12 بیز سیزی سُیشومیز یالی، قُی، عیسی مسیح بیری-بیرینگیزه، هِمّه آداملارا بُلان سُیگینگیزی آرتدیریپ، دُس-دُلی اِتسین.
مِن سُیگینگیزینگ بیلیمده و گویچلی فَهیملیک دِرِجه دُلوپ-آقماغینی دیلِیَرین.
ایکینجیسی-ده: ”هِمسایانگی اُزونگی سُیشونگ یالی سُی!“
خاباردار بُلونگ، هیچ کیم یامانلیغا یامانلیق بیلِن جُغاپ بِرمِسین. قایتام، بیری-بیرینگیزه و هِمّهلِره یاخشیلیق اِتجِک بُلونگ.
بیری-بیرینگیزه سُیگودِن باشغا بِرگینگیز بُلماسین، سِبَبی باشغا بیرینی سُییَن آدام شِریغاتی بِرجای اِدیَندیر.
اِی عزیزلِر، سیزینگ ایمانینگیز گیتدیگچَه اُسیَر، بیری-بیرینگیزه بُلان سُیگینگیز دُلوپ-آقیار. شُنگا گُرَه-ده، بیز هِمیشه خودایا شوکور اِتمِلیدیریس. بو خاص گِرِکلیدیر.
اِمّا مُقادِّس روحونگ میوهلِری بُلسا شولاردیر: سُیگی، شاتلیق، آسودالیق، صابیرلیق، مِهرِبانلیق، یاخشیلیق، وِفادارلیق،
چونکی عیسی مسیحه باغلی بُلانلارینگ آراسیندا نه سونِّتلیلیگینگ، نه-ده سونِّتسیزلیگینگ اَهمییِتی باردیر. یِکه سُیگَه عِمِل اِدیَن ایمان اَهمییِتلیدیر.
شُنگا گُرَه-ده، بیز یِکه خودایینگ خوش خابارینی دَل، بیزَه عزیز بُلدینگیز اوچین جان بِرمَگه-ده حَضیردیک.
تاقوالیقدا مِهرِبانلیغی، مِهرِبانلیقدا خودایینگ سُیگوسینی آرتدیرماغا چالیشینگ.
شُنونگ اوچین آداملارینگ اُزونگیزه نَمه اِتمِگینی ایسلِیَن بُلسانگیز، سیز-ده اُلارا شُنی اِدینگ، سِبَبی تُورات بیلِن پیغامبارلارینگ یازغیلاری-دا شوندا جِملِنیَر.
تانگریمیز و نِجات بِریَنچیمیز عیسی مسیحینگ مِرحِمِتینده و تانیماغیندا اُسونگ. حَضیردِن تا اِبِدییَه چِنلی اُنگا بِییکلیک بُلسون! اَمین.
هِر بیر قاوی و کَمیل ناغمات یُقاردان، آسمانداقی نورلارینگ آتاسیندان گِلیَندیر. اُل هیچ هاچان اویتگِیَن دَلدیر، اُندا اویتگِمِکلیگینگ کُلِگهسی هِم یُقدور.
اِی عزیزلِر، بیز خودایی راضی اِتمِک اوچین نَهیلی یاشامالیدیغینی سیزه اُورِتدیک. سیز حاقیقاتدان هِم شِیله یاشایارسینگیز. ایندی بُلسا شِیله یاشاماقدا خاص-دا اُسمِگینگیزی تانگری عیسانینگ آدیندان سیزه تابشیریاریس.
رِسوللار عیسایا: «بیزینگ ایمانیمیزی آرتدیر!» دییدیلِر.
خودای تایخانینگ اِکجِک تُخومینی، اییجِک چُرِگینی یِتیریَندیر. شُنگا گُرَه-ده، اُل سیزینگ اِکِنینگیزی بُلدان-بُل آرتدیریپ، یاخشیلیغینگیزینگ بُل حاصیلینی یِتیشدیرمِگی هِم باشارار.