۱ یوحنا 3:12 - مُقادِّس کیتاب

¹² شِیطانا دِگیشلی بُلوپ، اُز دُغانی هابیلی اُلدورِن قابیل یالی بُلمایلینگ.‏ قابیل اُنی نَمه اوچین اُلدوردی؟ سِبَبی اُز اِدِن ایشلِری تِلِکه‌لیکدی، دُغانینینگقی بُلسا دُغرودی.‏

۱ یوحنا 3:12 Referans Kwoze

عِبرانیلار 11:4

هابیل ایمانینگ اوستو بیلِن خودایا قابیلدان خاص قاوی قربانلیق هُدورلِدی.‏ خودای هابیل‌ینگ قربانلیغیندان راضی بُلوپ، اُنی ایمانینگ اوستو بیلِن تاقوالی آدام حاساپلادی.‏ هابیل اُلِن هِم بُلسا، ایمانینگ اوستو بیلِن حَضیر هِم کِپلِیَر.‏

یهودا 1:11

اُلارینگ حالینا وای!‏ اُلار قابیلینگ یُلونی توتویارلار.‏ بَلعام یالی، پول اوچین آداملاری آلدایارلار.‏ قورِح یالی باش قالدیراندیقلاری اوچین هِلَک بُلیارلار.‏

لوقا 11:51

هابیل‌ینگ قانیندان باشلاپ، عیباداتخانا بیلِن قربانلیق جایینینگ آراسیندا اُلدوریلِن زِکِریانینگ قانینا چِنلی بو نِسل جُغاپکَردیر.‏ هاووا، مِن سیزه شونی آیدیارین:‏ هِمّه یامانلیقلار اوچین شو نِسل جُغاپ بِرِر.‏

مَتّیٰ 23:35

شِیلِلیکده، یِر یوزونده بی‌گونَه دُکولِن هِر بیر دُغری آدامینگ قانینا سیز جُغاپکَرسینگیز.‏ هابیل‌ینگ قانیندان، عیباداتخانا بیلِن قربانلیق جایینگ آراسیندا اُلدورِنینگیز بِرِخیانینگ اُغلی زِکِریانینگ قانینا چِنلی سیز جُغاپکَرسینگیز.‏

۱ پِطرُس 4:4

ایندی بُلسا شُل اُوالقی بُت‌پَرَستلیک اِدیَنلِر سیزینگ اُزلِری بیلِن بیله تِلِکه‌لیکلیگه قُشولمایاندیغینگیزا گِنگ قالیپ، سیزه سِویَرلِر.‏

عِبرانیلار 12:24

سیز تَزه عَهدینگ بُنیاتچیسی عیسانینگ حوضورینا گِلدینگیز.‏ هابیل‌ینگ اِنتِقام آلماغا قیغیریان قانینا دَل-ده، شِیله بُلسا گونَه‌لِریمیزی یووماق اوچین سِپیلِن عیسانینگ قانینا یاقینلاشدینگیز.‏

۱ یوحنا 3:8

گونَه اِدیَن آدام شِیطانا دِگیشلیدیر، سِبَبی شِیطان باشلانان زاماندان بَری گونَه اِدیپ گِلیَندیر.‏ اِمّا خودایینگ اُغلی شِیطانینگ ایشلِرینی باطیل اِتمِک اوچین گِلدی.‏

رِسول‍لار 7:52

آتا-بابالارینگیزینگ، هیچ زامان، آزار بِرمِدیک پیغامباری بارمی؟ اُلار حتّیٰ دُغری بُلانینگ گِلجِگینی اُووندِن آیدانلاری-دا اُلدوردیلِر.‏ سیز بُلسا بو دُغری اینسانا خایینلیق اِدیپ ناحاق اُلدوردینگیز.‏

یوحنا 10:32

عیسی اُلارا:‏ ‏«‏مِن آتام طارافیندان سیزه کَن یاخشیلیقلار اِتدیم.‏ بولارینگ هایسیسی اوچین مِنی داشلاجاق بُلیارسینگیز؟»‏ دییدی.‏

مَتّیٰ 27:23

پیلاتُس:‏ ‏«‏نَمه اوچین؟ اُل نَمه یامانلیق اِتدی؟»‏ دییّپ سُرادی.‏ اِمّا اُلار:‏ ‏«‏اُنی صلیبه چویله!‏»‏ دییّپ، خاص بِتِر قیغیریشدیلار.‏

مَتّیٰ 13:38

اِکینچیلیگی بُلسا دونیَه‌دیر.‏ قاوی تُخوم آسمانینگ پادیشاهلیغینینگ فِرزِنتلِریدیر.‏ بیدِرِک اُتلار بُلسا شِیطانینگ فِرزِنتلِریدیر.‏

مَتّیٰ 13:19

بیری آسمانینگ پادیشاهلیغی حاقینداقی سُزی اِشیدیپ، اُنگا دوشونمِسه، شِیطان گِلیپ، اُنونگ یورِگینده سِپِلِنی سُغروپ آلیار.‏ یُلونگ قیراسیندا سِپیلِن بودور.‏

آیانلیق 17:6

اُنسُنگ آیال خودایینگ خالقینینگ و عیسانینگ شاهاتلارینینگ قانینی ایچیپ، سِرخُش بُلانینی گُردوم.‏ مونی گُروپ، قاتی حایران قالدیم.‏

۱ تِسالونیکیلِر 2:14

اِی عزیزلِر، سیز خودایینگ یهودیه‌ده عیسی مسیحه دِگیشلی بُلان کِلیسالارینی نِمونه آلدینگیز.‏ شُنگا گُرَه-ده، بو کِلیسالارینگ یَهودیلِردِن چِکِن زَحمِتلِرینی سیز هِم اُز ایلدِشلِرینگیزدِن چِکمِلی بُلدونگیز.‏

مَتّیٰ 5:37

سیزینگ ‏”‏هاووانگیز“‏ هاووا، ‏”‏یُغونگیز“‏ یُق بُلسون.‏ موندان آرتیغی شِیطانداندیر.‏

یوحنا 8:40

اِمّا سیز مِنی، یَعنی خودایدان اِشیدِن حاقیقاتی آیدیان اینسانی اُلدورمِکچی بُلیارسینگیز.‏ ابراهیم بِیله ایش اِتمَندی.‏

یوحنا 8:41

سیز ابراهیمینگ دَل-ده، اُز آتانگیزینگ ایشلِرینی اِدیَرسینگیز»‏ دییدی.‏ اُلار اُنگا:‏ ‏«‏بیز زینادان دُغان دَل، بیزینگ یِکِجه بیر آتامیز بار، اُل خودایینگ اُزودیر»‏ دییدیلِر.‏