۱ قُرِنتُس‌لار 2:7 - مُقادِّس کیتاب

⁷ بیز خودایینگ سیرلی و گوزگین ساقلانان حِکمِتینی آیدیاریس.‏ خودای بو حِکمِتی بیزینگ هِم اُنونگ بِییکلیگینَه شِریک بُلماغیمیز اوچین، اُنی دونیَه یارادیلمازدان اُنگ قارار اِدیپدی.‏

۱ قُرِنتُس‌لار 2:7 Referans Kwoze

۲ پِطرُس 1:3

خودایینگ یُلینا گُرَه یاشاماغیمیز اوچین اُل اُز گویجینینگ اوستو بیلِن بیزه گِرِک بُلان هِمّه زادی بِردی.‏ اُل مونی یاخشیلیق و بِییکلیک بیلِن بیزی چاغیرانی تانیماغیمیز اوچین اِتدی.‏

مَتّیٰ 13:35

بو پیغامبار سِبَپلی آیدیلان شو سُزونگ بِرجای بُلماغی اوچیندی:‏ ‏«‏مِن سیزه میثال آیدیپ بِرِیین، دونیَه‌نی یارادیلان بَری گوزگین قالان سیرلاری بِیان اِدِیین.‏»‏

مَتّیٰ 11:25

شو واقت عیسی سُزونی دُوام اِدیپ، شِیله دییدی:‏ ‏«‏اِی آتام، یِرینگ و آسمانینگ حُکومداری!‏ بو زاتلاری عاقیلدارلاردان و دانالاردان گوزگَپ، چاغالارا آیان اِدِندیگینگ اوچین، سانگا شوکور اِدیَرین.‏

۱ پِطرُس 5:10

بُل مِرحِمِتی جُشدیریان خودای سیزی مسیحینگ اوستو بیلِن اُز اِبِدی بِییکلیگینَه چاغیردی.‏ سیز دورموشدا عاذاپ چِکیَن بُلسانگیز هِم، اُل سیزی دیکِلدِر، قاییملار، گویچلِندیرِر و تیترِمِز بینا اِدیپ قورار.‏

اِفِسُسلار 1:4

اُز حوضوریندا مُقادِّس و عایپسیز بُلماغیمیز اوچین، خودای بیزی دونیَه یارادیلمازدان اُزال سایلاپ-سِچدی، و سُیگیده عیسی مسیحینگ اوستو بیلِن بیزی اُغولّیغا آلماق بارادا اُوالدان قارارا گِلیپدی.‏ بو اُنونگ گُونوندِن توروپ، اِراداسی بیلِن بُلدی.‏

آیانلیق 13:8

یِر یوزونده یاشایان هِر بیر اینسان بو جاناوارا سِجده اِدِر.‏ بو جاناوارا دینگه دونیَه یارادیلمازدان اُنگ آدلاری یاشاییش دِفتِرینه یازیلان آداملار سِجده اِتمِز.‏ یاشاییش دِفتِری داماغی چالنان قوزینینگقیدیر.‏

۱ پِطرُس 1:11

اُلارینگ قالبینداقی مسیحینگ روحی اُنونگ چِکمِلی عاذاپلاری و عاذاپلاردان سُنگقی بِییکلیگی بارادا اُوالدان اَشکَر اِتدی.‏ اُلار بولارینگ نَهیلی و هاچان بُلجاقدیغی بارادا مُقادِّس روحونگ نَمه گُرکِزیَندیگینی دوشوندیرمَگَه چالیشدیلار.‏

۲ تیموتاوس 1:9

خودای بیزی اِدِن عِمِل‍لِریمیزه گُرَه دَل-ده، اُز ماقصادینا و مِرحِمِتینه گُرَه نِجات بِریپ، مُقادِّس یاشایشا چاغیردی.‏ بو مِرحِمِت دونیَه یارادیلمازدان اُنگ عیسی مسیحینگ اوستو بیلِن بیزه بِرلیپ،

۱ پِطرُس 5:1

مِن مسیحینگ چِکِن عاذاپلارینینگ شاهادی و اُنونگ آیان بُلجاق بِییکلیگینینگ شِریکی حُکمونده آرانگیزداقی اُزوم یالی یاشولیلاردان شولاری خاییش اِدیَرین:‏

رومیلار 8:29

چونکی خودای اُلاری اُووندِن سایلاپ-سِچدی و ‏«‏مِنینگ اُغلوما مِنگزِسینلِر»‏ دییّپ، اُنگدِن بِلَّپ قُیدی.‏ اُل مونی عیسی مسیحینگ کَن اِرکِک و آیال دُغانلارینینگ آراسیندا باشداقی بُلماغی اوچین عِمِل اِتدی.‏

رومیلار 8:30

خودای اُنگدِن بِلَّنلِرینی چاغیردی، چاغیرانلارینی آقلادی و آقلانلارینی بِییکلیگَه گِییندیردی.‏

رومیلار 11:25

اِی عزیزلِر، سیز مَغرور بُلماز یالی، شو سیردان خابارلی بُلماغینگیزی ایسلِیَرین.‏ خودای باشغا میلِّتلِردِن سایلانلارینینگ بارینی نِجات بِریَنچَه، کَبیر اسرائیل‌لارینگ یورِگی یومشاماز.‏

۱ قُرِنتُس‌لار 2:1

اِی عزیزلِر، مِن سیزه خودای باراداقی سیری اِعلان اِتمَگه بارانیمدا، دیلِوارلیق یا اینسان حِکمِتی بیلِن بارمادیم.‏

اِفِسُسلار 3:10

اُزونینگ هِر هیلی حِکمِتلیگی کِلیسانینگ اوستو بیلِن آسمانداقی حُکومدارلارا و ایختییاردارلارا بیلدیریلسین دییّپ، خودای شِیله اِتدی.‏

عِبرانیلار 1:2

اِمّا بو آخیرقی گونلِرده بُلسا اُل بیزه اُز اُغلونینگ اوستو بیلِن کِپلِدی.‏ اُغلونینگ اوستو بیلِن خودای عالِم-جاهانی یارادیپ، اُنی هِمّه زادینگ میراثچیسی اِدیپ بِلِّدی.‏

عِبرانیلار 11:3

بیز عالِم-جاهانینگ خودایینگ حُکومی بیلِن یارادیلاندیغینا، شِیله هِم، گُرونیَن زاتلارینگ گُرونمِیَن زاتلاردان دُرَندیگینه ایمانینگ اوستو بیلِن دوشونیَریس.‏