۱ یوحنا 5:19 - مُقادِّس کیتاب

¹⁹ بیز اُزومیزینگ خودایداندیغیمیزی، هِمّه دونیَه‌نینگ بُلسا شِیطانینگ اِلینینگ آشاغیندادیغینی بیلیَریس.‏

۱ یوحنا 5:19 Referans Kwoze

۲ قُرِنتُس‌لار 4:4

بو دونیَه‌نینگ حُکومداری شِیطان ایمان گِتیرمِدیکلِرینگ دوشومینی باغلادی.‏ شُنونگ اوچین-ده اُلار خودایینگ صوراتی بُلان عیسی مسیحینگ بِییکلیگینینگ خوش خابارینینگ نورینی گُروپ بیلمِیَرلِر.‏

اِفِسُسلار 2:2

اِدیل دونیَه‌دَکی بِیلِکی آداملار یالی سیز-ده گونَه‌لی یاشاییشینگ ایزینا دوشوپ، خودایا موطیع بُلمادیقلارا هِنیز-ده تاثیرینی یِتیریَن گُنگدَکی روحی گویچلِرینگ حُکومدارینا عِمِل اِدیَردینگیز.‏

غَلاطیه‌لِر 1:4

آتامیز خودای اِراداسینا گُرَه، عیسی مسیح بیزی شو بِتِرلییَن اِییَمدِن آزاد اِتمِکچی بُلوپ، گونَه‌لِریمیز اوچین اُز جانینی بِردی.‏

یوحنا 12:31

ایندی بو دونیَه‌نینگ حُکوم اِدیلمِلی واقتی گِلدی.‏ اینه، بو دونیَه‌نینگ رِییسی کُولوپ چیقاریلار.‏

آیانلیق 12:9

اولی اژدها اُز پِریشده‌لِری بیلِن یِره زینگیلدی.‏ هاووا، هِمّه دونیَه‌نی آزدیریپ، اِبلیس یا-دا شِیطان دییّپ آدلاندیریلیان بو قادیمی ییلان یِره زینگیلدی.‏

یوحنا 16:11

حُکوم باباتدا آیتسام، بو دونیَه‌نینگ رِییسی مَحکوم اِدیلِندیر.‏

۱ یوحنا 5:20

بیز یِنه شونی بیلیَریس:‏ حاق خودایی تانیپ بیلمِگیمیز اوچین، خودایینگ اُغلی گِلیپ، بیزه عاقیل-فیکری بِردی.‏ بیز حاق خودای و اُنونگ اُغلی عیسی مسیح بیلِن یاشایاریس.‏ عیسی مسیح حاق خودایدیر و اِبِدی یاشاییشدیر.‏

۱ یوحنا 5:13

خودایینگ اُغلونا ایمان گِتیرِن سیزده اِبِدی یاشاییش باردیر دییّپ مِن سیزه، خودایینگ اُغلونا ایمان گِتیرِنلِره یازدیم.‏

یعقوب 4:4

اِی بیوِفالار، دونیَه بیلِن دُستلوق خودایا دوشمان بُلیاندیغینی بیلمِیَرسینگیزمی؟ کیم دونیَه بیلِن دُست بُلسا، خودایا دوشمان بُلیاندیر.‏

یوحنا 14:30

مانگا ایندی سیزینگ بیلِن کِپلِشِره کَن واقت قالمادی، سِبَبی بو دونیَه‌نینگ رِییسی گِلیَر.‏ اُنونگ مِن باباتدا هیچ هیلی ایختییاری یُقدور.‏

۱ یوحنا 5:10

خودایینگ اُغلونا ایمان گِتیرِنده خودایینگ شاهاتلیغی اُزونده باردیر.‏ کیم خودایینگ اُز اُغلی باراداقی شاهاتلیغینا اینانمایان بُلسا، اُل خودایی یالانچی حاساپلاپ، اُنگا ایمان گِتیریَن دَلدیر.‏

