۱ یوحنا 2:13 - مُقادِّس کیتاب

¹³ اِی آتالار، سیزه یازیارین، چونکی سیز اُنی، اُزال-باشدان آیان بُلان مسیحی تانییارسینگیز.‏ اِی ییگیتلِر، سیزه یازیارین، چونکی سیز شِیطانی یِنگدینگیز.‏

۱ یوحنا 2:13 Referans Kwoze

یوحنا 14:7

اِگِر مِنی تانیسانگیز، آتامی-دا تانییارسینگیز.‏ ایندیدِن سُنگرا اُنی تانییارسینگیز و اُنی گُردونگیز»‏ دییدی.‏

۱ یوحنا 2:14

اِی بالالار، سیزه یازیارین، چونکی سیز آتامیز خودایی تانییارسینگیز.‏ اِی آتالار، سیزه یازیارین، چونکی سیز اُنی، اُزال-باشدان آیان بُلان مسیحی تانییارسینگیز.‏ اِی ییگیتلِر، سیزه یازیارین، چونکی سیز گویچلیسینگیز، خودایینگ سُزی قالبینگیزا یِرلِشِندیر و سیز شِیطانی یِنگدینگیز.‏

۱ یوحنا 4:4

عزیز بالالار، سیز بُلسا خودایدانسینگیز.‏ سیزدَکی روحونگ دونیَه‌دَکی روحلاردان اوستوندیگی اوچین، سیز یالان نِبیلِری یِنگِنسینگیز.‏

۱ یوحنا 1:1

بیز سیزه اُزال-باشدان بار بُلان یاشاییش سُزی بارادا خابار بِریَریس.‏ قولاغیمیز بیلِن اِشیدیپ، اِلیمیز بیلِن توتوپ، گُزومیز بیلِن گُرِنلِریمیزی اِعلان اِدیَریس.‏

لوقا 10:22

‏«‏آتام هِمّه زادی مانگا تابشیردی.‏ اُغلونگ کیمدیگینی آتادان باشغا هیچ کیم بیلمِز.‏ آتانینگ هِم کیمدیگینی اُغولدان و اُغلونگ اَشکَر اِتمِک ایسلِیَن آداملاریندان باشغا هیچ کیم بیلمِز»‏ دییدی.‏

یوحنا 17:3

اِبِدی یاشاییش بُلسا، سِنی، یَعنی یِکه حاق خودایی و سِنینگ ایبِرِن عیسی مسیحینگی تانیماقدیر.‏

۱ یوحنا 5:18

بیز خودایینگ فِرزِنتلِرینینگ گونَه اِتمِیَندیگینی بیلیَریس.‏ خودایینگ اُغلی اُلاری قُرییاندیر، شِیطان اُلارا اِل اورماز.‏

۱ یوحنا 3:12

شِیطانا دِگیشلی بُلوپ، اُز دُغانی هابیلی اُلدورِن قابیل یالی بُلمایلینگ.‏ قابیل اُنی نَمه اوچین اُلدوردی؟ سِبَبی اُز اِدِن ایشلِری تِلِکه‌لیکدی، دُغانینینگقی بُلسا دُغرودی.‏

مَتّیٰ 11:27

آتام هِمّه زادی مانگا تابشیردی.‏ اُغلی آتادان باشغا هیچ کیم تانییان دَلدیر.‏ اُغولدان و اُغلونگ اُنی اَشکَر اِتمِک ایسلِیَن آداملاریندان باشغا هیچ کیم آتانی تانییان دَلدیر.‏

۱ یوحنا 5:20

بیز یِنه شونی بیلیَریس:‏ حاق خودایی تانیپ بیلمِگیمیز اوچین، خودایینگ اُغلی گِلیپ، بیزه عاقیل-فیکری بِردی.‏ بیز حاق خودای و اُنونگ اُغلی عیسی مسیح بیلِن یاشایاریس.‏ عیسی مسیح حاق خودایدیر و اِبِدی یاشاییشدیر.‏

۱ یوحنا 2:12

اِی بالالار، سیزه یازیارین، چونکی عیسی مسیحینگ آدینا گونَه‌لِرینگیز باغیشلاندی.‏

۱ یوحنا 2:1

عزیز بالالاریم!‏ مِن سیزه شولاری گونَه اِتمِزلیگینگیز اوچین یازیارین.‏ اِمّا کیمدیر بیری گونَه اِتسه، آتانینگ حوضوریندا تُوِلّاچیمیز، عیسی مسیح بار، اُل کَمیل عادیلدیر.‏

