۱ تِسالونیکیلِر 2:9 - مُقادِّس کیتاب

⁹ اِی عزیزلِریم، بیزینگ چِکِن آغیر زَحمِتیمیز، گُرِن جِفالاریمیز یادینگیزدادیر.‏ خوش خاباری سیزه واغیظ اِدِن زامانیمیزدا هیچ کیمه آغرام سالماجاق بُلوپ، گیجه-گوندیز ایشلِدیک.‏

۱ تِسالونیکیلِر 2:9 Referans Kwoze

۲ قُرِنتُس‌لار 11:9

مِن آرانگیزدا بُلوپ، مَحتَجلیک چِکِنیمده-ده، سیزینگ هیچ بیرینگیزه آغرام سالان دَلدیرین.‏ سِبَبی گِرِک زاتلاریمینگ بارینی مَقدونیه‌دِن گِلِن دُغانلاریم تاییار اِتدیلِر.‏ مِن هایسیدیر بیر زاتدا سیزه آغرام سالماقدان ساقلاندیم، موندان بِیلَک-ده آغرام سالمارین.‏

رِسول‍لار 18:3

اُلار هِم پولس یالی چادیر تیکمِک بیلِن مِشغولّانیاردیلار، شُنونگ اوچین پولس اُلار بیلِن یاشاپ، بیله ایشلِدی.‏

۲ تیموتاوس 1:3

مِن هِم آتا-بابالاریم یالی خودایا پَک وِجداندان خیدمات اِدیَرین.‏ دُغالاریمدا سِنی گیجه-گوندیز اِلمیداما یادلاپ، خوداییما شوکور اِدیَرین.‏

۱ تیموتاوس 5:5

یِکه قالان دول آیال هِمّه اومیدینی خودایا باغلایاندیر.‏ خودایدان یاردیم ایسلَپ، گیجه-گوندیز دُغا اِدیَندیر.‏

۱ تیموتاوس 4:10

شُل سِبَپلی زَحمِت چِکیپ، قاتی ایخلاص اِدیَریس، چونکی بیز هِمّه آداملارینگ، خاص-دا ایماندارلارینگ نِجات بِریَنچیسی بُلان دیری خودایا بیل باغلایاریس.‏

۱ تِسالونیکیلِر 2:6

بیز اینسانلاردان، سیزدِن-ده و باشغالاردان-دا اُوگی حانتاما دَلدیک.‏ بیز مسیحینگ رِسول‍لاری حُکمونده سیزه آغرام سالیپ هِم بیلِردیک.‏

۱ قُرِنتُس‌لار 9:18

اُندا سیلاغیم نَمِدیر؟ خوش خاباری مُفت واغیظ اِدیپ، اُنونگ مانگا بِریَن حاق-حوقوقیندان پِیدالانمازلیق مِنینگ اوچین سیلاغدیر.‏

۱ قُرِنتُس‌لار 9:15

یُنه مِن بو حاق-حوقوقلاریمینگ بیریندِن-ده پِیدالانان دَلدیرین.‏ مِن مونی یازماق بیلِن سیزدِن حاق-حوقوقیمی طالاب اِتمِکچی بُلامُق.‏ مِنینگ بو قووانمامی، قُی، هیچ کیم باطیل اِتمِسین.‏ شِیله بُلانیندان، اُلِنیم قاوودیر!‏

رِسول‍لار 20:31

شُنونگ اوچین هوشیار بُلونگ.‏ اوچ ییلّاپ گیجه-گوندیز گُزیاشلاریم بیلِن هِر بیرینگیزه هِمیشه ناصیحات اِدِنیمی یادینگیزدا ساقلانگ.‏

۱ تیموتاوس 1:11

هاووا، پَک خودای مانگا اینانیپ بِرِن بِییک خوش خاباری اِدیل شِیله اُورِدیَندیر.‏

۱ تِسالونیکیلِر 3:10

بیز دیدارینگیزی گُرمِک و ایمانینگیزینگ آرتماغی اوچین، گیجه-گوندیز تویس یورِکدِن دُغا اِدیَریس.‏

