2 عزیزلِریم، بیز ایندی خودایینگ فِرزِنتلِریدیریس. بیزینگ نَهیلی اویتگِجِکدیگیمیز هِنیز بِلّی دَل، اِمّا مسیحینگ گِلیپ گُرِنجِک واقتیندا اُنگا مِنگزِجِکدیگیمیزی بیلیَریس، سِبَبی اُنی بُلشی یالی گُرِریس.
سِبَبی عیسی مسیح بیزینگ اِجیز و اَهمییِتسیز بِدِنلِریمیزی اویدگِدیپ، اُز بِییک بِدِنینه مِنگزِدِر. اُل مونی هِر زادی اُزونه موطیع اِتمِگی باشاریان گویجی بیلِن یِرینه یِتیرِر.
مسیح سیزینگ یاشاییشینگیزدیر. اُل آیان بُلاندا، سیز هِم اُنونگ بیلِن بیله بِییکلیکدَه آیان بُلارسینگیز.
بیز هِم یوزومیزی باسیرمان، خودایینگ بِییکلیگینینگ یالقیمینی گُریَریس. خودایینگ روحی هِمَّهمیزی گیتدیگیچه نورلاندیریپ، بیزی اُز صوراتینا اویتگِدیَر.
حَضیر هِمّه زادی توتوق آینادان گُریَن یالی گُریَریس. اِمّا سُنگرا هِمّه زادی یوزبه-یوز گُرِریس. مِن حَضیر آزاجیق بیلیَرین، یُنه شُندا خودایینگ مِنی کَمیل تانیشی یالی کَمیل تانییارین.
چونکی خودای اُلاری اُووندِن سایلاپ-سِچدی و «مِنینگ اُغلوما مِنگزِسینلِر» دییّپ، اُنگدِن بِلَّپ قُیدی. اُل مونی عیسی مسیحینگ کَن اِرکِک و آیال دُغانلارینینگ آراسیندا باشداقی بُلماغی اوچین عِمِل اِتدی.
بیز تُپراقدان یارادیلان اینسانا نَهیلی مِنگزَن بُلساق، آسماندان بُلانا هِم شِیله مِنگزَریس.
اُلار خودایینگ یوزونی گُرِرلِر و مانگلایلاریندا اُنونگ آدی بُلار.
خودای بیزه خاص قیماتلی و اولی واعدالاری بِردی. اُل بو واعدالارینگ اوستو بیلِن سیزینگ بو دونیَهدَکی تِلِکه هُوِسلِردِن دُرِیَن آخلاقسیزدان داش دوروپ، اُز طِبیغاتینا شِریک بُلماغینگیزی نییِت اِتدی.
اِمّا مُقادِّس یازغیلاردا یازیلیشی یالی: «خودایی سُییَنلِر اوچین اُنونگ تاییارلان زاتلارینی نه گُز گُروپدی، نه-ده قولاق اِشیدیپدی، نه-ده اینسان عاقیلی یِتیپدی.»
آتامیز خودایینگ بیزی نَهیلی گویچلی سُییَندیگینی بیر گُر-باقینگ! اُل بیزی اُز فِرزِنتلِری دییّپ آدلاندیریار. دُغرودان-دا، بیز اُنونگ فِرزِندیدیریس! دونیَه خودایی تانیمانسُنگ، بیزی-ده تانیمایار.
سیز اُغولّیغا قابول اِدیلِنینگیز اوچین، خودای اُزونی «آبّا! آتام!» دییّپ چاغیریان اُغلونینگ روحونی بیزینگ یورِکلِریمیزه ایبِردی.
مِنینگ فیکریمچه، شو واقتقی قینچیلیقلاریمیزی بیزه آیان بُلجاق گِلِجِکّی بِییکلیک بیلِن دِنگِشدیریپ-ده بُلماز.
سیزینگ بارینگیز عیسی مسیحه باغلی بُلوپ، اُنگا بُلان ایمانینگیزینگ اوستو بیلِن خودایینگ فِرزِنتلِریسینگیز.
اِی آتا، سِنینگ مانگا بِرِن اینسانلارینگ-دا مِنینگ بیلِن بیر یِرده بُلماقلارینی ایسلِیَرین. شِیله هِم، دِگمه، اُلار مِنینگ بِییکلیگیمی و سِنینگ مانگا بِرِن بِییکلینگی گُرسونلِر. چونکی سِن مِنی دونیَه یارادیلمازدان اُنگ سُییَردینگ.
قالبی پَکلِر خوشواقتدیر، چونکی اُلار خودایی گُرِرلِر.
ایندی، اِی بالالار، مسیح گِلِنده اینامیمیز بُلوپ، اُنونگ حوضوریندا اوتانماز یالی، اُنونگ بیلِن یاشایلینگ.
اِدیل شُنونگ یالی، مسیح هِم کَن آداملارینگ گونَهلِرینی یووماق اوچین، بیر گِزِک قربانی بُلدی. اِمّا اُل ایکینجی گِزِک گِلِنده، گونَهلِری یووماق اوچین دَل-ده، شِیله بُلسا اُزونه اینتیظارلیق بیلِن قاراشیانلاری نِجات بِرمِک اوچین گِلِر.
چونکی واقتلایین و یِنگیل قینچیلیقلاریمیز بیزه خاص عجاییپ، اولی و اِبِدی بِییکلیک قازاندیرار. شُندا بو قینچیلیقلار اِدیل بُلمادیق یالی بُلار.
عیسانینگ مسیحدیگینه اینانیان هِر بیر آدام خودایینگ فِرزِندیدیر. آتانی سُییَن آدام اُنونگ فِرزِندینی-ده سُییَندیر.
«اینسان اُغلونینگ گُرونجِک گونونده هِم شِیله بُلار.
آصلا اُلمِزلِر، سِبَبی اُلار پِریشدهلِر یالیدیر. اُلار قیاماتینگ فِرزِنتلِریدیگی اوچین خودایینگ فِرزِنتلِریدیر.
اُل اُزونی قابول اِدیپ، آدینا ایمان گِتیرِنلِرینگ هِمّهسینه خودایینگ فِرزِنتلِری بُلماق حاقینی بِردی.
اُل دینگه بیر شُل میلِّت اوچین دَل-ده، شُندا خودایینگ پیتیران فِرزِنتلِرینی بیر یِره ییغناپ بیرلِشدیرمِک اوچین هِم اُلمِلیدی.
شُل روح بیزینگ روحومیز بیلِن بیرلیکده خودایینگ فِرزِنتلِریدیگیمیزه شاهادات بِریَر.
خودایینگ اُز فِرزِنتلِرینینگ بِییکلیگینی آیان اِتجِک واقتینا هِمّه یارادیلیش هِم صابیرسیزلیق بیلِن قاراشیار.
اِی عزیزلِریم، مِن سیزه تَزه حُکوم دَل-ده، اُزال-باشدان بِرلِن کُهنه حُکومی یازیارین. بو کُهنه حُکوم سیزینگ اُوالقی اِشیدِن سُزونگیزدیر.
کیمینگ خودایینگ فِرزِندیدیگی، کیمینگ بُلسا شِیطانینقیدیغی شوندان بِلّی: دُغری ایش اِتمِیَن و دُغانینی سُیمِیَن آدام خودایدان دَلدیر.
عزیزلِریم، اِگِر وِجدانیمیز بیزی مَحکوم اِتمِسه، اُندا خودایینگ حوضوریندا خاطیرجِم بُلاریس.
مِن اُنگا دانگ ییلدیزینی هِم بِرِرین.