۱ قُرِنتُس‌لار 15:54 - مُقادِّس کیتاب

⁵⁴ شونلوقدا، چویرییَن بِدِن چویریمِزلیگه، اُلیَن بِدِن اُلمِزلیگه گِیینِنده، ‏«‏پیروزی اُلومی یوووتدی»‏ دییلِن سُزلِر بِرجای بُلار.‏

۱ قُرِنتُس‌لار 15:54 Referans Kwoze

آیانلیق 20:14

اُنسُنگ اُلوم و اُلولِر دونیَه‌سی یانیپ دوران دِریاچا زینگیلدی.‏ اینه، بو اُدلی دِریاچا ایکینجی اُلومدیر.‏

آیانلیق 21:4

اُل اُز خالقینینگ گُزلِرینینگ هِر بیر گُزیاشینی سوپورِر.‏ ایندی نه اُلوم، نه-ده یاس، نه ناله، نه-ده دِرد بُلار.‏ چونکی اُوالقی زاتلار گِچیپ گیتدی.‏»‏

لوقا 20:36

آصلا اُلمِزلِر، سِبَبی اُلار پِریشده‌لِر یالیدیر.‏ اُلار قیاماتینگ فِرزِنتلِریدیگی اوچین خودایینگ فِرزِنتلِریدیر.‏

۲ قُرِنتُس‌لار 4:11

بیزینگ فانی بِدِنیمیزده عیسی مسیحینگ یاشاییشی آیان بُلسون دییّپ، بیزی، یَعنی دیریلِری اِلمیداما اُنونگ خاطیراسینا اُلومه تابشیریارلار.‏

رومیلار 2:7

خودایدان بِییکلیک، حُرمات و اُلمِزلیگی آغتاریپ، هِمیشه یاخشیلیق اِدیَنلِره اُل اِبِدی یاشایشی بِرِر.‏

۲ تِسالونیکیلِر 1:10

اُنونگ مُقادِّسلِری بُلسا گِلجِک شُل گونونده و ایمان گِتیرِنلِرینگ هِمّه‌سی اُنی بِییکلِندیرِرلِر.‏ بولارا سیز هِم لاییقسینگیز، سِبَبی سیز اُزونگیزه اِدیلِن شاهاتلیقلارا ایناندینگیز.‏

رومیلار 8:11

اِگِر عیسی مسیحی اُلومدِن دیرِلدِنینگ روحی قالبینگیزدا یاشایان بُلسا، مسیحی اُلولِردِن دیرِلدِن خودای حتّیٰ فانی بِدِنلِرینگیزه-ده یاشاییش بِرِر.‏ اُل مونی سیزده یاشایان روحونینگ اوستو بیلِن اِدِر.‏

رومیلار 6:12

سیز فانی بِدِنینگیزینگ گونَه‌لی هُوِسلِرینه دوشمِز یالی، گونَه‌نینگ اُز بِدِنینگیزه حُکوم سورمِگینه یُل بِرمَنگ.‏

رومیلار 1:23

باقی خودایا عیبادات اِتمَن، فانی آداملارینگ، قوشلارینگ، حایوانلارینگ و خازاندالارینگ صوراتینداقی بُتلارا عیبادات اِتدیلِر.‏

۲ قُرِنتُس‌لار 5:4

اِمّا حَضیرلیکچه بو فانی چادیریمیزدا بُلوپ، حاسرات چِکیَریس، قینچیلیق گُریَریس، سِبَبی بو فانی چادیریمیزدان دیناسیمیز گِلِنُق.‏ تِرسینه، خودایینگ بِلَّن مِسکِنینه گِینیپ، اِبِدی یاشایشا اُلمَکَک قاووشماغی کویسِیَریس.‏