13 خودایینگ اُغلونا ایمان گِتیرِن سیزده اِبِدی یاشاییش باردیر دییّپ مِن سیزه، خودایینگ اُغلونا ایمان گِتیرِنلِره یازدیم.
یُنه بولار سیزینگ عیسانینگ خودایینگ اُغلی مسیحدیگینه ایمان گِتیرمِگینگیز اوچین و ایمان گِتیریپ، اُنونگ آدی بیلِن یاشایشا قاووشماغینگیز اوچین یازیلدی.
اُل اُزونی قابول اِدیپ، آدینا ایمان گِتیرِنلِرینگ هِمّهسینه خودایینگ فِرزِنتلِری بُلماق حاقینی بِردی.
بو خودایینگ حُکومیدیر: بیز اُنونگ اُغلی عیسی مسیحینگ آدینا ایمان گِتیرمِلیدیریس و عیسانینگ دِستور بِرشی یالی بیری-بیریمیزی سُیمِلیدیریس.
اُنگا ایمان گِتیرِن مَحکوم بُلماز. اِمّا ایمان گِتیرمِدیگه شو واقت مَحکوم اِدیلِندیر، سِبَبی اُل خودایینگ یِکِجه اُغلونا ایمان گِتیرمِدی.
مِن سیزه حاقیقاتی بیلمِیَندیگینگیز اوچین دَل-ده، اُندان باشغا، حاقیقاتی بیلیَندیگینگیز اوچین یازیارین، سِبَبی هیچ بیر یالانینگ حاقیقات بیلِن بیرلیکلیگی یُقدور.
سیز اُغولّیغا قابول اِدیلِنینگیز اوچین، خودای اُزونی «آبّا! آتام!» دییّپ چاغیریان اُغلونینگ روحونی بیزینگ یورِکلِریمیزه ایبِردی.
خودایینگ اُغلونا ایمان گِتیرِنده خودایینگ شاهاتلیغی اُزونده باردیر. کیم خودایینگ اُز اُغلی باراداقی شاهاتلیغینا اینانمایان بُلسا، اُل خودایی یالانچی حاساپلاپ، اُنگا ایمان گِتیریَن دَلدیر.
عزیز بالالاریم! مِن سیزه شولاری گونَه اِتمِزلیگینگیز اوچین یازیارین. اِمّا کیمدیر بیری گونَه اِتسه، آتانینگ حوضوریندا تُوِلّاچیمیز، عیسی مسیح بار، اُل کَمیل عادیلدیر.
شاتلیغیمیز دُلوپ-آقسین دییّپ، بولاری سیزه یازیاریس.
بو قیسغا نامهمی سیزه وِفالی دُغانیم سیلاسینگ اوستو بیلِن یازدیم. مونونگ بیلِن سیزی گُوونلیک بِریپ، خودایینگ حاقیقی مِرحِمِتینه شاهاتلیق اِتدیم. شُندا قاییم دورونگ.
بیزینگ ایندی یاشایان فانی چادیریمیز، یَعنی بِدِنیمیز هِر هاچان وِیران بُلسا-دا، آسماندا اِل بیلِن بِجِریلمِدیک، خودایینگ بِلَّن اِبِدی مِسکِنیمیزینگ باردیغینی بیلیَریس.
اُندان باشغا نِجات بِرجِک یُقدور. اُنونگ آدی هِمّه عالِمده آدامزادی نِجات بِریپ بیلیَن یِکه آددیر.»
عیسی اورشلیمده پِسَح بایرامیندا بُلاندا، کَن آداملار اُنونگ گُرکِزِن عالاماتلارینی گُروپ، اُنگا ایمان گِتیردیلِر.
بو زاتلاری سیزی آزدیرجاق بُلیان آداملاردان خاباردار بُلماغینگیز اوچین یازدیم.
اینه، سیزینگ گُریَن هِم تانییان بو آدامینگیز عیسانینگ آدینا بُلان ایمانینینگ اوستو بیلِن گُزونگیزینگ اُوونده دویبوندِن شِفا تاپدی. سیزینگ هِمَّهنگیزینگ گُرشونگیز یالی، عیسی بُلان بو ایمان اُنی شِفا بِردی.
بو زاتلارا شاهات بُلوپ، شولاری یازان شُل شَگیرتدیر. بیز اُنونگ شاهاتلیغینینگ حاقیقاتدیغینی بیلیَریس.
«سیزه دُغروسینی آیدیارین، مِنینگ سُزلِریمی دینگلَپ، مِنی ایبِرِنه ایمان گِتیرِن آدام اِبِدی یاشایشا اِیه بُلیاندیر، اُل آصلا مَحکوم بُلماز. اُل اُلومدِن یاشایشا گِچِندیر.
چونکی مسیح بیزه اِبِدی یاشایشی واعدا بِردی.
بیزه خودایینگ سُیگوسی، اینه، شوندان آیان بُلدی: خودای اُزونینگ یِکِجه اُغلونینگ اوستو بیلِن بیزه یاشاییش بِرمِک اوچین اُنی دونیَه ایبِریپ، اُز سُیگوسینی آیان اِتدی.
خودایینگ شاهاتلیغی، اینه، شوندان عیبارات: خودای بیزه اِبِدی یاشاییش بِردی، بو یاشایشی اُز اُغلونینگ اوستو بیلِن بِردی.
بیز یِنه شونی بیلیَریس: حاق خودایی تانیپ بیلمِگیمیز اوچین، خودایینگ اُغلی گِلیپ، بیزه عاقیل-فیکری بِردی. بیز حاق خودای و اُنونگ اُغلی عیسی مسیح بیلِن یاشایاریس. عیسی مسیح حاق خودایدیر و اِبِدی یاشاییشدیر.