینگیزینگ اومیدینگیزینگ یِرینه یِتیرمِگینینگ اینگ آخیرقی واقتینا چِنلی خیدماتدا قایراتلیق گُرکِزمِگینگیزی ایسلِیَریس.‏

تیتوس 3:2

هیچ کیمی یامانلاماسینلار، داعوا-جِنجِلدِن داش دوروپ، میلاییم و هِمّه‌لِره یومشاقلیق گُرکِزسینلِر.‏

تیتوس 2:11

چونکی خودایینگ هِمّه‌لِری نِجات بِریَن مِرحِمِتی اَشکَر بُلدی.‏

۱ تیموتاوس 5:5

یِکه قالان دول آیال هِمّه اومیدینی خودایا باغلایاندیر.‏ خودایدان یاردیم ایسلَپ، گیجه-گوندیز دُغا اِدیَندیر.‏

۱ قُرِنتُس‌لار 15:3

چونکی مِن قابول اِدِنیمی خاص واجیپ خابار حُکمونده سیزه-ده قاوشوردیم.‏ بو خابار، اینه، شوندان عیبارات:‏ مُقادِّس یازغیلارا گُرَه، مسیح بیزینگ گونَه‌لِریمیز اوچین اُلدی.‏

رِسول‍لار 17:30

خودای گِچمیشده اینسانلارینگ بو دوشونمِزلیکلِرینی اینکَر اِتمِسینه گُز یومدی.‏ ایندی بُلسا اُل هِمّه یِرده تامام آداملارینگ توبا اِتمِگینی اِمر اِدیَر.‏

۱ تِسالونیکیلِر 3:12

بیز سیزی سُیشومیز یالی، قُی، عیسی مسیح بیری-بیرینگیزه، هِمّه آداملارا بُلان سُیگینگیزی آرتدیریپ، دُس-دُلی اِتسین.‏

رومیلار 6:17

هاووا، سیز گونَه‌نینگ قولودینگیز، یُنه خودایا شوکور، قابول اِدِن تَعلیماتینگیزا یورِکدِن موطیع بُلدونگیز،

رومیلار 1:8

اَوَّل، عیسی مسیحینگ اوستو بیلِن هِمَّه‌نگیز اوچین خوداییما شوکور اِدیَرین، سِبَبی ایمانینگیز باراداقی خابار تامام دونیَه یایرادی.‏

۲ قُرِنتُس‌لار 8:6

شُنونگ اوچین بیز تیتوسدان سیزینگ آرانگیزدا باشلان بو خاییرلی ایشینی شُل یُلدا-دا آخیرنا چِنلی دُوام اِتمِگینی خاییش اِتدیک.‏

اِفِسُسلار 3:13

شُنونگ اوچین هِم، اوغرونگیزدا چِکیَن قایغی-حاسراتلاریم سِبَپلی سیزینگ یورِگینگیز ساویماسین دییّپ خاییش اِدیَرین.‏ قایتام، بولار سیزه حُرمات گِتیریَندیر.‏

اِفِسُسلار 6:18

هِر بیر یاغدایدا یالبارماق بیلِن، روحدا خودایا دُغا اِدینگ.‏ خاباردار بُلونگ، مُقادِّسلِر اوچین هِمیشه دُغادا بُلونگ.‏

فیلیپیلِر 4:6

هیچ زادی قایغی اِتمَنگ.‏ هِر زاتدا، خودایا شوکور اِدیپ، هِر بیر یاغدایداقی مَحتَجلیکلِرینگیزی اُنگا دُغالاردا آیدینگ.‏