3 اِگِر خودایینگ حُکوملِرینی بِرجای اِدیَن بُلساق، اُندا بیز خودایی تانییاندیغیمیزی بیلیَریس.
«مِنی سُییَن بُلسانگیز، حُکوملِرینی بِرجای اِدینگ.
مِن آتامینگ حُکوملِرینی بِرجای اِدیپ، اُنونگ سُیگوسینه وِفالی بُلشوم یالی، سیز هِم حُکوملِریمی بِرجای اِتسِنگیز، مِنینگ سُیگیمه وِفالی بُلارسینگیز.
خودایی سُیمِک اُنونگ حُکوملِرینی بِرجای اِتمِکدیر. اُنونگ حُکوملِری بُلسا آغیر دَلدیر.
«نَمه اوچین مانگا: ”یا آقام! یا آقام!“ دییّپ-ده، آیدانلاریمی اِتمِیَرسینگیز؟
اِگِر حُکوملِریمی بِرجای اِتسِنگیز، مِنینگ دُستلاریم بُلارسینگیز.
خودای هِر بیریمیزه اُز روحونی بِردی. خودایینگ بیز بیلِن و بیز خودای بیلِن یاشایاندیغیمیز شُندان بیلیَریس.
شِیلِلیکده، عیسی مسیح کَمیل بُلوپ، اُل اُزونه موطیع بُلیانلارینگ هِمّهسینی اِبِدیلیک نِجات بِرمِگی باشاریار.
شُندا بیز اُزومیزینگ حاقیقاتا دِگیشلیدیگیمیزی بیلِریس و خودایینگ حوضوریندا بیزینگ وِجدانیمیز آسودا بُلار. اِگِر وِجدانیمیز بیزی مَحکوم اِتسه، خودای اُندان بِییکدیر، اُل هِمّه زادی بیلیَندیر.
اِبِدی یاشاییش بُلسا، سِنی، یَعنی یِکه حاق خودایی و سِنینگ ایبِرِن عیسی مسیحینگی تانیماقدیر.
بیز اُزومیزینگ خودایداندیغیمیزی، هِمّه دونیَهنینگ بُلسا شِیطانینگ اِلینینگ آشاغیندادیغینی بیلیَریس.
بیز اُزومیزینگ اُلومدِن یاشایشا قاوشاندیغیمیزی بیلیَریس، سِبَبی دُغانلاریمیزی سُییَریس. دُغانینی سُیمِیَن آدام اُلومینگ پِنجِسینده قالیاندیر.
چونکی «قارانگقیلیقدا نور پارلاسین» دییِن خودای بیزینگ-ده یورِکلِریمیزی یاغتیلاندیریپ، عیسی مسیحینگ یوزونده پارلایان اُز بِییکلیگینی بیزه تانیتدی.
اُز لِباسلارینی یوویانلار خوشواقتدیر! اُلارینگ یاشاییش باغینینگ میوهسیندِن اییمَگه و شَهرینگ دِروِزهسیندِن گیرمَگه حاقلاری باردیر.
اِی آتالار، سیزه یازیارین، چونکی سیز اُنی، اُزال-باشدان آیان بُلان مسیحی تانییارسینگیز. اِی ییگیتلِر، سیزه یازیارین، چونکی سیز شِیطانی یِنگدینگیز.
مسیح بیلِن یاشایان آدام گونَهدِن یوز اُورِر. اِمّا هِنیز هِم گونَه اِدیَن آدام اُنی نه گُرِندیر، نه-ده تاناندیر.
اِی عزیزلِریم، بیری-بیریمیزی سُیِیلینگ، چونکی سُیگی خودایداندیر. کیم سُییَن بُلسا، خودایینگ فِرزِندیدیر، اُل خودایی تانییاندیر.
بیز خودایینگ فِرزِنتلِرینی سُییَندیگیمیزی نَدیپ بیلیَریس؟ خودایی سُیوپ، اُنونگ حُکوملِرینی بِرجای اِدیَنیمیزدِن بیلیَریس.
اُنسُنگ اژدها آیالا قاتی غاضابلاندی. اُل آیالینگ بِیلِکی فِرزِنتلِری، یَعنی خودایینگ حُکوملِرینی بِرجای اِدیپ، عیسی بارادا شاهاتلیق اِدیَنلِر بیلِن جِنگ اِتمَگَه گیتدی.
شُنگا گُرَه-ده، خودایینگ حُکوملِرینی بِرجای اِدیپ، عیسی مسیحه وِفادار بُلوپ قالیانلار صابیرلی بُلمالیدیر.