۱ قُرِنتُس‌لار 15:2 - مُقادِّس کیتاب

² سیزه واغیظ اِدِن خوش خاباریمی اِگِر قاییم توتسانگیز، اُنونگ اوستو بیلِن نِجات تاپارسینگیز.‏ اِمّا توتماسانگیز، بیدِرِک یِره ایمان گِتیردیگینگیز بُلار.‏

۱ قُرِنتُس‌لار 15:2 Referans Kwoze

عِبرانیلار 3:6

اِمّا عیسی مسیح خودایینگ اُیونه اُغول حُکمونده اِمیندیر.‏ اِگِر قایراتیمیزی و قووانیان اومیدیمیزی ساقلاماغی باشارساق، بیز خودایینگ اُیودیریس.‏

عِبرانیلار 2:1

شُنونگ اوچین ایماندان دَنمِز یالی، اِشیدِنلِریمیزه خاص کَن اونس بِرمِلیدیریس.‏

عِبرانیلار 3:14

بیز اُزال-باشداقی اینامیمیزی آخیرنا چِنلی قاییم ساقلاساق، مسیحده شِریک بُلدوغیمیزدیر.‏

۲ تیموتاوس 1:9

خودای بیزی اِدِن عِمِل‍لِریمیزه گُرَه دَل-ده، اُز ماقصادینا و مِرحِمِتینه گُرَه نِجات بِریپ، مُقادِّس یاشایشا چاغیردی.‏ بو مِرحِمِت دونیَه یارادیلمازدان اُنگ عیسی مسیحینگ اوستو بیلِن بیزه بِرلیپ،

کولُسیلِر 1:23

اِلبِتّه، سیز اِشیدِن خوش خابارینگیزینگ بِرِن اومیدیندا سارسمان، ایماندا کُک اوروپ، قاییم دورمالیسینگیز.‏ بو خوش خابار یِر یوزوندَکی هِر بیر اینسانا اِعلان اِدیلدی.‏ مِن پولس بو خوش خابارینگ خیدماتچیسی بُلدوم.‏

اِفِسُسلار 2:8

چونکی سیز ایمانینگ اوستو بیلِن و خودایینگ مِرحِمِتی بیلِن نِجات تاپیلدینگیز.‏ بو سیزینگ اُز تاقالّانگیز بیلِن بُلمادی، دینگه خودایینگ ناغماتیدیر.‏

۱ قُرِنتُس‌لار 1:18

هِلَکچیلیک یُلوندان باریان آداملار اوچین صلیب باراداقی خابار آحماقلیقدیر.‏ اِمّا بیز، یَعنی نِجات یُلوندان باریانلار اوچین بو خابار خودایینگ قودراتیدیر.‏

یعقوب 2:26

اِدیل روحسیز بِدِنینگ اُلی بُلشی یالی، عِمِلسیز ایمان هِم اُلودیر.‏

یعقوب 2:14

اِی عزیزلِر!‏ آرانگیزدان بیری ‏«‏ایمانیم بار»‏ دییّپ هِم، اُنی یاخشی عِمِلی بیلِن گُرکِزمِسه، مونونگ نَمه پِیداسی بار؟ بِیله ایمان اُنی نِجات بِریپ بیلِرمی؟

عِبرانیلار 10:23

ایندی ایقرار اِدِن اومیدیمیزی شِکلِنمَن قاییم ساقلایلینگ، چونکی واعدا بِرِن خودای اِمیندیر.‏

لوقا 8:13

داشلی یِره دوشِنلِر بُلسا سُزی اِشیدِنلِرینده، شاتلیق بیلِن قابول اِدیَن آداملاردیر.‏ یُنه اُلار کُک اورماندیغی اوچین، آز واقتلایین ایمان گِتیریپ، ایمتِحان واقتی ایماندان دَنیَرلِر.‏

یعقوب 2:17

ایمان باباتدا هِم شِیلِدیر، اِگِر عِمِل یوزونده گُرکِزیلمِسه، اُل اُز-اُزوندِن اُلودیر.‏

