۱ یوحنا 3:22 - مُقادِّس کیتاب

²² اُندان نَمه دیلِسِک آلاریس، سِبَبی بیز اُنونگ حُکوملِرینی بِرجای اِدیپ، اُنی خُشنود اِدیَن ایشلِری اِدیَندیریس.‏

۱ یوحنا 3:22 Referans Kwoze

یوحنا 15:7

مِنده مِسکِن توتوپ، سُزلِریمی یورِگینگیزده ساقلاسانگیز، نَمه دیلِسِنگیز، سیزه بِریلِر.‏

یوحنا 9:31

خودایینگ گونَه‌کَرلِری دینگلِمِیَندیگینی بیلیَریس، اِمّا کیم خودایدان قُرقوپ، ایسلِگینی بِرجای اِتسه، اُنی دینگلِیَر.‏

مَتّیٰ 21:22

ایمانینگیز بار بُلسا، دُغا اِدِنینگیزده، نَمه دیلِسِنگیز، آلارسینگیز»‏ دییّپ جُغاپ بِردی.‏

۱ یوحنا 5:14

بیز خودایا بیل باغلایاریس، سِبَبی اُنونگ اِراداسینا گُرَه نَمه دیلِسِک، دیلِگیمیزی اِشیدیَندیگینی بیلیَریس.‏

مَرقُس 11:24

شُنونگ اوچین سیزه دییَّرین:‏ دُغا-دیلِگ اِدیپ، خودایدان سُران هِر بیر زادینگیزی اِییَم آلاندیغینگیزا اینانینگ، اُل سیزه بِرلِر.‏

یوحنا 14:13

آتام اُغلونونگ اوستو بیلِن بِییکلِنِر یالی، مِنینگ آدیم بیلِن نَمه دیلِسِنگیز، دیلِگینگیزی بیتیرِرین.‏

یعقوب 1:5

اِگِر هِر کیم حِکمِت ایسلِیَن بُلسا، قُی، اُل خودایدان دیلِسین.‏ هِمّه‌لِره مینِّتسیز و ساخیلیق بیلِن بِریَن خودای اُنگا هِم بِرِر.‏

یوحنا 8:29

مِنی ایبِرِن مِنینگ بیلِندیر، اُل مِنی یِکه قُیوپ گیتمِدی.‏ سِبَبی مِن هِمیشه اُنگا حالایان زاتلاری اِدیَرین»‏ دییدی.‏

کولُسیلِر 1:10

شِیله هِم مسیحه میناسیپ دورموشدا یاشاپ، اُنی هِر باباتدا خُشنود اِتمِگینگیز اوچین دُغا اِدیَریس.‏ قُی، سیزینگ هِمّه یاخشی ایشلِرینگیز میوه بِرسین.‏ قُی، خودایی تانیماقدا سیزی خاص-دا اُسدورسین.‏

یعقوب 5:16

شِفا تاپار یالی، گونَه‌لِرینگیزی بیری-بیرینگیزینگ یانیندا بُیون آلیپ، بیری-بیرینگیز اوچین دُغا اِدینگ.‏ تاقوالی آدامینگ ایخلاصلی دیلِگی خاص گویچلی هِم تاثیرلیدیر.‏

یوحنا 6:29

عیسی اُلارا:‏ ‏«‏خودایینگ ایشینی بِرجای اِتمِک ایسلِیَن بُلسانگیز، اُنونگ ایبِرِنینه ایمان گِتِرینگ»‏ دییّپ جُغاپ بِردی.‏

فیلیپیلِر 4:18

مِنینگ هِمّه زادیم بار، آرتیغی بیلِن هِم بار.‏ اِپافرودیتوس سیزینگ ایبِرِن سُوغاتلارینگیزی گِتیرِن بَری، کِم زادیم قالمادی.‏ بولار ایسلی عاطیر قربانلیق کیمین خودایینگ حالایان قربانیسیدیر.‏

رِسول‍لار 17:30

خودای گِچمیشده اینسانلارینگ بو دوشونمِزلیکلِرینی اینکَر اِتمِسینه گُز یومدی.‏ ایندی بُلسا اُل هِمّه یِرده تامام آداملارینگ توبا اِتمِگینی اِمر اِدیَر.‏

یوحنا 15:10

مِن آتامینگ حُکوملِرینی بِرجای اِدیپ، اُنونگ سُیگوسینه وِفالی بُلشوم یالی، سیز هِم حُکوملِریمی بِرجای اِتسِنگیز، مِنینگ سُیگیمه وِفالی بُلارسینگیز.‏

مَتّیٰ 17:5

اُل هِنیز کِپلَپ دورقا، یاغتی بیر بولوت اُلارینگ اوستونی اُرتدی.‏ بولوتدان بیر سِس گِلیپ:‏ ‏«‏بو مِنینگ عزیز اُغلومدیر، مِن اُندان کَن راضیدیرین.‏ اُنگا قولاق آسینگ»‏ دییدی.‏

رِسول‍لار 20:21

مِن یَهودیلِری-ده، یونانیلاری-دا توبا اِدیپ، خودایا دُلانماغا و تانگریمیز عیسی مسیحه ایمان گِتیرمَگه چاغیردیم.‏

یعقوب 4:3

دیلَنینگیزده-ده، هیچ زات آلمایارسینگیز، سِبَبی یامان نییِت بیلِن، اُز هُوِسلِرینگیزه خارجلاماق اوچین دیلِیَرسینگیز.‏

۱ یوحنا 2:3

اِگِر خودایینگ حُکوملِرینی بِرجای اِدیَن بُلساق، اُندا بیز خودایی تانییاندیغیمیزی بیلیَریس.‏