۱ یوحنا 3:24

خودایینگ حُکوملِرینی بِرجای اِدیَن آدام خودای بیلِن، خودای هِم اُنونگ بیلِن یاشایاندیر.‏ خودایینگ بیزینگ بیلِن یاشایاندیغینی اُنونگ هِر بیریمیزه بِرِن روحوندان بیلیَریس.‏

آیانلیق 20:3

پِریشده اُنی دویپسوز قوییا زینگدی-دا، قولپلاپ، اوستوندِن مُهورلِدی و اُل مونی مونگ ییل دُلیانچا، اژدها قایدیپ میلِّتلِری آلداماسین دییّپ اِتدی.‏ مونگ ییلدان سُنگ اُل آز واقتلیق بُشادیلمالیدیر.‏

۱ یوحنا 5:18

بیز خودایینگ فِرزِنتلِرینینگ گونَه اِتمِیَندیگینی بیلیَریس.‏ خودایینگ اُغلی اُلاری قُرییاندیر، شِیطان اُلارا اِل اورماز.‏

۲ قُرِنتُس‌لار 5:1

بیزینگ ایندی یاشایان فانی چادیریمیز، یَعنی بِدِنیمیز هِر هاچان وِیران بُلسا-دا، آسماندا اِل بیلِن بِجِریلمِدیک، خودایینگ بِلَّن اِبِدی مِسکِنیمیزینگ باردیغینی بیلیَریس.‏

رومیلار 8:16

شُل روح بیزینگ روحومیز بیلِن بیرلیکده خودایینگ فِرزِنتلِریدیگیمیزه شاهادات بِریَر.‏

۱ یوحنا 3:14

بیز اُزومیزینگ اُلومدِن یاشایشا قاوشاندیغیمیزی بیلیَریس، سِبَبی دُغانلاریمیزی سُییَریس.‏ دُغانینی سُیمِیَن آدام اُلومینگ پِنجِسینده قالیاندیر.‏

تیتوس 3:3

بیز هِم دوشونجِسیز، موطیع‌سیز بُلوپ، یُلدان آزاشیپدیق، هِر هیلی هُوِسلِرینگ و کِیپی-صاپانینگ قول‍لارینا اُورولیپدیک، قاهارجانگدیق، باخیلدیق و بیری-بیریمیزدِن ییگرِنیَردیک.‏

۲ تیموتاوس 1:12

اِدیل شو سِبَبه گُرَه زَحمِت بارینی گُریَن بُلسام-دا، موندان آصلا اوتانمایارین، سِبَبی کیمه ایمان گِتیرِنیمی بیلیَرین.‏ اُنونگ مانگا تابشیران زادینی قیامات گونونه چِنلی ساقلاماغی باشارجاقدیغینا گویچلی اینانیارین.‏

۲ قُرِنتُس‌لار 1:12

اینه، بیز شونگا قووانیاریس:‏ بیز هِر کِس، خاص-دا سیز باباتدا خودایینگ بِرِن دُغریلیغی و پَک یورِکلیگی بیلِن حِرِکِت اِدیَریس.‏ بیز مونی دونیَه‌نینگ حِکمِتینه دَل-ده، خودایینگ مِرحِمِتینه دایانیپ اِدیَریس.‏ مونگا بیزینگ وِجدانیمیز-دا شاهاتدیر.‏

لوقا 4:6

شِیطان عیسی:‏ ‏«‏مِن بولارینگ هِمّه‌سینینگ حُکومدارلیغینی و بِییکلیگینی سانگا بِرِیین.‏ بولار مانگا بِریلدی، مِن هِم اُنی ایسلَنیمه بِریپ بیلیَرین.‏

یوحنا 17:15

اُلاری دونیَه‌دِن آلماغینگی دَل-ده، شِیطاندان قُریماغینگی دیلِیَرین.‏

۱ یوحنا 5:15

اُنونگ هِمّه دیلِگیمیزی اِشیدیَندیگینی بیلیَن بُلساق، اُزوندِن نَمه دیلِسِک آلجاقدیغیمیزی-دا بیلیَندیریس.‏