۱ تِسالونیکیلِر 2:2

بیزینگ اُزال فیلیپیده حُرلوق چِکِندیگیمیزی و کیچِلدیلِندیگیمیزی هِم بیلیَنسینگیز.‏ ایندی بُلسا بَرده-ده قارشیلیغا دوچار بُلدوق.‏ اِمّا مونگا باقمازدان، خودای اُز خوش خابارینی سیزه هِم واغیظ اِتمِک اوچین بیزه گویج بِردی.‏

۱ تِسالونیکیلِر 1:3

ایمانینگ حاصیلی بُلان ایشینگیزی، سُیگودِن عِمِله گِلِن زَحمِتینگیزی، تانگریمیز عیسی مسیحه باغلان اومیدینگیزدان دُرَن جیدامینگیزی آتامیز خودایینگ اُوونده بیرسیخلی یادلایاریس.‏

فیلیپیلِر 4:16

سیز حتّیٰ تِسالونیکی شَهرینده مَحتَجلیک چِکِن زامانیمدا-دا مانگا نَچه گِزِک کُمِگینگیزی یِتیریپدینگیز.‏

۲ قُرِنتُس‌لار 6:5

اورلوپ-یِنجیلمِلِرده، زیندان اِدیلمِلِرده، فیتنه‌لِرده، آغیر ایشلِرده، اوقوسیز گیجه‌لِرده و آچلیغدا صابیر-طاقاتلیق بیلِن جیدایاریس.‏

۱ قُرِنتُس‌لار 4:12

بیز قارا دِر دُکوپ، زَحمِت چِکیَریس.‏ بیزی لَعنِت اِدِنلِرینده، اُلارا یاخشیلیق دیلِیَریس.‏ بیزی آزار بِرِنلِرینده، مونگا جیدایاریس.‏

رومیلار 15:19

عالاماتلار، مُعجِزه‌لِر و مُقادِّس روحونگ گویجینینگ اوستو بیلِن عِمِل اِتدی.‏ شِیلِلیکده، مِن اورشلیمدِن ایلیریکوم وِلایاتینا چِنلی آیلانیپ، عیسی مسیح باراداقی خوش خاباری کَمیل یایراتدیم.‏

رومیلار 15:16

مِنی عیسی مسیحینگ خیدماتکَری حُکمونده یَهودی دَل‍لِرینگ آراسینا ایبِردی.‏ مِن اُلارا خوش خاباری واغیظ اِدیپ، اُز کاهینلیق بِرگیمی بِرجای اِدیَرین.‏ شِیدیپ، بو میلِّتلِر مُقادِّس روحونگ اوستو بیلِن خودایینگ مُقادِّس اِدیلِن و اُنونگ حالایان صاداقاسی بُلار.‏

رومیلار 1:1

عیسی مسیحینگ خیدماتکَری و رِسولّیغا چاغیریلیپ، خودایینگ خوش خابارینی واغیظ اِتمَگه سایلانان مِن پولسدِن دُغایی سالام!‏

لوقا 18:7

اِیسِم، خودای اُز سایلانلارینینگ، گیجه-گوندیز اُزونه یوز توتوپ فِریاد اِدیَنلِرینگ حاقینی آلیپ بِرمِزمی؟ اُلاری کَن گُزلِشدیرِرمی؟

رِسول‍لار 20:24

اِمّا جانیمی اُزوم اوچین باهالی حاساپلامایارین.‏ مِن دینگه یاریشینگ سُنگونا یِتمِک و تانگریمیز عیسانینگ تابشیران ایشینی کِمالا یِرینه یِتیرمِک ایسلِیَرین.‏ بو ایش خودایینگ مِرحِمِتی باراداقی خوش خابارا شاهاتلیق اِتمِکدیر.‏

۱ قُرِنتُس‌لار 9:4

اُندا بیزینگ اییّپ-ایچمَگه حاقیمیز یُقمی؟

۲ قُرِنتُس‌لار 11:27

مِن آغیر زَحمِت چِکدیم، زُر ایشده ایشلِدیم، اِنچِمه گیجَه‌نی اوقوسیز گِچیردیم.‏ آچ-سوسوزلیغینگ نَمِدیگینی بیلیَرین، آچلیقدا گِزدیم، سُووقدا یاریم-یالانگاچ قالدیم.‏