۱ یوحنا 3:21 - مُقادِّس کیتاب

²¹ عزیزلِریم، اِگِر وِجدانیمیز بیزی مَحکوم اِتمِسه، اُندا خودایینگ حوضوریندا خاطیرجِم بُلاریس.‏

۱ یوحنا 3:21 Referans Kwoze

۱ یوحنا 2:28

ایندی، اِی بالالار، مسیح گِلِنده اینامیمیز بُلوپ، اُنونگ حوضوریندا اوتانماز یالی، اُنونگ بیلِن یاشایلینگ.‏

عِبرانیلار 4:16

گِلینگ، مِرحِمِتلی خودایینگ تاختینا باتیرلیق بیلِن قُلایلاشایلینگ.‏ شُندا اُل مِرحِمِت اِدیپ، گِرِک واقتدا بیزه یاردیم بِرِر.‏

۲ قُرِنتُس‌لار 1:12

اینه، بیز شونگا قووانیاریس:‏ بیز هِر کِس، خاص-دا سیز باباتدا خودایینگ بِرِن دُغریلیغی و پَک یورِکلیگی بیلِن حِرِکِت اِدیَریس.‏ بیز مونی دونیَه‌نینگ حِکمِتینه دَل-ده، خودایینگ مِرحِمِتینه دایانیپ اِدیَریس.‏ مونگا بیزینگ وِجدانیمیز-دا شاهاتدیر.‏

۱ یوحنا 5:14

بیز خودایا بیل باغلایاریس، سِبَبی اُنونگ اِراداسینا گُرَه نَمه دیلِسِک، دیلِگیمیزی اِشیدیَندیگینی بیلیَریس.‏

۱ یوحنا 4:17

شِیلِلیک بیلِن سُیگی بیزده کَمیلِّشیپ، قیامات گونونده بیزه خاطیرجِملیک بِرِر.‏ سِبَبی بیز بو دونیَه‌ده اِدیل مسیح یالی یاشایاریس.‏

عِبرانیلار 10:22

شُنگا گُرَه-ده، تویس یورِکدِن و کَمیل اینامداقی ایمان بیلِن خودایا یاقینلاشایلینگ.‏ مسیح قالبیمیزی اُز قانی بیلِن پَکلَپ و وِجدانیمیزی گونَه‌دِن آزاد اِتدی و بِدِنیمیزی آراسّا سو بیلِن یوودی.‏

۱ قُرِنتُس‌لار 4:4

مِن اُزومده عاییپ گُرمِسِم-ده، یُنه بو زاتلار مِنی پَک اِتمِیَر.‏ موندان باشغا مانگا مسیح قاضیلیق اِدیَندیر.‏

۱ تیموتاوس 2:8

شُنگا گُرَه-ده، اِرکِکلِرینگ قاهارلانمان، جِدِلِّشمَن، هِمّه یِرده اِل‍لِرینی قالدیریپ، پَک یورِکدِن دُغا اِتمِکلِرینی ایسلِیَرین.‏

رومیلار 14:22

اییّپ-ایچمِکلیک باراداقی اینانچلارینگی دینگه اُزونگ و خودای بیلسین.‏ اُز اینانجینا گُرَه حِرِکِت اِدیپ، اُز-اُزونی عاییپلامایان آدام خوشواقتدیر.‏

اِفِسُسلار 3:12

عیسی مسیح و اُنگا بُلان ایمانیمیزینگ اوستو بیلِن بیز خودایینگ حوضورینا اولی اینام و باتیرلیق بیلِن یاقینلاشیپ بیلیَریس.‏

۱ یوحنا 2:7

اِی عزیزلِریم، مِن سیزه تَزه حُکوم دَل-ده، اُزال-باشدان بِرلِن کُهنه حُکومی یازیارین.‏ بو کُهنه حُکوم سیزینگ اُوالقی اِشیدِن سُزونگیزدیر.‏

۱ یوحنا 3:2

عزیزلِریم، بیز ایندی خودایینگ فِرزِنتلِریدیریس.‏ بیزینگ نَهیلی اویتگِجِکدیگیمیز هِنیز بِلّی دَل، اِمّا مسیحینگ گِلیپ گُرِنجِک واقتیندا اُنگا مِنگزِجِکدیگیمیزی بیلیَریس، سِبَبی اُنی بُلشی یالی گُرِریس.‏