۱ تیموتاوس 1:17 - مُقادِّس کیتاب

¹⁷ اِبِدیلیگینگ پادیشاهسی، اُلمِز و گُزه گُرونمِز یِکه خودایا اِبِدی حُرمات و بِییکلیک بُلسون!‏ اَمین.‏

۱ تیموتاوس 1:17 Referans Kwoze

یهودا 1:25

شُنونگ اوچین تانگریمیز عیسی مسیحینگ اوستو بیلِن یِکِجه نِجات بِریَنچیمیز خودایا بِییکلیک، اولیلیق، گویچ-قودرات و ایختییارلیق اِزِلدِن، حَضیر و تا اِبِد بُلسون!‏ اَمین.‏

آیانلیق 19:1

سُنگرا مِن آسماندا اولی جِماغاتینگ سِسینه مِنگزِش قاتی سِسلِر اِشیتدیم.‏ اُلار:‏ ‏«‏هَلِلویاه!‏ خودای بیزینگ نِجات بِریَنچیمیزدیر، بِییکلیک و قودرات اُنونگقیدیر.‏

آیانلیق 17:14

اُلار قوزی بیلِن اوروشارلار، یُنه قوزی اُلاری یِنگِر.‏ چونکی قوزی تانگریلارینگ تانگریسی و پادیشاهلارینگ پادیشاهسیدیر.‏ اُنونگ چاغیرانلاری، سایلانلاری و وِفادارلاری اُنونگ بیلِن بُلارلار.‏»‏

کولُسیلِر 1:15

مسیح گُرونمِیَن خودایینگ صوراتیدیر و هِمّه یارادیلیشینگ اَوَّلکی فِرزِندی اُلدور.‏

آیانلیق 19:16

اُنونگ دُنوندا و بودوندا ‏«‏پادیشاهلارینگ پادیشاهسی و تانگریلارینگ تانگریسی»‏ دییِن آد یازیلاندیر.‏

رومیلار 1:23

باقی خودایا عیبادات اِتمَن، فانی آداملارینگ، قوشلارینگ، حایوانلارینگ و خازاندالارینگ صوراتینداقی بُتلارا عیبادات اِتدیلِر.‏

آیانلیق 19:6

سُنگرا مِن اولی جِماغاتینگ سِسینه، خاص اولی سولارینگ سِسلِنیَنسینه و گویچلی آسمان گوپوردیسینه مِنگزِش سِسلِر اِشیتدیم.‏ اُلار شِیله دییَّردیلِر:‏ ‏«‏هَلِلویاه!‏ چونکی تانگریمیز قودراتلی-گویچلی خودای حُکومرانلیق اِدیَر!‏

۱ یوحنا 4:12

هیچ کیم هیچ هاچان خودایی گُرِن دَلدیر.‏ اِمّا بیز بیری-بیریمیزی سُییَن بُلساق، اُندا خودای بیزینگ بیلِن یاشایاندیر، اُنونگ سُیگوسی قالبیمیزا کَمیل یِرلِشِندیر.‏

یوحنا 1:18

هیچ کیم هیچ هاچان خودایی گُرِن دَلدیر، اُنی بیزه آتاسینینگ قوجاغینداقی، اُزی-ده خودای بُلان یِکِجه اُغلی تانیتدی.‏

مَتّیٰ 6:13

بیزی وِسوِسه‌لِردِن داش ساقلا و بیزی شِیطاندان آزاد اِت.‏ ‏[‏پادیشاهلیق، قودرات و بِییکلیک اِبِدی سِنینگکیدیر.‏ اَمین.‏]‏

آیانلیق 15:3

اُلار خودایینگ خیدماتکَری موسانینگ و قوزینینگ آیدیمینی آیدیاردیلار:‏ ‏«‏اِی تانگری، قودراتلی-گویچلی خودای!‏ سِنینگ ایشلِرینگ اولی و عجاییپدیر.‏ اِی میلِّتلِرینگ پادیشاهسی!‏ سِنینگ یُل‍لارینگ دُغری و حاقدیر.‏