عِبرانیلار 4:14

شِیلِلیکده، ایقرار اِدِن ایمانیمیزی قاییم ساقلایلینگ!‏ چونکی بیزینگ آسمانا چیقیپ، خودایینگ حوضورینا باران بِییک باش کاهینمیز بار.‏ اُل خودایینگ اُغلی عیسادیر.‏

۲ تِسالونیکیلِر 2:15

شُنگا گُرَه-ده، اِی عزیزلِر، ایندی ایماندا قاییم دورونگ!‏ بیزدِن سُز یا نامه‌نینگ اوستو بیلِن اُورِنِن تَعلیماتینگیزا قاییم یاپیشینگ.‏

غَلاطیه‌لِر 3:4

اُندا باشدان گِچیرِنلِرینگیزینگ باری بیدِرِک بُلایدیمیقا؟ واخ، اِلبِتّه بیدِرِک دَل!‏

۲ قُرِنتُس‌لار 6:1

بیز خودایینگ هِمکَرلِری حُکمونده سیزه یالباریاریس:‏ اُندان آلان مِرحِمِتینگیزی بی‌قادیر توتمانگ.‏

رومیلار 1:16

مِن خوش خاباردان اوتانمایارین، سِبَبی اُل خودایینگ گویجودیر.‏ خودای بو خوش خابارینگ اوستو بیلِن هِر بیر ایمان گِتیرِنی:‏ اَوَّل یَهودیلِری، سُنگرا یَهودی دَل‍لِری نِجات بِریَر.‏

۲ قُرِنتُس‌لار 2:15

چونکی بیز نِجات تاپانلارینگ آراسیندا-دا و هِم هِلَکچیلیک یُلوندان باریانلارینگ آراسیندا-دا، خودای اوچین مسیحینگ ایسلی عاطیرلاریدیریس.‏

۱ قُرِنتُس‌لار 15:14

و اِگِر مسیح دیرِلمِدیک بُلسا، اُندا بیزینگ واغظیمیز-دا، سیزینگ ایمانینگیز-دا بیدِرِکدیر.‏

۱ قُرِنتُس‌لار 1:21

خودای دونیَه اُز حِکمِتینه دایانیپ، خودایی تانیپ بیلمِز دییِن قارار اِتدی.‏ شُنگا گُرَه-ده، آحماق حاساپلانیان خاباریمیزینگ اوستو بیلِن خودای ایمان گِتیریَنلِری نِجات بِرمِگی یورِگینه دوودی.‏

رومیلار 11:22

خودایینگ رِحمدارلیغی و قاتیلیغی بارادا گُز اُوونه گِتیرینگ.‏ اُل موطیع‌سیزلار اوچین قاتیدیر، سیزینگ اوچین بُلسا رِحمداردیر.‏ اِگِر سیز اُنونگ رِحمدارلیغینا قاییم دورسونگیز، اُل هِم سیزه رِحمدار بُلار.‏ اِگِر دورماسینگیز، سیز هِم کِسیلیپ زینگیلارسینگیز.‏

رِسول‍لار 8:13

حتّیٰ شمعون هِم ایمان گِتیردی، تَعمیدلِنِندِن سُنگ بُلسا فیلیپُسینگ یانیندان آیریلمادی.‏ اُل فیلیپُسینگ یِرینه یِتیریَن بِییک مُعجِزه‌لِرینی و عالاماتلارینی گُروپ، حایران قالیاردی.‏

رِسول‍لار 2:47

خودایا شوکور اِدیپ، تامام ایل ایچینده عزیز گُرونیَردیلِر.‏ خودای هِم نِجات تاپیانلارینگ سانینی هِر گون کَنِلدیَردی.‏

۱ قُرِنتُس‌لار 11:2

مِنی اِلمیداما یادلایاندیغینگیز و تَعلیماتی سیزه تابشیریشیم یالی ساقلایاندیغینگیز اوچین سیزی اُویَرین.‏