تیتوس 2:6

یاش ییگیتلِره هِم اُز نِفسیلِرینی ساقلاماغی ناصیحاتلا.‏

۲ قُرِنتُس‌لار 4:6

چونکی ‏«‏قارانگقیلیقدا نور پارلاسین»‏ دییِن خودای بیزینگ-ده یورِکلِریمیزی یاغتیلاندیریپ، عیسی مسیحینگ یوزونده پارلایان اُز بِییکلیگینی بیزه تانیتدی.‏

یوحنا 16:3

اُلار بو ایشلِری آتا بیلِن مِنی تانیمییاندیقلاری اوچین اِدِرلِر.‏

یوحنا 14:9

عیسی اُنگا شِیله دییدی:‏ ‏«‏اِی فیلیپُس، مِن سیزینگ بیلِن شِیله کَن واقت بُلسام-دا، مِنی تانیمادینگمی؟ مِنی گُرِن آتانی-دا گُرِندیر.‏ سِنینگ ‏”‏آتانی بیزه گُرکِز“‏ دییمَنگ نَمه؟

یوحنا 8:19

اُنسُنگ عیسادان:‏ ‏«‏سِنینگ آتانگ نیرِده؟»‏ دییّپ سُرادیلار.‏ عیسی اُلارا:‏ ‏«‏سیز نه مِنی تانییارسینگیز، نه-ده مِنینگ آتامی.‏ مِنی تانییان بُلسادینگیز، مِنینگ آتامی-دا تاناردینگیز»‏ دییدی.‏

مَتّیٰ 13:38

اِکینچیلیگی بُلسا دونیَه‌دیر.‏ قاوی تُخوم آسمانینگ پادیشاهلیغینینگ فِرزِنتلِریدیر.‏ بیدِرِک اُتلار بُلسا شِیطانینگ فِرزِنتلِریدیر.‏

مَتّیٰ 13:19

بیری آسمانینگ پادیشاهلیغی حاقینداقی سُزی اِشیدیپ، اُنگا دوشونمِسه، شِیطان گِلیپ، اُنونگ یورِگینده سِپِلِنی سُغروپ آلیار.‏ یُلونگ قیراسیندا سِپیلِن بودور.‏

۱ تیموتاوس 5:1

قارّی آدامی کَیِمه-ده، اُنی اُز آتانگ کیمین گُروپ، اِدِبلیک بیلِن ناصیحات بِر.‏ یاش ییگیتلِره اُز دُغانلارینگ یالی،

یوحنا 17:21

اُلارینگ هِمّه‌سی بیر بُلسون.‏ آتا، سِن مِنده و مِن-ده سِنده بُلشوم یالی، اُلار هِم بیزده بُلسونلار.‏ شِیلِلیکده، مِنی سِنینگ ایبِرِندیگینگه دونیَه ایمان گِتیرسین.‏

مَتّیٰ 5:37

سیزینگ ‏”‏هاووانگیز“‏ هاووا، ‏”‏یُغونگیز“‏ یُق بُلسون.‏ موندان آرتیغی شِیطانداندیر.‏

یوحنا 16:33

بو زاتلاری سیزه، مِنده پاراحاتلیغینگیز بُلسون دییّپ آیتدیم.‏ بو دونیَه‌ده زَحمِت و اِذیِتینگیز بُلار، یُنه خاطیرجِم بُلونگ، چونکی مِن دونیَه‌نی یِنگدیم!‏»‏ دییدی.‏

آیانلیق 2:7

‏«‏قولاغی بار آدام مُقادِّس روحونگ کِلیسالارا نَمه دییَّنینی اِشیتسین!‏ یِنگیپ چیقان آداما خودایینگ جِنِّتدَکی یاشاییش باغینینگ میوه‌سیندِن اییمَگه اِجازا بِرِرین.‏»‏

آیانلیق 12:11

اُلار قوزینینگ قانینینگ اوستو بیلِن و اُز شاهاتلیقلارینینگ اوستو بیلِن شِیطانی یِنگدیلِر.‏ حتّیٰ اُلوم قُرقوسی اوستلِرینه قُرقی سالسا-دا، جانلارینی قایغیرمادیلار.‏