آیانلیق 7:12

اُلار شِیله دییَّردیلِر:‏ ‏«‏اَمین!‏ خوداییمیزا اُوگی و بِییکلیک بُلسون!‏ خوداییمیزا حِکمِت، شوکورلِر، حُرمات، قودرات و قووات اِبِدیلیک بُلسون!‏ اَمین!‏»‏

۲ پِطرُس 3:18

تانگریمیز و نِجات بِریَنچیمیز عیسی مسیحینگ مِرحِمِتینده و تانیماغیندا اُسونگ.‏ حَضیردِن تا اِبِدییَه چِنلی اُنگا بِییکلیک بُلسون!‏ اَمین.‏

۱ پِطرُس 5:11

گویچ-قودرات اِبِدیلیک اُنونگقی بُلسون!‏ اَمین.‏

عِبرانیلار 11:27

اُل پادیشاهینگ غاضابیندان قُرقمان، ایمانینگ اوستو بیلِن مصری تِرک اِتدی.‏ گُزه گُرونمِیَن خودایی گُرِن یالی سایلان یُلوندا قاییم دوردی.‏

رومیلار 16:27

حِکمِتلی و یِکه خودایا عیسی مسیحینگ اوستو بیلِن اِبِدی بِییکلیک بُلسون!‏ اَمین!‏

رومیلار 11:36

چونکی هِمّه بارلیق خودایدان بُلوپ، اُنونگ اوستو بیلِن و اُنونگ اوچیندیر!‏ اُنگا اِبِدی بِییکلیک بُلسون!‏ اَمین!‏

رومیلار 2:7

خودایدان بِییکلیک، حُرمات و اُلمِزلیگی آغتاریپ، هِمیشه یاخشیلیق اِدیَنلِره اُل اِبِدی یاشایشی بِرِر.‏

رومیلار 1:20

خودایینگ گُزه گُرونمِیَن صیفاتلاری، یَعنی اِبِدی قودراتی و حاق خودایدیغی دونیَه بِجِرلِندِن بَری اُنونگ یارادان زاتلاریندان مِسه-معلیم گُرونیَندیر.‏ شُنگا گُرَه-ده، آداملارینگ:‏ ‏«‏خودای بارادا بیلمِیَریس»‏ دییمَگه هیچ باهاناسی یُقدور.‏

مَتّیٰ 28:20

سیزه حُکوم اِدِن هِمّه زاتلاریمی بِرجای اِتمِگی اُلارا اُورِدینگ.‏ مِن دونیَه‌نینگ آخیرینا چِنلی هِمیشه سیزینگ بیلِن بُلارین.‏»‏

مَتّیٰ 25:34

سُنگرا پادیشاه ساغینداقیلارا شِیله دییِر:‏ ‏”‏اِی آتامینگ بِرِکِت آلانلاری!‏ گِلینگ-ده، دونیَه یارادیلاندان بَری سیزینگ اوچین تاییارلانان پادیشاهلیغی میراث آلینگ.‏

یوحنا 5:44

سیز بیری-بیرینگیزدِن اُوگولِر قابول اِدیَرسینگیز، اِمّا یِکه خودایینگ اُوگوسینی قازانماغا چالیشمایارسینگیز.‏ اُنسُنگ نَدیپ سیزده ایمان بُلسون؟

رومیلار 2:10

اِمّا یاخشیلیق اِدِن هِر بیر آداما:‏ اَوَّل یَهودیلِره، سُنگرا یَهودی دَل‍لِره بِییکلیک، حُرمات و راحاتلیق بُلار،

عِبرانیلار 2:7

اُنی پِریشده‌لِردِن بیرآز واقتلیق آشاق توتدونگ.‏ اُنگا حُرمات و بِییکلیک تاجینی گِیدیردینگ،